Jọshụa 24:32 - Kịrịkẹnị Baịbụl

³² Josẹf oju mị, anị ini Izrẹlapụma Ijipt mị ḅie ọkịḅoye mị, Shẹkẹm mị ḅie ini anị ḍipimẹ, anị Jekọb ḅe Hemọ awọma ḅara fẹ kịrị mị ḅie, anị Shẹkẹm ḍaḅe, seleḅa pẹkẹrẹ-a sọnọasi ọ̀ nwọse anị fẹmẹ. Mị kiri mị Josẹf furo ḅie apụma anị ḍiaọkịmẹ.

Jọshụa 24:32 Iomraidhean Croise

Chukusakị 33:19

Anị ele mị Hemọ Shẹkẹm ḍaḅe furo ḅie apụ ḅara mị ọ̀ seleḅa pẹkẹrẹ-a sọnọasi se fẹye-ẹ.

Chukusakị 48:22

Ị́rị́ anị à Shẹkẹm mị se pịrịarịye-ẹ, ị́ya mịnapụma kẹ, anị fịye pakụma nyọ mị, anị Amọraị apụma ḅara àrị ị̀ya kongo na lubu na se ọkị nyọ mị.”

Chukusakị 50:24

Gbọrị ene Josẹf ḅe ḍuko oria mịnapụma pịrịmẹ, “À fị ẹtọn aḅẹ, ọkụma Tamụnọ Ḅe ọ̀ gbarịmaka ḅaraḅụ, ó ḍikiḍiki, pịkị mị nyọ ḅụ ọ́ ḅọrọma pakụma mun ò ḅereni Ebraham ḅe na, Aịzịk ḅe na, pịkị Jekọb ḅe na pịrị nyọ mị laḅịa.”

Chukusakị 50:25

Anị Josẹf ḅe oria tomonima ḅẹye-ẹ ini yekarịfị. “Ó ḅereni ị̀ pịrị,” ọ̀ nwọ ḅẹmẹ, “Tamụnọ Ḅe ọ́ pamun anị nyọ laḅịa sịkị ómine ị̀ya oju akpakpa mị se chụa munḅịa.”

Pakaso 13:19

Moziz ḅe ò Josẹf ḅe oju ọkịse chụaso mẹ, anị Josẹf ḅe Izrẹlapụma mịẹse ini kụrọma yeḅereni na ini mịẹḅịa nwọḅẹ ọkụ mị. Josẹf ḅe nwọḅẹmẹ, “Tamụnọ Ḅe ọ́ ḍụaḅọrọmaḅịa sịkị, gbarịmaka ḅaraḅụ mịanga ị̀ya oju mị, ómine anị ọkịse chụaso.”

Jọn Iḅi Ḅẹrẹ Mị 4:5

Sameria ḅie Saịka nwọ chịn gbọrị ama ò ḅo nwọ lamẹ, anị Jekọb ḅe se yayo Josẹf ḅe pịrị ele mị na kpekimẹ.

Okunwẹngịapụ 7:15

Anịsịkị Jekọb ḅe so Ijipt nwọ mun mẹ, ori na mịna ḅieju-aḍapụma na sime se fị nyọ mị.

Okunwẹngịapụ 7:16

Ini inia fịsa ojuma deki so Shẹkẹm mun mẹ, anịanga ini ini se Ebraham ḅe Hamọ sẹ apụma ḅara fẹ iḍupu mị ḅie ḍipimẹ.

Hibru 11:22

Ḅereni mị, mị mịẹse, Josẹf ḅe fị-ẹtọn-arị sịkị, Izrẹlapụma Ijipt ḅie pakasoḅịa nwọ ḅẹ ḅẹrẹ ḍukoye-ẹ, pịkị se oria oju mị mịẹḅịa ḅara nwọ ḍukoye-ẹ.