Jọshụa 24:15 - Kịrịkẹnị Baịbụl

¹⁵ Ó nemikase fịrịnwẹngị ọ̀ pịrị ḅikẹ ḅẹḅẹ, mịmgba ọ́ fịrịnwẹngị pịrịḅịaḅọ ọ́ nwọ sẹlẹọkị, anị ḅọrọ ọ́mịna olomu-a ḍapụma Mẹsopotemịa mị ḅie tẹkẹ sime oru ma-o anịkanịka ḅọrọ Amọraị apụ oru ma-o, anị mịọkụ inia ama ḅie ómine anga apụma. Ị̀rị̀ na ị̀ furo mị na kẹngẹ ọkụma, Nyanaḅọ Ḅe anị wa fịrịnwẹngị pịrịḅịaye-ẹ.”

Jọshụa 24:15 Iomraidhean Croise

Chukusakị 18:19

Àrị ọ̀ sẹlẹọkịsam mịẹso sịkị ọ̀ tọn oria awọma na ò furo ḅie pakaḅoḅịapụ ma na pịrị, ini ị̀ ḅịpịpoki pịkị karakaraye na mịẹgbẹịnye na mịẹḅịa ḅara. Ini ọkọmịẹ ọkụma, à ḅereni ọ̀ pịrịye goyegoye à mịẹ ọ̀ pịrịḅịa.”

Chukusakị 35:2

Anịgose Jekọb ḅe nwọse ò furo mị na pịkị ori na sime jịn apụma na ḅẹmẹ, “Ọ́ nyana jịn sẹ oru ma ọ́ nwọ wẹrịso; se ómine ọ́ ḅụ ma mịẹfịafịama se fịafịa ḅụchụaye chụa.

1 Amanyanapụ 18:21

Ịlaịja ḅe tomonima damamun se nwọse ini ḅẹmẹ, “Anị tụtụ ḅọlọ mun nde sịkị lasịkị re ómine ineda ọ́mịna ḅụ ma kaịnḅo ḅe? Nemikase Nyanaḅọ Ḅe anị Tamụnọ Ḅe-ẹ ḅẹḅẹ, ómine ọ̀ tẹkẹ; ọkụma nemikase Beal mị anị Tamụnọ Ḅe-ẹ ḅẹḅẹ, ómine ọ̀ tẹkẹ!” Ọkụma tomonima gbọrị ọkwẹịn sọnị ini kọnkẹ.

1 Amanyanapụ Sịkị Mịẹaye Ma 1:14

Kenan ḅe anị pịkị Jebus apụma na, Amọraị apụma na, Gagashaị apụma na,

Fịafịa Nime 101:2

Ị̀ya mịẹmịẹaye ḅụ si paka ẹkẹ. Nde sịkị ị́ ị̀ damaḅo ḅe? Àrị iḅi fịafịa ḍumo kọnḅịa ị̀ya warịḅie,

Fịafịa Nime 119:106

Àrị osiḅụ à ḅereniye mị mịẹḅịa, anị ị́ telima ayema koko mị ḅụ.

Pakaso 23:2

Tomoni kpo mị ḍuko siye mịẹma ini siye mịẹarị sịkị ḅụ, anịkanịka ini karakara ḅẹrẹkọn mị pịkị iḅo sịkị sọnị.

Pakaso 23:24

Inia oru ma ngịsị ọ́ tịḅịtu àrị pịrịma ọ́ pịkị àrị tẹkẹma, inia oru-a mịẹmịẹaye ma sọnị ọ́ ḍama. Inia oru ma ọ́ kan kọsịma pịkị ini pike chịẹma tọnḅụ sime ḍụparị mamgba ọ́ ḅaa kọsịma.

Pakaso 34:15

Sẹ mị nyana apụma ómine inina ḅịpịse-ogbosọ ḍiri gịẹịn ma, anịatịḅị ini inia oru ma tẹkẹ pịkị agbamịẹ àrị pịrịḅịa sịkị, ini ómine chịnḅịa na ó ḅo inia ḅụ sọ, anị ḅụ ini se agbamịẹ inia oru ma pịrị fịaye fị telima ḅụ ó mun sọḅịa.

Izikịẹl 20:39

Kụrọmamgba Nyana Tamụnọ Ḅe nwọḅẹmẹ, “Ómine Izrẹlapụ mamgba ómine ọ́ ḅụḅẹlẹ ḅara mịẹ! Ó mun se ómine ḅarase kara oru ma tẹkẹ! Ọkụma àrị ó ḅerijine-aḅẹ na anịeso ómine ị̀ pokiḅịa, se ọ́ ḅarị ị̀ya fịafịa ẹrẹ mị simama agbamịẹ oru pịrịḅụ.

Danịẹl 3:18

Ọkụma ọ̀ mịẹka sọ, Amanyanaḅọ ị́ iḅiọkụma nemimẹ na wa ị́ya oru ḅe tẹkẹ ẹkẹ, wa pịkị tịḅịtu ị́ tẹmẹ chịẹma goli goli agbambuḅọ mị pịrị ẹkẹ.”

Agbamịẹ Apụ 14:42

Anịsịkị ini jịn-a ḍụparị se ini sin-a ḍụparịma kiri ḍinma pịkị ịwọma warị agbagba ma sikiriḅịa.

Maịka 4:5

Sẹsẹ mịna oru tẹkẹ pịkị anịa ḅịpị pokimẹ, ọkụma mine wa Nyanaḅọ mịna Tamụnọ Ḅe, anị wa tẹkẹ pịkị ọ̀ ḅịpị poki mun ḅene-ḅene laḅịaye-ẹ.

Okunwẹngịapụ 11:23

Ò mun la se Tamụnọ Ḅe ini ḅẹlẹma ḅara nwọ ọrị sịkị, ò ḅieḅẹlẹmẹ, se kụrọma ọkwẹịn ini pịrịmẹ na ini kuḅie se ḅụgbana gbẹịn apụ na kọkọma apụ na nwọ sọ Nyanaḅọ Ḅe pịrị inia kuḅiemgbọlụ mamgba se Ọ̀ ḅụgbana ḅụ.

Maịnkarama Oloko 13:7

Iniaḅụ gbọrịḅọ ineda ị́ mịẹkụrọma se ị́ mun ị́rị́ na kpekima anga apụma oru ma anịkanịka ḅọlọ nyọ ḅụ sime apụma oru ma tẹkẹḅịa.

Maịnkarama Oloko 29:18

Ómine ọrị na gbọrịḅọ sọnị, anị owuḅọ, eremeniḅọ, furo, sẹ, mine mịmgba mịanga chịẹ àrị apụma ḅie vinpịkị mun jịn-a sẹ oru ma tẹkẹkẹ. Mịn mị kuno sẹnịḅo akụ pịkị nweni ḅaaḅaa chịn kịkẹḅịa.

Jọshụa 24:16

Se tomonima nwọse ọ̀ pẹkẹrẹmẹ, “Ngịsị wa Nyanaḅọ Ḅe wẹrịso se mun fịrịnwẹngị oru ma pịrị ẹkẹ!

Bẹrẹkọn Apụ 6:10

Àrị ọ́ ḅẹmẹ na Ị̀rị̀ anị ọ́ Nyana Tamụnọ Ḅe-ẹ, na Amọraị apụ oru ma ómine árị tẹkẹma, anị mịọkụ ómine angarị ama mị nyana apụma. Ọkụma ngịsị ómine ị̀ ḅịpịpokikẹ.”