Jọshụa 3:16 - Kịrịkẹnị Baịbụl

¹⁶ mengi mị ḅarị serikẹ anị pịkị ḅo gbọrị anga koḅirima simemẹ, Adam mị tụḅụ ḅieju ngịsị, anị Zarẹtan mị anga ḅụ sime opuama mị. Seri mun Jikeka Opu Tọrụ mị ḅie sarasara ideri mengi mị sọnị gbọtụma pẹlẹmẹ, se tomonima ini ineda tọrụ mị saḅamẹ Jẹriko mị na kpeki nyọ mị ḅụ.

Jọshụa 3:16 Iomraidhean Croise

Chukusakị 14:3

Mịna sọnọ-a amanyanapụma ḅịpị se ogbosọ se Sidim Pẹsịkiri mị ḅie, anị mịọkụ Fị Tọrụ ini nwọse chịn nyọ mị ḅụ koḅiria mẹ.

1 Amanyanapụ 4:12

Beana, Ahaịlud yaḅe Teanak mị na, Mẹgido mị na, pịkị bebe Bẹt Shan mị na kpeki nyọ mị mgba pịkị Jezriẹl ama mị ḅụ chuku ọrụ mị na kpeki Zarẹtan mị ḅụ ọkịmun Ebẹl Mihola opuama mị na pịkị Jokmeam opuama mị la mị mgba ḍikiḍikimẹ

1 Amanyanapụ 7:46

Amanyanaḅọ ḅe Sọkọt mị na Zarẹtan mị na ogboku ini ikulele sanị sanị ma aye mamgba mịẹ ọ̀ pịrịmẹ Jọdan Pẹsịkiri mị ḅieḅụ.

Fịafịa Nime 114:3

Awụwụ Tọrụ mị anị ḍikimẹ se anị mangị somẹ; Jọdan mengi mị anị dachịẹmẹ seri ḅụ.

Fịafịa Nime 114:5

Opu tọrụ, cheye paka, se ị́ mangịso? Pịkị ị́rị́, Yei Jọdan, cheye gose ị́ seriḅụ dachịẹ?

Fịafịa Nime 29:10

Nyanaḅọ Ḅe ọ̀ ḅẹrẹtọn gbun tọrụ ma pịrịmẹ; ori amanyanaḅọ ḅara se ḅẹrẹtọn gbasoḅịa.

Fịafịa Nime 33:7

Ọ̀ tọrụ mamgba kpokponima gbọrị anga koromamẹ; abaji mị ḅie gbun nyọma ọ̀ nwọse ngọ koko warịma ḅie ịkasị koromamẹ.

Fịafịa Nime 66:6

Ori opu tọrụ mị pịkịḅo kpoinkpoin kiri mịẹmẹ; mịna ḅieju-aḍapụma ini ḅụọ nwọse nwẹngị tọrụ mị saḅamẹ. Anịnyọ mịna ḅieḅẹlẹmẹ, ọ̀ mịẹye mị gose.

Fịafịa Nime 74:15

Ị́rị́ kiri chuku ḅie mengi ma mịẹ pakụmamẹ, se mengi ḅo iderimẹ; ị́rị́ opu-a tọrụ ma mịẹ samịnamamẹ.

Fịafịa Nime 77:19

Ambura ma ḅie ị́ nwẹngị tolumẹ; ị́ gbun a tọrụ ma saḅakoromẹ, ọkụma ị́ ḅụọ elekima nweni ineda ọrịẹkẹ.

Fịafịa Nime 78:13

Ori opu tọrụ mị se mama pẹkẹrẹ pumẹ, se ini seni anịa ḅie toluḅọrọmẹ; ọ̀ mịẹmẹ mengi ma warị agbagba chịẹ ọkụ chịẹmẹ.

Pakaso 14:21

Moziz ḅe ori ọ̀ ḅara sụma tọrụ mị damẹ, se Nyanaḅọ Ḅe ịrụapakapaka nyọ ḅụ kụrọ fọrụ seni tọrụ mị de ọḅụ pịrịmẹ. Ḍin mị mgba anị fie nweni tọrụ mị ḅo kpoinkpoin kiri nwọ sọmẹ. Mengi mị anị maịn pumẹ,

Pakaso 14:22

se Izrẹlapụma ini kpoinkpoin kiri ọgọnọ tọrụ mị saḅa koromẹ, mengi mị mama anga ma ḅụ anị chịẹ simemẹ.

Pakaso 14:29

Ọkụma Izrẹlapụma ini ḅụọ se tọrụ mị ḅie kpoinkpoin kiri ọgọnọ nwẹngị saḅa somẹ, se mengi mị anị tọrụ mị ḅụ mama anga ma ḅụ kpokponima chịẹ simemẹ.

Pakaso 15:8

Ị́ fọrụ fiema tọrụ mị ḅụ sara se mengi mị kpokponima gelema chịẹmẹ; onu chịẹ ọkụ anị anị chịẹ ọkụ-ẹ; tọrụ mị ḅụ gbuntẹịn anga mị pịkịḅo kpoinkpoin kiri sọmẹ.

Aịzaya 50:2

“Cheye gose ị̀ya tomonima ini yepẹkẹrẹka à mun ini ḍụamun-arịsịkị? Cheye gose àrị ini chịn sịkị ini ḅịpị ọkịka? Ini ḍụa mị ḅụ ị̀ ḅụ ịnyọ opuma fa? Àrị ineda kụrọ pịrị se tọrụ mị samịnaḅịa, à pịkị ineda onwun ele ma pịkịḅo tọrụ mịẹḅịa, mịẹsosịkị arịa ḅie sime injima mengi oforika ḅe ḅụḅalaḅala gose fịḅịa.

Izikịẹl 47:8

Ọ̀ nwọse ị̀ ḅẹmẹ, “Mị mengi mị, ịrụapakapaka nyọ da ama mị ḅie anị ideri ḅọrọ mun Jọdan Pẹsịkiri mị ḅie ḅọrọ mun Fị Oputọrụ Mengi mị lamẹ. Anị seri mun Fị Oputọrụ Mengi mị lasịkị, anị anị tọrụ mị ḅe ala-mengi mị ḍinma ḅu-mengi mịẹmẹ.

Nehọm 1:4

Ọ̀ ḅẹrẹtọn opu tọrụ mị pịrịmẹ, se anị samịnamẹ! Ọ̀ mịẹse tọrụ ma samịnamẹ. Bashan ozuma samịna famẹ, Kamẹl Tụndụ mị aḅaịn tọrụ chụamẹ, se Lẹbanọn ngwengwe ma arịa tọrụ ma fịmẹ.

Habakọk 3:8

Ideri mengi ma ị́ ịganịmarị mọnọ, Nyanaḅọ? Opu tọrụ ma opuma ị́ ịganịmarị mọnọ? Ị́ soḅuno ma ọgọnọ nwẹngịmẹ; irisi mị anị ị́ya kporokporo owuni arụ-ẹ, ị́ nwọ ọmụḅaraiḅi ọkịḅo ị́ya tomonima pịrị sa sịkị.

Kịẹnḅịpị Ma 34:3

Chuku daọrụ eke mị Zin piri ele mị ḅie anị sakị Idọm eke ọrụ mị munḅịa. Fị Tọrụ mị ḅụ chuku daọrụ mị ḅụ ịrụapakapaka nyọ mị ḅụ anị sakịḅịa.

Maịnkarama Oloko 1:1

Mịn Moziz ḅe ḍuko Izrẹlapụma pịrịaye ma-ẹ, ini onwun ele mị ḅie sime sịkị ḅụ, anị Jọdan Tọrụ mị ḅụ ịrụapakapaka nyọ daọrụ ḅụ. Jọdan Pẹsịkiri mị ḅie ini simemẹ Sọf mị na kpekima, Peran mị na ísí amama na ogboku ḅụ, anị Tọfẹl mị na, Leban mị na, Hazirọt mị na, pịkị Dizahab mị na.

Maịnkarama Oloko 3:17

Ịrụasọsọ nyọ daọrụ mị ḅụ inia pẹkẹrẹ mị wasama mun Jọdan Tọrụ mị lamẹ, Galili Ḍapa ọgọnọju daọrụ mị ḅụ ọkịmun Fị Tọrụ mị chuku daọrụ la pịkị somun Pisga Tụndụ mị chuku ịrụapakapaka nyọ daọrụ lamẹ.

Jọshụa 12:3

Jọdan Pẹsịkiri mị sọnị anịa ḅie omi-ẹ, Galili Ḍapa mị ḅụ sakị chukuju daọrụ ọkịmun Bẹt-Jeshimọt mị la (Jikeka Opu Tọrụ mị ḅụ ịrụapakapaka nyọ daọrụ mị) pịkị somun Pisga Tụndụ mị chuku la.

Jọshụa 15:2

Mị chuku da eke mị Jikeka Opu Tọrụ mị ḅụ chuku ọrụ mị ḅụ anị sakịmẹ,

Jọshụa 16:7

Anị pịkị Janoa mị ḅụ tukoro mun Atarọt mị na Neara mị na la, somun Jẹriko mị la se Jọdan mị ḅụ kulumamẹ.

Jọshụa 3:13

Bebe sẹkiri mị mgba Nyanaḅọ Ḅe Ọḅọkụ Igbe mị deki agbamịẹapụma ḅụọma mengi mị ḅie chịẹsa ḅẹḅẹ, Jọdan mị ḅarị seri ẹkẹ, pịkị ideri pakaḅoarị mengi mị sọnị gbọrị anga mị anị koḅirima simeḅịaye-ẹ.”

Jọshụa 4:22

Izrẹlapụma kpoinkpoin kiri ọgọnọ Jọdan mị saḅa ọkụ mị ọ́ nwọ ḍuko ini pịrịḅịa.

Jọshụa 5:1

Amọraị amanyanapụ mamgba, anị Jọdan mị ḅụ ịrụasọsọ nyọ daọrụ mị ḅụ anga apụma na, pịkị Kenan amanyanapụ mamgba na, anị Mẹditirenia Opu Tọrụ mị anga sịkị ḅụ anga apụma na, naamẹ na Nyanaḅọ Ḅe Jọdan mị samịnamamẹ se Izrẹlapụma saḅa ḅọrọmẹ nwọḅẹye mị. Inia ḅalafamẹ, inia kuḅie taịntaịnmẹ pịkị inia ḅụ lọkọmẹ Izrẹlapụma gose.

Bẹrẹkọn Apụ 7:22

Gidiọnị ḅe na oria tomonima na pa inia oḍu ma ofuroarị sịkị, Nyanaḅọ Ḅe tarakapụma mịẹse ini inia kongo ma seni owu se jịnḅọ jịnḅọ pakamẹ. Ini mangị Zarẹtan mị da somun Bẹt Shita mị lamẹ, ọkịmun Ebẹl Mihola ama mị la Tabat mị aka ḅụ simeye mị.