Jọshụa 23:14 - Kịrịkẹnị Baịbụl

¹⁴ “Mịọkụ à fịḅịa sịkị mị lasam. Ọ́mịna ḅụ ḅẹḅọ ḅẹḅọ nemimẹ nụḅọ kuḅie na pịkị tẹmẹ ḅie na ḅụ na Nyanaḅọ ọ́mịna Tamụnọ Ḅe ḅereni ọ́ pịrị iḅiaye mamgba ò se ọ́ pịrịsam. Ò ḅereniye goyegoye ọ̀ mịẹsam; mị re ọ̀ mịẹkaye ofori-ẹ.

Jọshụa 23:14 Iomraidhean Croise

Chukusakị 47:29

Ọ̀ fịḅịa sịkị kpeki sịkị, ori oria tọkụ Josẹf ḅe chịn se ọ̀ ḅẹmẹ, “Ị́ ḅara se ị̀ ḅụọ ọpọkụrụ ḅie chu se ḅụ iderima ḅaraḅụ yekarịfị ị̀ pịrị na Ijipt ḅie ị́ ị̀ ḍipi ẹkẹ.

1 Amanyanapụ 2:2

“À fịḅịa sịkị lasam. Kụrọ kuḅie nyana pịkị ị́ mịẹḅịaye nwọ nemi,

1 Amanyanapụ 8:56

“Ọ́ Nyanaḅọ Ḅe tokoni anị deinma seni oria tomonima pịrịḅọ ḅe, anị ò ḅereni ini pịrịsa ḅaraḅụ. Oria fịrịnwẹngịḅọ Moziz ḅe ḅụ ọ̀ ḅọrọ se ḅereni ini pịrị iḅi aye mamgba ọ̀ mịẹ ini pịrịmẹ.

Job Ḍiri Mị 30:23

À nemimẹ ị́ ị̀ se ị̀ya fị mị jua aḅẹ; anị sime ọrụḅọḅọ pịrịye mị.

Pakaso 3:8

anịẹrẹchị à koroḅosam, Ijipt apụma ḅara ḅie ini ḍụaḅịa gose, se à pịkị Ijipt mị ḅie ini pakụmaḅo ini seni iḅiọkụ finjima ama ḅie koromaḅịa ọkụ, anị lọkọlọkọ pịkị fịye pakụma ama mị, Kenan apụma na, Hitaị apụma na, Amọraị apụma na, Pẹrizaị apụma na, Hivaị apụma na, pịkị Jebus apụma na mịọkụ anga nyọ mị.

Ẹklisiastis 12:5

Gololo-a nyọ ị́ ḅalafamaḅịa, ḅụọ-se-nwẹngị sọnị ị́ ḅalafaḅịa. Ị́ tịḅị inime ma ḅo iḅulu chụaḅịa; ị́ ineda ngịsị ị́ ḅụ fọnọ ị́ munḅịa nyọ mun-ẹkẹ, ị́ ḅietọn seni ị́ mịẹḅịaye mamgba faḅịa. Wa mịna kuluma ịnyọ sara-nyọ mị mun aḅẹ, anịsịkị ḅụ ateli ma ḅie ḍụẹịn ḍin simeḅịa.

Ẹklisiastis 9:10

Ị́ nwẹngị fịrị goyegoye kụrọma nwẹngị anịatịḅị fịsapụ tomonikiri ḅie, mịẹaye ofori-ẹ, yekoroma ofori-ẹ, yenemi pịkịna ofori-ẹ, anịnyọ anị ị́ mun-arịye-ẹ.

Izikịẹl 20:28

Àrị ini ọkịḅo à ḅereni ini pịrị ama mị lamẹ. Ini gele-a kirima na ịwọ ịnyanya ḅụḅein ejema na ọrị sịkị ini agbamịẹ arịmgba pịrịmẹ. Ini ị̀ ịganịmamẹ inia agbama na ini se ḅo agbamịẹ iru ma na gose.

Kịẹnḅịpị Ma 23:19

Tamụnọ Ḅe na tomoni na gbọrị ḅarakẹ, anị iruoapụ ma; Ori tomoniḅọkẹ se ò kuḅie ḍinma. Ò ḅereniye goyegoye, ọ̀ mịẹmịẹmẹ. Ori ọkwẹịnmẹ, anị pịkị mịẹmẹ.

Luk Iḅi Ḅẹrẹ Mị 21:33

So na tomonikiri na ḅọrọḅịa, ọkụma ị̀ya ọkwẹịnma àrị ngịsị ḅọrọ-ẹkẹ.

Hibru 9:27

Tomoniḅọ goyegoye gbọrị sịkị kẹngẹ nwọse fịḅịa, anị mị ḅọrọ sịkị, Tamụnọ Ḅe ḅẹrẹkọn iniḅọ pịrịḅịa.

1 Samụẹl 3:19

Samụẹl ḅe sẹnị paka sịkị, Nyanaḅọ Ḅe ori ọ̀ ḅụ simemẹ pịkị Samụẹl ḅe ḍukoye goyegoye mịẹse anị ḅọ kọkọmaye sọmẹ.