Jọshụa 23:8 - Kịrịkẹnị Baịbụl

⁸ Anịnakaraka, ọ́ Nyanaḅọ Ḅe ḅụ ḅereni nyana, anị ọ́ mịẹ ḅo mịọkụ mị la ḅara mị.

Jọshụa 23:8 Iomraidhean Croise

2 Amanyanapụ 18:6

Nyanaḅọ Ḅe ḅụ ò ḅereni nyanamẹ, ọ̀ pịkị ọ̀ ḅịpịpokika sịkị ofori-ẹ pịkị Nyanaḅọ Ḅe seni Moziz ḅe pịrị olokoma ori iḅiọkụ àrị kokomẹ.

Okunwẹngịapụ 11:23

Ò mun la se Tamụnọ Ḅe ini ḅẹlẹma ḅara nwọ ọrị sịkị, ò ḅieḅẹlẹmẹ, se kụrọma ọkwẹịn ini pịrịmẹ na ini kuḅie se ḅụgbana gbẹịn apụ na kọkọma apụ na nwọ sọ Nyanaḅọ Ḅe pịrị inia kuḅiemgbọlụ mamgba se Ọ̀ ḅụgbana ḅụ.

Maịnkarama Oloko 10:20

Nyanaḅọ ọ́mịna Tamụnọ Ḅe ḅịpị ọ́ nwọ poki se ori kẹngẹ nwọ tẹkẹ. Ómine ọ̀ ḅụ ḅereni nyana se oria ẹrẹ kẹngẹ ḅụ chịẹsime yeḅereni.

Maịnkarama Oloko 11:22

“Ó kuḅie se ḅụgbana gbẹịn ḅara seni à se ọ́ pịrịsa oloko mamgba nwọ koko: Nyanaḅọ ọ́mịna Tamụnọ Ḅe ọ́ nwọ ḅẹlẹma, ọ̀ tọn ọ́ pịrịye goyegoye ọ́ nwọ mịẹ pịkị ọ̀ ḅụ ḅereni nyana.

Maịnkarama Oloko 13:4

Nyanaḅọ Ḅe ḍukonwẹngị se ori osi, ọ̀ ḅịpịpoki se oria olokoma koko, ọ̀ tẹkẹ se ọ̀ ḅụ kuḅie se ḅụgbana gbẹịnḅọ nwọ sọ ọ̀ pịrị.

Maịnkarama Oloko 13:5

Ọkụma ọ́ nyana ḅereni Nyanaḅọ Ḅe pịrịma nwọse ọ́ ḅẹ ḍawọpuḅọ anịkanịka ọkọ sime ịkịankoroḅọ goyegoye ọ́ ḅaa, anịatịḅị Nyanaḅọ Ḅe anị Ijipt mị ḅie ọ́ pẹkẹrẹ pakụmaḅoḅọ ḅe-ẹ, ómine omoniapụ sọ sime nyọ mị. Ọkọ sime ḅọ anị si ḅọ-ẹ, pịkị nụḅọ pịkị Nyanaḅọ Ḅe tọn se ọ́ pịrị na ọ́ kọn nwọḅẹ ḍumo mị ḅụ ọ́ dairima ḍọkịaḅẹ. Ómine ini ḅaa, mịẹse ọ́mịna ḅie ọkọ sime si sime-ẹka ọkụ.

Maịnkarama Oloko 4:4

ọkụma ómine ọ́ Nyana Tamụnọ Ḅe ḅụ ḅereni nyana apụma ọ́ pa ḍumo ḅo mịmgba sọnị la waraḅẹ.

Maịnkarama Oloko 8:20

Ó nemikase Nyanaḅọ Ḅe ḅịpịpokikẹ ḅẹḅẹ, anịọkụma, ọ́ nwẹngị tọrọkọ mun-arị sịkị ḅụ ọ̀ famaḅịa sẹma fịfarị ọkụ mị anị ómine sọnị fịfaḅịa ọkụ-ẹ.

Jọshụa 22:5

Ómine ọrị na Moziz ḅe chụa ọ́ pịrị oloko mị ó kokomẹ: ị́ Nyana Tamụnọ Ḅe ḅẹlẹma, ò ḅiye nwọ mịẹ, oria olokoma koko, ọ̀ ḅụ ḅereni nyana, pịkị ị́ kuḅie na ị́ tẹmẹ mgba na se fịrịnwẹngị ọ̀ pịrị.”

Jọshụa 23:7

anịsịkị ini mịọkụ kọn se ọ́mịna ḅie sime apụma ómine ini na gboloma ẹkẹ, ọ́ pịkị inia oru ma ẹrẹ go ẹkẹ, anịkanịka árịa ẹrẹ ma se yekarịfị ẹkẹ, anịkanịka árịa oru ma tẹkẹ ẹkẹ, anịkanịka tịḅịtu árị pịrị ẹkẹ.

Jọshụa 23:9

Nyanaḅọ Ḅe ori opusọ pịkị kụrọ sẹma depakụmasam ọ́ nwẹngịsọ tọrọkọ mun-arị sịkị pịkị ineda ọ́mịna tọrọkọ chịẹ gbọrịḅọ sọnị ofori-ẹ.