Jọshụa 24:7 - Kịrịkẹnị Baịbụl

⁷ ini ị̀ chịn owumẹ à ḅarachụa ini pịrịḅịa ẹrẹchị, se à kanakana se ini na Ijipt apụma na ogboku koromamẹ. À mịẹmẹ tọrụ mị ḅo Ijipt apụma gbẹịn se ini simbi ḅaamẹ. À seni Ijipt mị mịẹye ó nemimẹ. “‘Ḅọlọsa sịkị ḅụ onwun ele mị ḅie ómine angamẹ.

Jọshụa 24:7 Iomraidhean Croise

Pakaso 14:10

Izrẹlapụma ini amanyanaḅọ ḅe na oria ọmụogbo mị na ini ḍukoarị ọkụ nwọ ọrị sịkị, inia ḅala opuma famẹ se ini owu Nyanaḅọ Ḅe pịrịmẹ na ọ̀ ḅarachụa ini pịrị.

Pakaso 14:20

Ijipt apụma na Izrẹlapụma na ogboku simemẹ. Soḅuno mị anị kanakana sọ seni Ijipt apụma pịrịmẹ, ọkụma anị enekuḅu sọ seni Izrẹlapụma pịrịmẹ, anịẹrẹchị ḍin mị ḅie mgba owunima ini ineda jụmḅọ jụmḅọ kpekimakẹ.

Pakaso 14:31

Izrẹlapụma Nyanaḅọ Ḅe oria opu kụrọ mị seni Ijipt apụma nẹngịma ọkụ nwọ ọrị sịkị, ini Nyanaḅọ Ḅe ḍikiḅalafamẹ; ini pịkị Nyanaḅọ Ḅe ḅụ ḅereni nyanamẹ, pịkị oria fịrịnwẹngịḅọ Moziz ḅe ḅụ na.

Maịnkarama Oloko 1:46

“Anịẹrẹchị, wa Kedẹsh mị ḅie sime mun ḅọlọ sịkị lasịkị,

Maịnkarama Oloko 2:14

Mịn anị wa Kedẹsh Banea mị ḅie ḅụ ḅụọsin maịnfa kụra mesi ḅọrọ sịkị mị-ẹ. Anị ḅụọ mị ḅụ ọmụ mị gbin owuapụ mamgba ini fị sosam, anị Nyanaḅọ Ḅe ḍuko na ọ̀ mịẹḅịa ḅẹye mị-ẹ.

Maịnkarama Oloko 29:2

Moziz ḅe Izrẹlapụ mamgba chịn koḅirima se nwọse ini ḅẹmẹ, “Nyanaḅọ Ḅe se Ijipt amanyanaḅọ ḅe na, oria fịrịnwẹngịapụma na, pịkị bebe oria sẹ mị mgba na mịẹye ọ́ ḅarana ọrịsam.

Maịnkarama Oloko 4:34

Nde oru jịn sịkị dada mun jịn sẹ ḅara ḅie sime apụ pọkọ pakụma ḅo se oria tomoni mịẹsa, anị Nyanaḅọ ọ́mịna Tamụnọ Ḅe Ijipt mị ḅie mịẹ ọ́ pịrị ọkụ mị? Ómine sọnị tọrụ se ọrị ḅaraḅụ oria opu kụrọ mị na ịnyọ mị na ọ̀ nwọse fịrịnwẹngịmẹ; ori obi na ọmụ na se ḅomẹ, ḅụgbiripumaye na elekima na ọ̀ nwọ mịẹmẹ, pịkị ḅalafamaye na.

Hibru 3:17

Nde apụ Tamụnọ Ḅe ḅụosọ nwọ nyana pịrị kụra mesi na gbasịye ḅụ? Anị piri-ele mị ḅie simịẹ, se sokoro fị apụma-ẹ.