Jọshụa 23:15 - Kịrịkẹnị Baịbụl

¹⁵ Ọkụma ọ̀ nwọ ḅereni ọ́ pịrịye goyegoye mịẹọkụ mị, anị ọ̀ pịkị ḅalafamaye goyegoye mịẹḅịa ọkụ mị-ẹ.

Jọshụa 23:15 Iomraidhean Croise

1 Amanyanapụ 14:15

Nyanaḅọ Ḅe ò fomuḅara se Izrẹl mị pịrịḅịa, se anị ideri mengi ḅie chịẹ ịnyọ nyanaka chịn jike ọkụ jikeḅịa. Ori Izrẹlapụma burasinḅịa ò seni inia olomu ḍapụma pịrị iḅi ama mị ḅie, ọ̀ pịkị ini galagalama mun Yufretis Tọrụ mị ḅọrọkoroḅịa, anịatịḅị ini oria ịganị mị owoimamẹ anị Ashera-eremeni-oru mị tọrụ ini nwọ pakụmaye ẹrẹchị.

1 Amanyanapụ 8:56

“Ọ́ Nyanaḅọ Ḅe tokoni anị deinma seni oria tomonima pịrịḅọ ḅe, anị ò ḅereni ini pịrịsa ḅaraḅụ. Oria fịrịnwẹngịḅọ Moziz ḅe ḅụ ọ̀ ḅọrọ se ḅereni ini pịrị iḅi aye mamgba ọ̀ mịẹ ini pịrịmẹ.

Aịzaya 24:6

Anịẹrẹchị Tamụnọ Ḅe ò worinime seni sẹkiri mị ọgọnọ gbanasam. Anịa ḅie angapụma ini mịẹaye ma ini nwọ gbẹịn aḅẹ. Boka kalapụ kẹngẹ anị ḍumoḅịaye-ẹ.

Jerimaya 32:24

“Babilọn apụma gelema kiripịrị opuama mị ḍẹkịkelemasam kụrọḅarase anị ọkịḅịa ẹrẹchị, ini pịkị owu se anị pakasam. Ọmụ na ḅuruḅaa na obi na mịẹse opuama mị ineda ḅịkị inia ḅara sọḅịa. Ị́ ineda ọrịḅịa na ị́ ḍukoaye mamgba karakara ḅaraḅụ ḅosam.

Jerimaya 32:42

“À ḅụfụka se ḅo mịna tomonima pịrị ọkụ, mị à pịkị à ḅereni ini pịrị iḅiaye mamgba ọkịḅo ini pịrịḅịa ọkụ-ẹ.

Jerimaya 35:17

Anịgose mịọkụ, Ị̀rị̀, Kụrọmamgba Nyanaḅọ Ḅe, Izrẹl Tamụnọ Ḅe, à ḅereni ọ́ pịrị yesima mị ọkịḅo ómine Juda na Jerusalẹm na tomonima pịrịḅịa. À mịn mị mịẹḅịa anịatịḅị ó poki ḍụkụkẹ àrị ọkwẹịn ọ́ pịrị sịkị, pịkịna ómine ị̀ pẹkẹrẹkẹ àrị ọ́ chịn sịkị.”

Agbamịẹ Apụ 26:3

“Ó nemikase ị̀ya olokoma sime ọkụ ḍiki angamẹ, pịkị ị̀ya olokoma kokomẹ ḅẹḅẹ,

1 Tẹsalonịka 2:16

Ini pịkị wa kiki ḍọkịmẹ ḍụaḅọrọma ọkịḅo Jịnsẹapụma pịrịḅịa oku mị ḍuko ini pịrị ḅụ. Mịn kuluma ḅara ḅụ, ini sịkịmamgba mịẹarị sima ḅo mịẹḅeinmaye nwọ sọarị ọkụ-ẹ. Se mịọkụ anị ḅe kuluma, Tamụnọ ịganị mị ḅo inia ọgọnọ gbanasam!

Bẹrẹkọn Apụ 13:1

Izrẹlapụma ini pịkịna Nyanaḅọ Ḅe ḅụ simịẹmẹ, se ò Filistia apụma wẹrịso se ini ḅẹrẹtọn Izrẹlapụma pịrị mun kụra mesi nwọ lamẹ.

Bẹrẹkọn Apụ 3:12

Izrẹlapụma ini pịkịna simịẹmẹ Nyanaḅọ Ḅe ḅụ. Mịn mị ẹrẹchị Nyanaḅọ Ḅe Amanyanaḅọ Ẹglọn Moab ḅọ ḅe mịẹse ọ̀ kụrọtẹịn Izrẹl mị nẹngịmẹ.

Bẹrẹkọn Apụ 3:8

Anịẹrẹchị Nyanaḅọ Ḅe ori Izrẹl mị ḅụ ịganị nyanamẹ se Amanyanaḅọ Kọshan Rishateim anị Mẹsopotemịaḅọ ḅe wẹrịso se ori ini nẹngịmaye-ẹ, se nine-a kụra ọ̀ nwọse ḅẹrẹtọn ini pịrịmẹ.

Bẹrẹkọn Apụ 6:1

Izrẹlapụma ini pịkị Nyanaḅọ Ḅe ḅụ simịẹmẹ, anịẹrẹchị ọ̀ mịẹmẹ Midia apụma ḅẹrẹtọn ini pịrị mun sọnọma kụra nwọ lamẹ.