Jọshụa 24:18 - Kịrịkẹnị Baịbụl

¹⁸ Wa nwẹngị sọ mị ama mị ḅie ḅoarị sịkị, Nyanaḅọ Ḅe mị nyọ mị ḅụ anga Amọraị apụ mamgba ò desinmẹ. Anịẹrẹchị mine sọnị wa fịrịnwẹngị Nyanaḅọ Ḅe pịrịḅịa; ori anị mịna Tamụnọ Ḅe-ẹ.”

Jọshụa 24:18 Iomraidhean Croise

Fịafịa Nime 116:16

Ị̀rị̀ ị́ya fịrịnwẹngịḅọ-ẹ, Nyanaḅọ; à fịrịnwẹngị ị́ pịrịmẹ, ị̀ nyengima mịẹ ọkụ mị. Ị́ fịḅie ị̀ ḍụapakụmasam.

Pakaso 10:2

pịkị mịẹse ómine ineda à ḅara wẹrịma Ijipt apụma seni oḅori chịẹma ọkụ mị nwọ ḍuko ọ́mịna awọma na ọ́mịna awọma yi ḅịa awọma na pịrịḅịa ọkụ, anị ma ḅụgbiripumaye ma à nwọ mịẹarị sịkị ḅụ. Ómine mgba ó nemiḅịa na Ị̀rị̀ anị Nyanaḅọ Ḅe-ẹ.”

Pakaso 15:2

Nyanaḅọ Ḅe anị kụrọma ị̀ ḍụarịḅọ ḅe-ẹ; ori anị ị̀ ḍụaḅọrọmaḅọ ḅe-ẹ; Ori anị ị̀ Tamụnọ Ḅe-ẹ, à pịkị ò tokoniḅịa, ị̀ ḍaḅe Tamụnọ Ḅe, à pịkị oria opu mị se nime chuḅịa.

Pakaso 23:31

Ọ́mịna ama mị ḅie eke ma à ye se arịa ḅụ chụaḅịa. Akaba Ọpọ mị ḅụ sakị mun Mẹditirenia Tọrụ mị la pịkị onwun ele mị ḅụ sakị mun Yufretis Tọrụ mị la. Ó se ama mị ḅie anga apụma nẹngịmaḅịa kụrọ à nwọse ọ́ pịrịḅịa, ọ́ pịkị ini desinḅịa ómine ọmụ mị gbinma-muarị sịkị.

Maịka 4:2

Anịsịkị sẹ ma ḅe tomonima nwọ ḅẹḅịa, “Ó ye wa Nyanaḅọ Ḅe chịngị tanjị, Izrẹl Tamụnọ Ḅe Oputẹkẹwarị mị. Anịatịḅị ori anị wa mịẹḅịaye se wa ḍieḅịaye-ẹ; ọ̀ sẹlẹ pakụmaḅo ateli ma ḅie anị wa nwẹngịḅịaye-ẹ. Anịatịḅị Nyanaḅọ Ḅe oria ḍieye mị Jerusalẹm anị ḅomẹ; Zaịyọn ḅie ọ̀ wẹrị ọkwẹịn oria tomonima pịrịmẹ.”

Zẹkaraịa 8:23

Árị-ene-ma-ḅie, oyi-a igoniapụ gbọrị Juḅọ damaḅo se ọ̀ ḅẹḅịa, ‘Wa ómine na simeḅịa anịatịḅị wa naasam na Tamụnọ Ḅe ori ómine na omi-ẹ.’”

Okunwẹngịapụ 7:45

Ọḅụkọ, mịna ḅieju-aḍapụma, inia ḍapụma ḅara ikowarị mị daọkị sịkị ini anị se chụa Jọsụwa ḅe na mun mẹ, ini mun-arị sịkị Tamụnọ Ḅe desinsa sẹma ḅara inia amama ọkịmẹ se anị sime ọkịmun Devid ḅe ḅụọ sọ lamẹ.

Maịnkarama Oloko 10:21

Ómine ò tokoni—ori anị ọ́mịna Tamụnọ Ḅe-ẹ, ọ́ ḅarana ọ́ tọrụmgbọlụma se ọrịsam ọ́ mịẹ ọ́ pịrị opu ḅụgbiripumaye ma.

Maịnkarama Oloko 33:27

Tamụnọ Ḅe sịkịmamgba owusọ ómine pịrịarịḅọ-ẹ; oria sime gbaso ḅarama àrị ọ́ mịẹkụrọma mẹ. Ori ómine na tarakapụma desinmẹ ọ́ nwẹngị sọ mun-arị sịkị, se nwọse ọ́ ḅẹmẹ ini ḅaasin.

Jọshụa 23:9

Nyanaḅọ Ḅe ori opusọ pịkị kụrọ sẹma depakụmasam ọ́ nwẹngịsọ tọrọkọ mun-arị sịkị pịkị ineda ọ́mịna tọrọkọ chịẹ gbọrịḅọ sọnị ofori-ẹ.

Jọshụa 24:17

Nyanaḅọ mịna Tamụnọ Ḅe, mịna ḍapụma na mine na ḍụapakụmaḅomẹ omonisọ ḅụ Ijipt mị ḅie, wa pịkị ọ̀ nwẹngị ḅụgbiripuma fịrịma sọnị nwọ ọrịmẹ. Wa mun-anga goyegoye ọ̀ wa kokomẹ, ye wa laka ḅaraḅụ, wa toluḅọrọ sẹ mamgba ḅie.

Jọshụa 24:19

Jọsụwa ḅe nwọse tomonima ḅẹmẹ, “Ọkụma ómine ineda fịrịnwẹngị Nyanaḅọ Ḅe pịrị ẹkẹ. Ori anị fịafịa ḅụ sime Tamụnọ-ẹ, ori ọ́mịna sima wẹrịso ọ́ pịrị ẹkẹ. Sime ọ̀ pịrị osi se jịnye pịrị ọ̀ ḅụḅẹlẹḅẹlẹkẹ,