Jọshụa 24:17 - Kịrịkẹnị Baịbụl

¹⁷ Nyanaḅọ mịna Tamụnọ Ḅe, mịna ḍapụma na mine na ḍụapakụmaḅomẹ omonisọ ḅụ Ijipt mị ḅie, wa pịkị ọ̀ nwẹngị ḅụgbiripuma fịrịma sọnị nwọ ọrịmẹ. Wa mun-anga goyegoye ọ̀ wa kokomẹ, ye wa laka ḅaraḅụ, wa toluḅọrọ sẹ mamgba ḅie.

Jọshụa 24:17 Iomraidhean Croise

2 Amanyanapụ Sịkị Mịẹaye Ma 13:10

“Ọkụma wa pa fịrịnwẹngị mịna Tamụnọ Ḅe pịrịaḅẹ se ma wa ọ̀ sịkịkẹ. Erọn furo ḅie pakaḅo agbamịẹapụma inia fịrịma ini nwẹngịaḅẹ, Livaị apụma pịkị ḅarachụa ini pịrịaḅẹ.

Pakaso 13:14

Tọrọkọju, ị́ya tọkụ ị́ gbela na mịn mịẹmịẹye mị anị chefie nọ ḅẹḅẹ, nwọse ọ̀ pẹkẹrẹ, ‘Nyanaḅọ Ḅe oria opu kụrọ ḅara ọ̀ nwọ seni Ijipt mị ḅie wa ọkị pakụmaḅomẹ, anị wa omoniapụ sọ sime nyọ ḅụ.

Pakaso 13:3

Moziz ḅe nwọse tomonima ḅẹmẹ, “Ọ́ mịmgba mị se ḅiekoroma—anị ómine Ijipt wẹrịso ene mị, ómine omoniapụ sọ nyọ mị. Mịmgba ene mị ḅụ anị Nyanaḅọ Ḅe oria opu kụrọ mị seni ómine ọkị pakasoye-ẹ. Ngịsị susa fịturu ọ́ fịma.

Pakaso 19:4

“Ị̀rị̀ Nyanaḅọ Ḅe à seni Ijipt apụma mịẹaye ma ómine ọrịmẹ anị igo pamba seni mịna tọkụ deki ọkụ à nwọse ó deki, se ómine ọkịḅo mịanga koroma ị̀ ḅụ pịrị ọkụ mị.

Aịzaya 46:4

Ị̀rị̀ ọ́mịna Tamụnọ-ẹ à tọrụse ọ́mịna ḅụ wẹrịḅịa ọkịmun ómine olomu se iḅulu ọ́mịna tịḅị ma ḅụ pakasịkị laḅịa. Ị̀rị̀ ọ́ tẹmẹmẹ, ị̀ tọrụ pịkị ọ́mịna ḅụ so ẹkẹ; à ḅarachụa ọ́ pịrị pịkị ọ́ ḍụaḅịa.

Maịnkarama Oloko 29:2

Moziz ḅe Izrẹlapụ mamgba chịn koḅirima se nwọse ini ḅẹmẹ, “Nyanaḅọ Ḅe se Ijipt amanyanaḅọ ḅe na, oria fịrịnwẹngịapụma na, pịkị bebe oria sẹ mị mgba na mịẹye ọ́ ḅarana ọrịsam.

Maịnkarama Oloko 32:9

ọkụma Jekọb ḅe ḅụ koroḅo apụma ọ̀ nwọ sẹlẹ ọ̀ ḅụ pịrịmẹ.

Maịnkarama Oloko 7:19

Ómine ḅarana ọ́ tọrụmgbọlụma se ọrị ḅalafama si obi ma na, ḅụgbiripuma pịkị ḅụbuama ayema na, pịkị Nyanaḅọ ọ́mịna Tamụnọ Ḅe opu kụrọ na ịnyọ na se ọ́ pọkọ pakụmaḅo ọkụ mị na ọ́ nwọse ḅiekoroma. Ọ̀ nwọ Ijipt apụma ḅaasin ọkụ mị anị ọ̀ pịkị mịọkụ ó ḍikiḅalafarị apụ mamgba ḅaasinḅịa ọkụ mị-ẹ.

Jọshụa 24:16

Se tomonima nwọse ọ̀ pẹkẹrẹmẹ, “Ngịsị wa Nyanaḅọ Ḅe wẹrịso se mun fịrịnwẹngị oru ma pịrị ẹkẹ!

Jọshụa 24:18

Wa nwẹngị sọ mị ama mị ḅie ḅoarị sịkị, Nyanaḅọ Ḅe mị nyọ mị ḅụ anga Amọraị apụ mamgba ò desinmẹ. Anịẹrẹchị mine sọnị wa fịrịnwẹngị Nyanaḅọ Ḅe pịrịḅịa; ori anị mịna Tamụnọ Ḅe-ẹ.”