Jọshụa 24:2 - Kịrịkẹnị Baịbụl

² Jọsụwa ḅe nwọse bebe tomoni mamgba ḅẹmẹ, “Mị anị Nyanaḅọ, Izrẹl Tamụnọ Ḅe nyana se ḍukoḅịaye-ẹ. Ḅọlọsa sịkị ḅụ ọ́mịna olomu-a ḍapụma, Yufretis Tọrụ mị ḅụ ísí saḅamanga ini angamẹ pịkị jịn-a oru ma tẹkẹmẹ. Olomu-a ḍapụma ḅie gbọrịḅọ anị Tira, Ebraham ḅe na Nehọ ḅe na ḍaḅe-ẹ.

Jọshụa 24:2 Iomraidhean Croise

Chukusakị 11:22

Sirọg ḅe ọ̀ sẹnịḅo kụra soi lasịkị, Nehọ nwọ chịn gbọrị owutọkụ ọ̀ nwọ yimẹ;

Chukusakị 11:24

Nehọ ḅe ọ̀ sẹnịḅo ngeifa kụra soi lasịkị, Tira nwọ chịn gbọrị owutọkụ ọ̀ nwọ yimẹ;

Chukusakị 11:26

Tira ḅe ọ̀ sẹnịḅo kụra tesi oyi fịnjị lasịkị ori Ebram ḅe na, Nehọ ḅe na, pịkịna Heran ḅe na yimẹ.

Chukusakị 11:27

Mịnapụ ma anị Tira furo ḅie awọ-ẹ, Ebram ḅe na, Nehọ ḅe na, pịkịna Heran ḅe na ḍaḅọ-ẹ. Heran ḅe Lọt ḅe yimẹ,

Chukusakị 31:19

Leban ḅe ò mun oria ananama oju ichuka kịrị-ẹmunmẹ, se ori ofori sịkịḅụ Rechẹl ma ḍawu oru ma furu se somẹ.

Chukusakị 31:30

À nemimẹ na vinpịkị so ị́ya ama mun mị ị́ ḅụ mịẹka mịẹka ḅara nwọ simemẹ, ọkụma nde ị́ gose ị̀ furo oru ma furuye?”

Chukusakị 31:32

Ọkụma mịanga mịna ḅie gbọrịḅọ ḅara ị́ nemikase ị́ oru ma ọrịmẹ ḅẹḅẹ, anịḅọ mị ini nụḅọ ḅaa. Mịanga, mịna owuapụma anịa onyechịẹ, mịọkụ ị́ nyanaye goyegoye nwọ ḍọkị, se sime ị́ pịrịye nwọ ọkị.” Jekọb ḅe ò nemikẹ na Rechẹl ma Leban ḅe furo-a oru ma furusa ọkụ.

Chukusakị 31:53

Ebraham ḅe na Nehọ Tamụnọ Ḅe na mịna ogboku ḅẹrẹkọnḅọ sọḅịa.” Anịsịkị ḍawu Aịzịk ḅe tẹkẹarị Tamụnọ Ḅe ẹrẹ ḅụ, Jekọb ḅe, ọ̀ kụrọma ye karịfịmẹ; ini ḍuko saye mị koko gose.

Chukusakị 35:4

Anịgose inia ḅara sime jịn sẹ-a oru mamgba na ḅerichụaye ma na ini nwọse Jekọb ḅe pịrịmẹ. Ori àrị se Shẹkẹm na kpeki gbọrị kuru eje chuku kiri ḅie ḍipimẹ.

1 Amanyanapụ Sịkị Mịẹaye Ma 1:27

pịkị Ebram ḅe na (ini pịkị nwọse ọ̀ chịnmẹ Ebraham).

Aịzaya 51:2

Ọ́mịna olomu ḍaḅọ Ebraham ḅe ọ́ nwọse ḅiekoroma, pịkị Sera ma na, anị ómine inia furoḅie pakaḅo apụ ma-ẹ. Àrị Ebraham ḅe chịn sịkị, ọ̀ tọkụ nyanakẹ, ọkụma àrị ọ̀ ḅẹlẹma se awọmẹnị se ọ̀ pịrịmẹ; à mịẹse ò furoḅie pakaḅo-apụ ma ḅakamẹ.

Izikịẹl 16:3

Se Kụrọmamgba Nyana Tamụnọ Ḅe kọn àrị ọkwẹịnma ḍuko á pịrị: “Kenan ama mị ḅie anị ini ị́ yiye-ẹ. Ị́ ḍaḅe Amọraị ḅọ-ẹ, anịatịḅị ị́ nyengima Hitaị ḅọ-ẹ.

Luk Iḅi Ḅẹrẹ Mị 3:34

Jekọb yaḅe, Aịzịk yaḅe, Ebraham yaḅe, Tira yaḅe, Nehọ yaḅe,

Maịnkarama Oloko 26:5

Anịsịkị, Nyanaḅọ Ḅe tọrụkuḅu ị́ ma ọkwẹịn ma kọnḅịa: ‘Ị̀ya olomu ḍaḅọ ḅe anị nwẹngịma ḅọrọarị Aramḅọ-ẹ, ori anị ò furo mị ọkị se Ijipt angaḅọ ḅe-ẹ. Ini mun sịkị ini bokẹ kịẹnḅịpị ḅụ, ọkụma anịju ḅụ ini sime ḅo ḍụḅa pịkị kụrọ sẹ sọmẹ.

Jọshụa 24:15

Ó nemikase fịrịnwẹngị ọ̀ pịrị ḅikẹ ḅẹḅẹ, mịmgba ọ́ fịrịnwẹngị pịrịḅịaḅọ ọ́ nwọ sẹlẹọkị, anị ḅọrọ ọ́mịna olomu-a ḍapụma Mẹsopotemịa mị ḅie tẹkẹ sime oru ma-o anịkanịka ḅọrọ Amọraị apụ oru ma-o, anị mịọkụ inia ama ḅie ómine anga apụma. Ị̀rị̀ na ị̀ furo mị na kẹngẹ ọkụma, Nyanaḅọ Ḅe anị wa fịrịnwẹngị pịrịḅịaye-ẹ.”