Jọshụa 24:19 - Kịrịkẹnị Baịbụl

¹⁹ Jọsụwa ḅe nwọse tomonima ḅẹmẹ, “Ọkụma ómine ineda fịrịnwẹngị Nyanaḅọ Ḅe pịrị ẹkẹ. Ori anị fịafịa ḅụ sime Tamụnọ-ẹ, ori ọ́mịna sima wẹrịso ọ́ pịrị ẹkẹ. Sime ọ̀ pịrị osi se jịnye pịrị ọ̀ ḅụḅẹlẹḅẹlẹkẹ,

Jọshụa 24:19 Iomraidhean Croise

2 Amanyanapụ Sịkị Mịẹaye Ma 36:16

Ọkụma ini Tamụnọ okunwẹngịapụ ma seni kpọtitimẹ, oria ọkwẹịn ma ini sịkịmẹ, ini pịkịna oria ịkịankoroapụma ḍẹrịaḅẹ, kuluma ḅụ Nyanaḅọ Ḅe oria ịganị oria tomonima ḅụ opuma ḅakaso ọkụma ini pọkọ soso ọkụ ḅarị ofori-ẹ.

Fịafịa Nime 99:3

Tomoniḅọ goyegoye oria opu na oria opu amanyanaḅọ ẹrẹ mị na bomaḅịa. Ori anị Fịafịaḅọ-ẹ.

Fịafịa Nime 99:5

Ọ́ Nyanaḅọ mịna Tamụnọ Ḅe boma; ómine oria emine mị tọrọkọ tịḅịtu ọ̀ pịrị! Ori anị Fịafịaḅọ-ẹ!

Fịafịa Nime 99:9

Ọ́ Nyanaḅọ mịna Tamụnọ Ḅe boma, pịkị oria osi nyana chịngịma ọgọnọ tịḅịtu ọ̀ pịrị! Nyanaḅọ mịna Tamụnọ Ḅe ọ̀ fịafịamẹ.

Pakaso 20:5

Ọ́ tịḅịtu gbọrị oru sọnị pịrịma pịkị anị tẹkẹma, anịatịḅị Ị̀rị̀ anị Nyanaḅọ ọ́mịna Tamụnọ Ḅe anị sime ị̀ pịrị osi se jịn-a oru pịrị ḅụḅẹlẹḅẹlẹkaḅọ ḅe. Taraka se ị̀ wẹrịma apụma à ḅụfụka se ini pịrịpịrịmẹ, pịkị inia awọma na, ọkịmun tẹrẹ-a ḅụọ na inein-a ḅụọ na la.

Pakaso 23:21

Ómine ọ̀ tọrụ ḍiki se pịkị ọ̀ ḅịpịpoki. Ómine ininachịn ọ̀ pịrịma, anịatịḅị ị̀rị̀ ọ̀ fịrịmamẹ, ò si wẹrịso ininachịnḅọ pịrị-ẹkẹ.

Pakaso 34:14

“Ngịsị ó jịn-a oru tẹkẹma, anịatịḅị Ị̀rị̀ Nyanaḅọ Ḅe ḅụse ị̀ otoma mị ị̀ ḅụḅẹlẹḅẹlẹkẹ.

Pakaso 34:7

À ḅereniye mị, à mịẹ ḅụọ-a mẹndẹ oyiasi fịnjị fịnjị nwọ pịrịpịrịmẹ, à pịkị simịẹmịẹaye na mịẹirima aye na nwọ wẹrịsosomẹ; ọkụma ḍapụ na nyengiapụ na mịẹasi gose, à fomuḅara se inia awọ na, inia awọ yi awọ na pịrị mun tẹrẹ-a ḅụọ na inein-a ḅụọ na lalamẹ.”

Aịzaya 2:9

Ini ọrụḅọḅọ mịẹiderima pịkịna nụḅọ ḅụgereremaḅịa. Siḅụ-ḅarasin ini pịrịma Nyanaḅọ!

Aịzaya 27:11

Eje ịkpangị ma samịna se sokoro-sarasam, seni eremeni àrị kpokponima semun fịnị mịẹmẹ. Anịatịḅị tomonima ini kaịnḅosaye ma ofori-ẹ. Ini Tẹmẹ Tamụnọ Ḅe ori ini ḍikitịḅịfoin anịkanịka ḍikiḅụgerere nyana ini pịrị ẹkẹ.

Aịzaya 30:11

Mịna tọrọkọ ọ́ ḅụ sikima, ọ́ ḅarị ateli kiki wa pịrịma. Ọ́mịna fịafịa Izrẹl Tamụnọ Ḅe na kpakịmaye wa ḅarị naa ḅikẹ.”

Aịzaya 30:15

Kụrọmamgba Nyana opuḅọ Ḅe, fịafịa Izrẹl Tamụnọ Ḅe nwọse tomonima ḅẹmẹ, “Ọ́ pịkịmaḅo se deinma kuḅie-se-ị̀ ḅụgbana. Anịsịkị re mị ọ́ kụrọ, pịkị tịḅịkikima nyọ nyanaḅịaye-ẹ.” Ọkụma anị mị ọ́ mịẹ ḍụkụkẹ.

Aịzaya 5:16

Ọkụma Kụrọmamgba Nyanaḅọ Ḅe, oria opu mị ḍiepakụmaḅịa, anị karakaraye mị mịẹḅụ, ọ̀ pịkị oria fịafịa mị ḍieḅelemaḅịa, anị ḅẹrẹkọn oria tomonima pịrị mị ḅụ.

Agbamịẹ Apụ 10:3

Anị Moziz ḅe nwọse Erọn ḅe ḅẹye-ẹ, “Mịn anị Nyanaḅọ Ḅe ḍuko ye mịẹ, ọ̀ nwọ ḅẹmẹ na, ‘Fịrịnwẹngị ị̀ pịrịarịḅọ goyegoye osi se ị̀ya fịafịa mị pịrị; àrị ị̀ya boma mị se ị̀ya tomonima ḍieḅịa.’” Ọkụma Erọn ḅe ọ̀ yawụma simemẹ.

Agbamịẹ Apụ 11:44

Ị̀rị̀ anị ọ́ Nyana Tamụnọ Ḅe-ẹ, ómine ọ́mịna ḅụ ma se fịafịa ḅụ wẹrị, anịatịḅị Ị̀rị̀ à fịafịa mẹ.

Agbamịẹ Apụ 11:45

Ị̀rị̀ Nyanaḅọ Ḅe anị Ijipt mị ḅie ómine ọkịpakụmaḅo ḅọ ḅe-ẹ, à Tamụnọ sọ ọ́ pịrịḅịa ẹrẹchị. Ọ́ fịafịa ḅụ sime, anịatịḅị Ị̀rị̀ à fịafịamẹ.

Agbamịẹ Apụ 19:2

ḍuko Izrẹl sẹ mị pịrị, “Ọ́ fịafịa ḅụ sime, anịatịḅị, Ị̀rị̀ Nyanaḅọ, ọ́mịna Tamụnọ Ḅe, à fịafịamẹ.

Agbamịẹ Apụ 20:26

Ọ́ fịafịaḅịa, se pịkị sime ị̀rị̀ ngẹrị pịrịḅịa anịatịḅị Ị̀rị̀ Nyanaḅọ Ḅe à fịafịamẹ. Jịn-a sẹma ogboku ḅụ, àrị ọ́ sẹlẹ sikimamẹ, mịẹse ó sime ị̀rị̀ kẹngẹ nwọ pịrịḅịa ẹrẹchị.

Agbamịẹ Apụ 20:7

Ómine ọ́mịna ḅụ se fịafịaḅụ wẹrị, anịatịḅị Ị̀rị̀ anị Nyanaḅọ ọ́mịna Tamụnọ Ḅe-ẹ.

Nehọm 1:2

Nyanaḅọ Tamụnọ Ḅe, ori orina arụ ḍia ḅọ ḍọkịkẹ; ò fomuḅara seni ori na tụḅụrụ apụma pịrịpịrịmẹ. Oria ịganị ḅụ ọ̀ gbẹịnye se ini pịrịpịrịmẹ.

Habakọk 1:13

Ọkụma nde mịna nweni inuma, osi nyanaka siapụma ị́ nwọ ḍikiarị ọkụ? Ị́rị́ Tamụnọ Ḅe Ị́ opuma iḅimẹ siye ọrị se ḅẹ na iḅiye-ẹ; ị́ pịkị ineda tọrụ se siye mịẹarị apụ ọrịẹkẹ. Anịọkụma, nde ị́ gboinma sime se mịnapụma mun iḅi ini nẹngịapụ ma famaḅịa ọkụ?

Matio 6:24

“Gbọrịḅọ ineda omoniḅọ sọ mama tịḅịnị pịrị ẹkẹ; ọ̀ taraka se gbọrịḅọ wẹrịma, se ísí ḅọ ḅe ḅẹlẹmaḅịa; ọ̀ ḅụiderima gbọrịḅọ pịrị, se ísí ḅọ ḅe ḍikisimaḅịa. Ị́ ineda fịrịnwẹngị Tamụnọ Ḅe na igbiki na pịrị ẹkẹ.

Jọshụa 24:18

Wa nwẹngị sọ mị ama mị ḅie ḅoarị sịkị, Nyanaḅọ Ḅe mị nyọ mị ḅụ anga Amọraị apụ mamgba ò desinmẹ. Anịẹrẹchị mine sọnị wa fịrịnwẹngị Nyanaḅọ Ḅe pịrịḅịa; ori anị mịna Tamụnọ Ḅe-ẹ.”

Jọshụa 24:23

“Anịọkụma kịrị oru mamgba ó wokuma fama, se nyana ḅereni Nyanaḅọ Ḅe pịrị, anị Izrẹl Tamụnọ Ḅe,” ọ̀ nwọse ini ḅẹmẹ.

Ruf Ḍiri Mị 1:15

Anị Naomi ma nwọse á ḅẹye-ẹ, “Ruf, ị́ya aḍo ma, á vinpịkị so árịa ama na árịa oru ma na damamunsam. Árị na vinpịkị so ama mun.”

1 Samụẹl 3:14

Anịẹrẹchị à kuḅie laḅaraḅụ ḅelema ḍukopakụma Ịlaị furo mị pịrịmẹ na se mị ḅalafama simịẹ fomuḅara mị dekisinḅịa agba anịkanịka ḍiepịrịye ngịsị ofori-ẹ.”

1 Samụẹl 6:20

Anịẹrẹchị Bẹt Shimẹsh apụma nwọ ḅẹmẹ, “Tụḅọ ineda Nyanaḅọ Ḅe fịafịa Tamụnọ Ḅe tọrọkọ chịẹḅe? Wa ineda ò se ndeju sẹịn se ọ́mịna ḅụ sikimaḅe?”