Jọshụa 24:23 - Kịrịkẹnị Baịbụl

²³ “Anịọkụma kịrị oru mamgba ó wokuma fama, se nyana ḅereni Nyanaḅọ Ḅe pịrị, anị Izrẹl Tamụnọ Ḅe,” ọ̀ nwọse ini ḅẹmẹ.

Jọshụa 24:23 Iomraidhean Croise

1 Amanyanapụ 8:57

Yei Nyanaḅọ mịna Tamụnọ Ḅe mine na sime, anị ọ̀ mịna olomu-a ḍapụma na sime ọkụ mị; ye ọ̀ wa wẹrịsoma, anịkanịka wa se sarakoromama;

1 Amanyanapụ 8:58

ye ọ̀ wa mịẹse wa ọ̀ ḅịpịpoki, mịẹse wa sịkịmamgba ò ḅi ḅara nwọse ḍumokọnḅịa ọkụ, se ò seni mịna olomu-a ḍapụma pịrị olokoma na, ọ̀ tọn ayema na kokoḅịa ọkụ.

Fịafịa Nime 119:36

Ị́ya olokoma koko mị ḅe kuḅie-chịẹ-chịẹ-chịẹ se ị̀ pịrị mị iḅitẹịn ngọkọn mị nẹngịmẹ.

Fịafịa Nime 141:4

Siye mịẹ pụkọtarị ḅụ ị̀ sikima, pịkị siaye mịẹapụ ḅụ sọ inia sitịḅịnyana mịẹmịẹaye ma mịẹḅụ na. Ye àrị ini na inia alalị ma fịma.

Fịafịa Nime 81:10

Ị̀rị̀ anị Nyanaḅọ ọ́mịna Tamụnọ Ḅe-ẹ, Ijipt ḅie ómine ọkịpakụmaḅo ḅọ ḅe-ẹ. Ómine ọ́mịna ḅịpị ma finji, à fịaye se ọ́ pịrịḅịa.

Pakaso 20:23

Seleḅa anịkanịka goli se mịẹ-a oru ma ó seni ị̀rị̀ na chụa tẹkẹma.

Kaḅo Ma 2:2

Nemi nwọ poki, pịkịna ḅụkụrọma anị kaịnḅo.

Hosia 14:8

Izrẹlapụma ini ḅarị oru na mịẹgbolomaye nyana ẹkẹ; àrị inia tẹkẹma pẹkẹrẹ se ini ḍikiḍikiḅịa. Wiliwili ịnyanya chụa eje sime ọkụ àrị ini jụḅịa; Ị̀rị̀ anị inia ḅẹlẹma mamgba ḅe chuku-ẹ.”

Jọshụa 24:14

“Anịẹrẹchị mịọkụ, Jọsụwa ḅe nwọse ini ḅẹmẹ, ómine osi se Nyanaḅọ Ḅe pịrị, kuḅie se ḅụgbana gbẹịn ḅara na pịkị ọ̀ ḅụ ḅereni nyana ḅara na se fịrịnwẹngị ọ̀ pịrị. Ọ́mịna olomu-a ḍapụma Mẹsopotemịa mị na Ijipt mị na ḅie tẹkẹ sime oru mamgba ọ́ nwọ wokuma, se fịrịnwẹngị Nyanaḅọ Ḅe kẹngẹ nwọ pịrị.