Jọshụa 3:4 - Kịrịkẹnị Baịbụl

⁴ Mịanga jịn sịkị ma ó ḅokẹ, anịẹrẹchị ini ma anị ọ́ ḅọrọḅịa ateli mị se ó ḍieḅịaye-ẹ. Ọkụma Ọḅọkụ Igbe mị ómine anị na kpekima; kuḅu-a mẹndẹ oyiasi fịnjị laḅịaye ọ́ nwọse anịa ọḅụju sikima sime.”

Jọshụa 3:4 Iomraidhean Croise

Chukusakị 31:2

Ọ̀ pịkị ḍọkịḅo ọrịmẹ na Leban ḅe tatarị sịkị ori orina sime iḅi ḅara mị ọ̀ ḅarị orina nwọ simekẹ.

1 Amanyanapụ Sịkị Mịẹaye Ma 11:2

Ḅọrọsa sịkịḅụ, Sọl ḅe amanyanaḅọ sọ wa pịrịarị sịkị sọnị, ị́ ọmụkụlọda Izrẹl mị pịrịsam, pịkị Nyanaḅọ ị́ Tamụnọ Ḅe ò yese ị́ karịmẹ na ị́ kụlọda oria tomonima pịrị pịkị inia ḅẹrẹtọnḅọ nwọ sọḅịa.”

Fịafịa Nime 25:12

Nyanaḅọ Ḅe ḅịpị poki apụma ini nwẹngịḅịa ateli ọ̀ ḅụ nwọ ḍawọḅịa.

Fịafịa Nime 89:7

Ini ị́ ḍikiḅalafaḅịa fịafịa apụ koḅiria ogbo ḅie; inimgba sịsẹ chịẹ se osi se ị́ pịrịmẹ.

Pakaso 19:12

Eke chụa tụndụ mị kelema, tomonima ini saḅa ḅọrọ ẹka ọkụ, pịkị ḍuko ini pịrị na tụndụ mị ini tanjịma, ini pịkị ḅụ seni anị kpekimama. Nemikase ḅụọ seni anị lamaḅọ omi-ẹ ḅẹḅẹ, nụḅọ fịḅịa;

Pakaso 3:5

Tamụnọ Ḅe nwọ ḅẹmẹ, “Ḅarị kpekima ḅoma. Ị́ ḅụọ sime akpaka ma sin, anịatịḅị ị́ chịẹ kiri mị fịafịa kiri-ẹ.

Pakaso 4:10

Ọkụma Moziz ḅe nwọ ḅẹmẹ, “Ẹn-ẹn, Nyanaḅọ, ị̀ fịrịmama. Ị̀rị̀ ọkwẹịn ḍinḅọkẹ, ị́ nwọ ọkwẹịn ị̀ pịrị sịkị ngịsị ḅo nwọ la sọnị ma à pa ineda ọkwẹịnkẹ. À gaịn-gaịnma ọkwẹịn ḍinkẹ anịatịḅị à ḅapuromẹ.”

Aịzaya 30:33

Ḅọlọsịkị ngịsị Asiria sẹdaḅọ ḅe dọkịmaḅịa opu fịnị ini nwọ karakarama koromamẹ. Anị gbunmẹ, anị pịkị dabaramẹ, fịnị-a pẹkẹrẹ pịkị anịa ḅie kpelu waraḅẹ. Nyanaḅọ Ḅe fịnị pakụmaḅịa ọwụ nwọse anịaḅụ saraḅịa se fịnị pakaḅịa.

Aịzaya 48:17

Izrẹl fịafịa Tamụnọ Ḅe, ómine ḍụaḍụaḅọ ḅe nwọ ḅẹmẹ: “Ị̀rị̀ Nyanaḅọ ọ́mịna Tamụnọ Ḅe, ọ́mịna iḅi gose ye se ó telimarịḅọ ḅe pịkị ómine da ọ́ sọ gbẹịn ateli ḅie chuarịḅọ ḅe-ẹ.

Jọshụa 3:3

Se nwọse tomonima ḅẹmẹ, “Agbamịẹapụma Nyanaḅọ ọ́mịna Tamụnọ Ḅe Ọḅọkụ Igbe mị dekiaḅẹ ọ́ nwọ ọrịsa ḅẹḅẹ, ó pike sime ikowarịma ọ́ kansin se ini ḍuko.

Jọshụa 3:5

Jọsụwa ḅe nwọse tomonima ḅẹmẹ, “Ómine ọ́ ḅụ mịẹfịafịama anịatịḅị ḅa Nyanaḅọ Ḅe ọ́mịna ogboku ọ̀ ḅụgbiripuma fịrịnwẹngịḅịa.”