Jọshụa 24:25 - Kịrịkẹnị Baịbụl

²⁵ Anịẹrẹchị Jọsụwa ḅe ori ọḅọkụ mịẹ tomonima pịrịmẹ anị ene ḅụ, se anịju Shẹkẹm mị ḅie ori oloko na ini ḍuko nwẹngịḅịaye ma na se ini pịrịmẹ.

Jọshụa 24:25 Iomraidhean Croise

Chukusakị 35:4

Anịgose inia ḅara sime jịn sẹ-a oru mamgba na ḅerichụaye ma na ini nwọse Jekọb ḅe pịrịmẹ. Ori àrị se Shẹkẹm na kpeki gbọrị kuru eje chuku kiri ḅie ḍipimẹ.

2 Amanyanapụ 11:17

Agbamịẹ Jẹhoịada ḅe Amanyanaḅọ Joash ḅe na tomonima na mịẹse ini Nyanaḅọ Ḅe na ọḅọkụ fịmẹ na ini Nyanaḅọ Ḅe oria tomoni sọḅịa; ọ̀ pịkị mịẹse amanyanaḅọ ḅe na tomonima na ọḅọkụ fịmẹ.

2 Amanyanapụ Sịkị Mịẹaye Ma 15:12

Ini ọḅọkụ fịmẹ ḅịpị ogbosọ ḅụ na Nyanaḅọ Ḅe anị ini tẹkẹḅịaye-ẹ, inia olomu-aḍapụma Tamụnọ Ḅe, inia kuḅie na inia tẹmẹ mgba na.

2 Amanyanapụ Sịkị Mịẹaye Ma 15:15

Juda apụ mamgba ini ḅieḅẹlẹmẹ anịatịḅị ini inia kuḅiemgbọlụ mgba se ọḅọkụ mị fịmẹ. Nyanaḅọ Ḅe tẹkẹ mị inia ḅụḅẹlẹye sọmẹ, ori sọnị ori ini ọkịmẹ seni dein se ini pịrịmẹ nyọ mamgba ḅụ.

2 Amanyanapụ Sịkị Mịẹaye Ma 23:16

Agbamịẹḅọ Jẹhoịada ḅe amanyanaḅọ ḅe ọkị pịkị tomonima na se ọ̀ḅụchụa se ini ọḅọkụ fịmẹ na ini Nyanaḅọ Ḅe oria tomoni sọḅịa.

2 Amanyanapụ Sịkị Mịẹaye Ma 29:10

“Mịọkụ à tọnsam, à Nyanaḅọ Ḅe na ọḅọkụ fịḅịa, Izrẹl Tamụnọ Ḅe, mịẹso ọkụma ọ̀ ḅarị ịganị nyana wa pịrị ẹka ḅara.

Nẹhimaya 9:38

Pakasaye mamgba gose, mine Izrẹlapụma tẹmẹḅụ na gbun koroma ḅụ na ḅịpịogbosọ-ḍiri gịẹịnmẹ, mịna tịḅịnịma na, Livaị apụma na pịkịna mịna agbamịẹapụma na iniaye oḅoloaye ma seni anị oḅolo pịkịna ḅarapụnụ anị pịrịmẹ.

Pakaso 15:25

Moziz ḅe ori ò kuḅie laḅara se Nyanaḅọ Ḅe tẹkẹmẹ, se Nyanaḅọ Ḅe gbọrị chịn ikiḅa nwọse ò ḍiemẹ, ori anị seni mengi mị ḅie gbinmẹ; se mengi mị pịkịḅo ḅu mengi nwọ sọmẹ. Anịanga ḅụ Nyanaḅọ Ḅe ini seni inia ḅụ kekeḅịa olokoma nwọse ini pịrịmẹ, ọ̀ pịkị anịanga ḅụ ini ḍaḍikimẹ.

Pakaso 24:3

Moziz ḅe ò mun Nyanaḅọ Ḅe tọn koroma ayema na pịkị oloko mamgba nwọ ḍuko se tomonima pịrịmẹ, se tomoni mamgba gbọrị pụkọ ḅụ pẹkẹrẹ seni nwọ ḅẹmẹ, “Nyanaḅọ Ḅe ḍuko aye mamgba wa mịẹḅịa.”

Maịnkarama Oloko 29:1

Ma anị Nyanaḅọ Ḅe tọn Moziz ḅe pịrị na ori Izrẹlapụma na fị nwọḅẹ ọḅọkụ mị-ẹ Moab ama mị ḅie; anị se Saịnaị Tụndụ mị ḅụ Nyanaḅọ Ḅe ini na fịsa ọḅọkụ mị ḅụ chụaye-ẹ.

Jọshụa 24:1

Gbọrị ene Shẹkẹm mị ḅie Jọsụwa ḅe Izrẹl sẹ mamgba chịn koḅirimamẹ. Ọ̀ sẹnịapụma chịnmẹ, tịḅịnịma na, ḅẹrẹkọn apụma na, pịkị Izrẹl mị ḅie fịrịtịḅịdapụ ma na, se ini ḅo Tamụnọ Ḅe tọrụkuḅu ḅụ iniaḅụ ḍiepakụmamẹ.

Jọshụa 24:26

Jọsụwa ḅe ọ̀ ma olokoma se Tamụnọ Ḅe Oloko Ḍiri mị ḅie gịẹịnmẹ. Anịsịkị ọ̀ gbọrị opu ḍụparị nwọ deki se anị seni kuru chịn mị chuku ḅie chịẹma koromamẹ Nyanaḅọ Ḅe warị mị ḅie ḅụ.