Jọshụa 24:1 - Kịrịkẹnị Baịbụl

¹ Gbọrị ene Shẹkẹm mị ḅie Jọsụwa ḅe Izrẹl sẹ mamgba chịn koḅirimamẹ. Ọ̀ sẹnịapụma chịnmẹ, tịḅịnịma na, ḅẹrẹkọn apụma na, pịkị Izrẹl mị ḅie fịrịtịḅịdapụ ma na, se ini ḅo Tamụnọ Ḅe tọrụkuḅu ḅụ iniaḅụ ḍiepakụmamẹ.

Jọshụa 24:1 Iomraidhean Croise

Chukusakị 12:6

Ebram ḅe ọ̀ sakị nwẹngị ama ama ḅọrọ nweni ò ḅo Morẹ ḅie osiḅụ sime eje mị lamẹ, anị Shẹkẹm ḅie fịafịa nyọ mị. (Anịsịkị mị ḅụ Kenan apụma ama mị ḅie ini pa anga waraḅẹ.)

Chukusakị 35:4

Anịgose inia ḅara sime jịn sẹ-a oru mamgba na ḅerichụaye ma na ini nwọse Jekọb ḅe pịrịmẹ. Ori àrị se Shẹkẹm na kpeki gbọrị kuru eje chuku kiri ḅie ḍipimẹ.

1 Amanyanapụ 12:1

Rihoboam ḅe ò so Shẹkẹm mun mẹ, anị bebe ọgọnọjuda Izrẹlapụ mamgba ò se amanyanaḅọ kunḅịa ẹrẹchị koḅirima sime nyọ mị.

2 Amanyanapụ 23:1

Amanyanaḅọ Josaya ḅe Juda na Jerusalẹm na tịḅịnị mamgba chịn

Okunwẹngịapụ 10:33

Anị à gose kirikiri ị́ fịrịmaye-ẹ, ị́ ḅo ḅara iḅimẹ. Mịọkụ mine mgba Tamụnọ Ḅe tọrọkọ omi-ẹ, Nyanaḅọ Ḅe tọn ị́ pịrị na ḍuko-ẹ nwọ ḅẹye goyegoye nwọ pokiḅịa ẹrẹchị.”

Maịnkarama Oloko 29:9

Ó kuḅie se ḅụgbana gbẹịn ḅara se mị ọḅọkụ mị ḅe ọkwẹịn mamgba nwọ koko, mịẹse ọ́ mịẹye goyegoye ómine na iḅiḅịa ọkụ.

Jọshụa 20:7

Anịẹrẹchị, Jọdan mị ḅụ ịrụasọsọ nyọ daọrụ ḅụ ini Kedẹsh mị sikima koromamẹ Galili mị ḅie, anị Naftalaị chịngị ọgọnọ sẹ mị ḅie; Shẹkẹm mị na Ifrem chịngị ọgọnọ sẹ mị na ḅie; pịkị Hibrọn mị na, Juda chịngị ọgọnọ sẹ mị ḅie.

Jọshụa 23:2

anịẹrẹchị bebe Izrẹl mị mgba ọ̀ nwọ chịnmẹ, sẹnịapụma na, tịḅịnịma na, ḅẹrẹkọn apụma na, pịkị tomonima ḅụ fịrịtịḅịdapụ ma na, se ọ̀ nwọse ini ḅẹmẹ, “Àrị iḅiọkụ olomusam mịọkụ.

Bẹrẹkọn Apụ 20:26

Anịsịkị bebe Izrẹlapụ mamgba somun Bẹtẹl mị ḅie ḅụ kururumẹ. Anịju ḅụ ini Nyanaḅọ Ḅe tọrụkuḅu ḅụ kpọnjị sime se yefịka nweni sasosọmẹ. Ini agbamịẹmẹ pịkị bebema dọkịma agbamịẹmẹ arịmgba Nyanaḅọ Ḅe tọrụkuḅu ḅụ.

1 Samụẹl 10:19

Ị̀rị̀ ọ́mịna Tamụnọ Ḅe-ẹ, ọ́mịna ḅụḅalaḅala mamgba na ḅụfụka ma na ḅie ọ́ ḍụapakụmaḅo ḅọ ḅe-ẹ, ọkụma mịmgba ómine ị̀ sịkịsam se ị̀ ḅẹmẹ na àrị amanyanaḅọ se ọ́ pịrị. Opuma iḅimẹ, anịọkụma, ómine mgba ó koḅirima Nyanaḅọ Ḅe tọrọkọ ḅo sẹ mị ḅie ama ama na, furo furo ḅụ na.’”