Jọshụa 24:14 - Kịrịkẹnị Baịbụl

¹⁴ “Anịẹrẹchị mịọkụ, Jọsụwa ḅe nwọse ini ḅẹmẹ, ómine osi se Nyanaḅọ Ḅe pịrị, kuḅie se ḅụgbana gbẹịn ḅara na pịkị ọ̀ ḅụ ḅereni nyana ḅara na se fịrịnwẹngị ọ̀ pịrị. Ọ́mịna olomu-a ḍapụma Mẹsopotemịa mị na Ijipt mị na ḅie tẹkẹ sime oru mamgba ọ́ nwọ wokuma, se fịrịnwẹngị Nyanaḅọ Ḅe kẹngẹ nwọ pịrị.

Jọshụa 24:14 Iomraidhean Croise

Chukusakị 17:1

Ebram ḅe ngei fa kụra sọnọasi nwọ lasịkị, Nyanaḅọ Ḅe ọ̀ ḅụ se ò ḍiese nwọḅẹmẹ, “Ị̀rị̀ anị Kụrọmamgba Nyana Tamụnọ Ḅe-ẹ. Ị̀ ḅịpị poki se pịkịna sịkịmamgba karakaraye mị nwọ mịẹ.

Chukusakị 35:2

Anịgose Jekọb ḅe nwọse ò furo mị na pịkị ori na sime jịn apụma na ḅẹmẹ, “Ọ́ nyana jịn sẹ oru ma ọ́ nwọ wẹrịso; se ómine ọ́ ḅụ ma mịẹfịafịama se fịafịa ḅụchụaye chụa.

2 Amanyanapụ 20:3

“Nyanaḅọ, se ḅiekoroma na kuḅie seni ḅụgbana gbẹịn ḅara na pịkị gbun ḅereni nyana ị́ pịrị ḅụ na, à wẹrị fịrịnwẹngị ị́ pịrịmẹ, à pịkị sịkịmamgba ḅụkụrọma ị́rị́ ị̀ ḅe na à mịẹ nwọḅẹye mịẹmịẹmẹ.” Se ọ̀ sakị ḅụakụ ḅara nwọ seni owumẹ.

Ẹzra 9:11

anị ị́ya fịrịnwẹngị ịkịankoroapụma ḅụ, ị́ ḅọrọ ḍuko wa pịrịayema. Ini ḍuko wa pịrịmẹ na, wa mun ọkị anga-ẹmun-arị ama mị si ama-ẹ, anịatịḅị anịa ḅie angapụma ini ísí ịkọlị ọkịmun ísí ịkọlị la, ḅụngụngụma siamịẹmịẹye se ama mị ḅie ḅeinmasam.

Job Ḍiri Mị 1:1

Ini Job nwọse chịn gbọrị owuḅọ omi-ẹ Ọz ama mị ḅie; ori anị tịḅịtu Tamụnọ Ḅe pịrị, pịkị kuḅie se ọ̀ ḅụ gbanaḅọ-ẹ. Ori anị karakaraye mịẹḅọ-ẹ, siye mịẹḅụ mịna ḅụ tọnḅọ-ẹ.

Job Ḍiri Mị 28:28

Tamụnọ Ḅe nwọse tomonima ḅẹmẹ, “Ó nemi nyana ḅiḅi, ọ́ Nyanaḅọ Ḅe ḍikiḅalafaḅịa. Ó yekaịnḅo ḅiḅi, ó simịẹmịẹye ḅụ ḅụsinḅịa.”

Fịafịa Nime 111:10

Yenemi ateli mị ḅie sọ mị anị osi se Nyanaḅọ Ḅe pịrị mị-ẹ; ori iḅi ḅẹrẹkọn oria olokoma koko apụ mamgba pịrịpịrịmẹ. Ini ò boma gbasoḅịa.

Fịafịa Nime 119:1

Ḅieḅẹlẹ sime inia ḍumo ḅụ ịlọlị nyanaka apụma pịrị, anị Nyanaḅọ Ḅe oria olokoma sime ọkụ ḍiki anga àrị apụma.

Fịafịa Nime 119:80

Ye à kapụma ị́ya olokoma koko, se ini ị̀ nẹngịmamẹ nwọḅẹ ḅụgerere mị ị̀ ḅụ so.

Fịafịa Nime 130:4

Ọkụma ị́ si ḅụ ḅarasin wa pịrịmẹ, mịẹse wa ị́ ḍikiḅalafaḅịa ọkụ.

Fịafịa Nime 81:10

Ị̀rị̀ anị Nyanaḅọ ọ́mịna Tamụnọ Ḅe-ẹ, Ijipt ḅie ómine ọkịpakụmaḅo ḅọ ḅe-ẹ. Ómine ọ́mịna ḅịpị ma finji, à fịaye se ọ́ pịrịḅịa.

Izikịẹl 20:18

Anịnakaraka, àrị inia ḅieḅụ asẹmẹnị awọma ḅeri jinemẹ na: Ọ́mịna ḍapụma chụa olokoma ọ́ nwọ kokoma; inia ḅụọ ọ́ nwọ ḍukonwẹngịma, ọ́ pịkịna oru tẹkẹma.

Izikịẹl 23:3

Ini bokaḅụ Ijipt ḅie anga sịkị ḅụ ini inia owuapụ nemika mị famamẹ, se iniḅo amanwẹngị ere nwọsọmẹ.

Hosia 3:5

Ọkụma sịkị mị ḅoḅịa, Izrẹlapụma pịkịma tọrụ se Nyanaḅọ, inia Tamụnọ Ḅe da pịkị Devid, inia amanyanaḅọ ḅe furo ḅie koroḅo ḅọ ḅe daḅịa. Anịsịkị mị ini Nyanaḅọ Ḅe ḍikiḅalafa se oria iḅi ḅẹlẹma ma ọkịḅịaye-ẹ.

Agbamịẹ Apụ 17:7

Izrẹlapụma ngịsị ini ḅarị ḅereni nyanakapụ sọ Nyanaḅọ Ḅe pịrị ẹkẹ, anị ele ma ḅie inia namama ḅaa se agbamịẹ seni si-a tẹmẹ ma pịrịḅụ. Izrẹlapụma ini mị oloko mị kokomun ḅụọ ḅụọ nwọ laḅịa.

Maịka 6:8

Ẹn-ẹn, Nyanaḅọ Ḅe ò ḍuko wa pịrịsam iḅiye mị. Mịna ḅara ò ḅi arịye mị anị-ẹ: Karakaraye mịẹ, sịkịmamgba ḅẹlẹma ḍiepakụma, pịkị ḅụ-iderima mịna Tamụnọ Ḅe pịrị wa ori na nwẹngịgbolomarị sịkị ḅụ.

Luk Iḅi Ḅẹrẹ Mị 8:15

Iḅi kiri ḅụ koro ḍipiyemgbọlụma, anị oku mị naa ọkị se anị ḍukoye mịẹapụma-ẹ, ini pịkị inema mun ini chịnmgbọlụ chụa sịkị lamẹ.

Okunwẹngịapụ 9:31

Anị anị sime ḅara mị-ẹ, se chọchị mị Judia na Galili na, pịkị Sameria ḅie mgba deinma sịkị nwọ nyanamẹ. Anị ịnyọ chụamẹ, pịkị kịẹnḅịpị ḅụ sẹnịmẹ Fịafịa Tẹmẹ Ḅe ḅe ḅarachụa ḅụ, anị nwọ Nyanaḅọ Ḅe mangịma ḅụ sime warasịkị.

2 Kọrịntapụ 1:12

Mịn wa seni opuaye mịẹye mị-ẹ: mịna si na iḅi na nemi kuḅie mị mịẹse wa nemi kpaịnmamẹ, na mịn tomonikiri mị ḅie mịna ḍumo mị, anị tẹịn anga mine na ómine na ḅe gboloma mị, anị Tamụnọ Ḅe Oria tọrụkụnka na pịkị karakaraye na ḅie simeye mị, Tamụnọ Ḅe ḍikiḅụgerere kụrọ mị ḅụ anị ḅomẹ tomoni-a nemi ḅụkẹ.

Ẹfịsọsịapụ 6:24

Ye Tamụnọ Ḅe ḍikiḅụgerere mị ómine mgba na sime, ómine fịẹka ḅẹlẹma nyana wa Nyanaḅọ Jizọs Kraịst Ḅe pịrị apụma. Amẹn.

Maịnkarama Oloko 10:12

“Mịọkụ, Izrẹlapụ, Nyanaḅọ ọ́mịna Tamụnọ Ḅe ọ́ ḅara ḅiarịye mị ọ́ nwọ poki: Ọ́ Nyanaḅọ Ḅe tẹkẹ pịkị ọ̀ tọn ayema nwọ mị-ẹ. Ọ̀ ḅẹlẹma, ọ́mịna kuḅie mgba na ọ́mịna tẹmẹ mgba na nwọse fịrịnwẹngị ọ̀ pịrị,

Maịnkarama Oloko 18:13

Ómine okorona okorona Nyanaḅọ Ḅe ḅụ ḅereni nyana.”

Maịnkarama Oloko 6:13

Nyanaḅọ ọ́mịna Tamụnọ Ḅe ómine ò ḍikiḅalafa, ori kẹngẹ nwọ tẹkẹ, pịkị oria ẹrẹ ḅụ kẹngẹ chịẹ sime yeḅereni.

Filipaị 1:10

mịẹse ómine ineda ye ḅụ iḅitẹịnye nwọ sẹlẹọkịḅịa ḅara. Anịsịkị mị ómine ineda fịafịakaye na ḅẹrẹsi na ḅie pọkọḅịaye-ẹ Kraịst Ene mị ḅie.

Jọshụa 24:2

Jọsụwa ḅe nwọse bebe tomoni mamgba ḅẹmẹ, “Mị anị Nyanaḅọ, Izrẹl Tamụnọ Ḅe nyana se ḍukoḅịaye-ẹ. Ḅọlọsa sịkị ḅụ ọ́mịna olomu-a ḍapụma, Yufretis Tọrụ mị ḅụ ísí saḅamanga ini angamẹ pịkị jịn-a oru ma tẹkẹmẹ. Olomu-a ḍapụma ḅie gbọrịḅọ anị Tira, Ebraham ḅe na Nehọ ḅe na ḍaḅe-ẹ.

Jọshụa 24:23

“Anịọkụma kịrị oru mamgba ó wokuma fama, se nyana ḅereni Nyanaḅọ Ḅe pịrị, anị Izrẹl Tamụnọ Ḅe,” ọ̀ nwọse ini ḅẹmẹ.

1 Samụẹl 12:14

Yemamgba ómine na iḅiḅịa ó nemikase Nyanaḅọ ọ́mịna Tamụnọ Ḅe osi, fịrịnwẹngị ọ̀ pịrị, ọ̀ ḅịpị poki, se oria olokoma koko pịkị nemikase ómine na ọ́mịna amanyanaḅọ ḅe na ò ḍukonwẹngịmẹ ḅẹḅẹ.

1 Samụẹl 12:24

Ọ́ Nyanaḅọ Ḅe ḅịpị poki pịkị ọ́mịna kuḅie mgba se ḅereni nyana ḅaraḅụ fịrịnwẹngị ọ̀ pịrị. Ọ̀ mịẹ ọ́ pịrịsa opuaye ma ọ́ nwọse ḅiekoroma.

1 Samụẹl 7:3

Anịgose Samụẹl ḅe nwọse Izrẹlapụma ḅẹmẹ, “Ó nemikase ọ́mịna kuḅie mgba se vinpịkị Nyanaḅọ Ḅe daḅịa ḅẹḅẹ, anịọkụma, jịn sẹ apụ oru ma na pịkị Astate eremeni oru lụgụ mamgba ómine àrị wẹrịsoḅịa. Ómine okorona okorona tẹmẹ anga ḅụ ọ́mịna ḅụ mịẹ fịafịama Nyanaḅọ Ḅe pịrị, se ori kẹngẹ nwọ tẹkẹmẹ ḅẹḅẹ, Filistia apụma ḅara ḅie ori ọ́ ḍụapakụmaḅịa.”