Jọshụa 3:3 - Kịrịkẹnị Baịbụl

³ Se nwọse tomonima ḅẹmẹ, “Agbamịẹapụma Nyanaḅọ ọ́mịna Tamụnọ Ḅe Ọḅọkụ Igbe mị dekiaḅẹ ọ́ nwọ ọrịsa ḅẹḅẹ, ó pike sime ikowarịma ọ́ kansin se ini ḍuko.

Jọshụa 3:3 Iomraidhean Croise

2 Samụẹl 6:13

Ọḅọkụ Igbe mị dekiapụ ma sonio-a ḅụọ nwọ sin sịkị, Devid ḅe ini dachịẹma se gbọrị owoi nambulo na pịkị gbọrị ḅẹlẹkị chụa ayamburama nambulo na se agbamịẹ Nyanaḅọ Ḅe pịrịmẹ.

2 Samụẹl 6:3

Chịngị mị ọgọnọ sime Abinadab warị ḅie ini anị dekipakụmamẹ se anị seni ịwọ kporokporo ọgọnọ ḅụ gbanamẹ. Abinadab owuapụ awọ Ọza ḅe na Ahaịo ḅe na kporokporo mị datekerema aḅẹ,

1 Amanyanapụ 8:3

Sẹnịapụ mamgba ḅo koḅirima so sịkị, agbamịẹapụma Ọḅọkụ Igbe mị dekichịẹmamẹ

Jerimaya 33:18

pịkịna Livaị furoḅie nweni sịkịmamgba pakaḅoḅịa ḅo agbamịẹapụ sọ se fịrịnwẹngị ị̀ pịrị pịkị dọkịma ḍiepịrịaye na, mgbọlụ ḍiepịrịaye na, agba na mịẹ ị̀ pịrịḅịa.

Kịẹnḅịpị Ma 10:33

Tomonima Saịnaị osiḅụ sime tụndụ mị koromaso sịkị, tẹrẹ-a ḍin ini nwọse ateli nwẹngịmẹ. Nyanaḅọ Ḅe Ọḅọkụ Igbe mị sịkịmamgba inia tọrọkọ ịsụnmẹ, ini mun pike koḅirima simeḅịa anga ḍọkịḅoḅịa ẹrẹchị.

Kịẹnḅịpị Ma 4:15

Ini pike nyọ ḅụ, ini kansoḅịa sịkị. Kohat sẹ mị kẹngẹ anị osiḅụ sime ayema dekiḅịaye-ẹ, ọkụma anị Erọn ḅe na oria owuapụ awọma na tatarị, osiḅụ sime aye mamgba gbẹịnso pịkị inia aye mamgba na se chụa gbẹịnso sịkị. Kohat sẹ ḅie apụma ini ngịsị ḅara se osiḅụ sime ayema lama ẹkẹ anịka ini fịḅịa. Ma anị Kohat sẹ ḅie apụma sime ini pịrị fịrịma-ẹ ini Ikowarị mị sinso sịkị sinso sịkị.

Matio 16:24

Anị Jizọs Ḅe nwọse oria ọḅụḍukoapụma ḅẹye-ẹ, “Ị̀ ḍukoḅịa ḅọ omi-ẹ ḅẹḅẹ, iniḅọ iniḅọ ḅụ se ḅieḅarama, anịsịkị iniḅọ mgbẹsẹchịn mị nwọ pụra, se ị̀ ḍuko.

Matio 8:19

Gbọrị Oloko ḍieḅọ Ọ̀ damaḅo se nwọ ḅẹmẹ, “Yeḍieḅọ,” “à ḅụkarakaramamẹ Ị́ ḍuko Ị́ munḅịa nyọ goyegoye nwọ mun.”

Maịnkarama Oloko 31:25

Ọ̀ gịẹịnso sịkị, ọ̀ nwọse Livaị furo agbamịẹapụma ḅẹmẹ, anị Nyanaḅọ Ḅe Ọḅọkụ Igbe mị ḍikiḍikiarị apụma,

Maịnkarama Oloko 31:9

Anị Moziz ḅe Tamụnọ Ḅe olokoma gịẹịn koroma Livaị furo agbamịẹ apụma, anị Nyanaḅọ Ḅe Ọḅọkụ Igbe mị ḍikiḍikiarị apụma na pịkị Izrẹl tịḅịnịma na pịrịye-ẹ.

Jọshụa 3:4

Mịanga jịn sịkị ma ó ḅokẹ, anịẹrẹchị ini ma anị ọ́ ḅọrọḅịa ateli mị se ó ḍieḅịaye-ẹ. Ọkụma Ọḅọkụ Igbe mị ómine anị na kpekima; kuḅu-a mẹndẹ oyiasi fịnjị laḅịaye ọ́ nwọse anịa ọḅụju sikima sime.”

Jọshụa 3:6

Anị ọ̀ nwọse agbamịẹapụma ḅẹye-ẹ na ini Ọḅọkụ Igbe mị deki se tọrọkọda tomonima pịrị. Ò ḍuko ḅara mị ini pịkị nwọ mịẹmẹ.

Jọshụa 3:8

Ḍuko Ọḅọkụ Igbe mị deki agbamịẹapụma pịrị na ini ḅo Jọdan mị lasa ḅẹḅẹ, ini koromun tọrụ mị aka ḅụ mengi mị ḅie chịẹ sime.”

Jọshụa 4:10

Agbamịẹapụma Jọdan karakarama ogboku mị ḅụ ini chịẹ sime mun Nyanaḅọ Ḅe ḍuko Jọsụwa ḅe pịrị na ò tomonima ḅẹ na ini mịẹ nwọḅẹye goyegoye mịẹso sịkị lamẹ. Mịn Moziz ḅe tọn ini pịrị ọkụ mị-ẹ. Tomonima ini be tọrụ mị saḅamẹ.

Jọshụa 6:6

Jọsụwa ḅe ori agbamịẹapụma chịn se nwọse ini ḅẹmẹ, “Ómine Ọḅọkụ Igbe mị deki, se ọ́mịna ḅie sọnọma apụ anịa tọrọkọda, epelepe inia ḅara simeḅịa.”

Ḍieḅelema Yema 14:4

Ini anị inia ḅụ se ọrụtọn, eremeni na mịẹgboloma nyanaka apụ ma-ẹ; ini ere nemikẹ. Ini anị Anana Tọkụ Ḅe ḍukonwẹngịapụ-ẹ ò mun nyọ mun nyọ ḅụ. Ísí-a tomoni mamgba ḅie ini ḍụaḅọrọma nyanasam. Ini anị ini pịkị tatarị se agbamịẹ Tamụnọ Ḅe na Anana Tọkụ Ḅe na pịrịḅịaye-ẹ.

1 Samụẹl 6:15

Livaị apụma ini Nyanaḅọ Ḅe Ọḅọkụ Igbe mị na pịkị ini goli se mịẹaye ma ḅie sime igbe mị na deki, se àrị seni opu ḍụparị mị ọgọnọ gbanamẹ. Anịsịkị Bẹt Shimẹsh apụma dọkịma agbama na pịkị jịn agba na mịẹse Nyanaḅọ Ḅe pịrịmẹ.