Jọshụa 23:12 - Kịrịkẹnị Baịbụl

¹² Ó nemikase nyana ḅereni ọ̀ pịrịka se ísí kirikọn ọ́mịna ḅie sime a sẹma na gbọrịḅụ ḅọrọ se inina-ere-sime gbolomamẹ ḅẹḅẹ,

Jọshụa 23:12 Iomraidhean Croise

Chukusakị 2:24

Anịgose owuḅọ ḅe ḍawu ḅe na nyọngọrọma na wẹrịso seni mun tarọ ma na gboloma se gbọrị oju nwọ mịẹmẹ.

Chukusakị 34:3

Ọkụma, ọ̀ tọkụ ma ọrịmẹ se árị ọ̀ ḅụḅẹlẹ-so-ọkụma, ori árị na lekiriamẹ se pịkị ḅụkụrọma árịa ḅẹlẹma mị nyanamẹ.

1 Amanyanapụ 11:2

Ori ini na simemẹ Nyanaḅọ Ḅe oloko chụa Izrẹlapụma pịrịmẹ nwọḅẹ sọnị, na ini mịnapụma na eresime gbolomama, anịatịḅị ini Izrẹlapụma mịẹḅịa ini nyana ḅereni oruma pịrịḅịa.

1 Amanyanapụ 11:4

se ò ḅo olomu sịkị ini ọ̀ da irimase ò mun jịn sẹ oru ma tẹkẹmẹ. Ọ̀ ḅarị Nyanaḅọ ọ̀ Tamụnọ Ḅe ḅụ ḅereni nyanakẹ, anị ḍawu Devid ḅe nyana ọkụ mị.

Fịafịa Nime 125:5

Ọkụma ị́ fomuḅara se sitịḅịnyana apụma pịrịḅịa sịkị, ị́ya ateli mị ḅụ ḅarasin apụma sọ fomuḅara se ini pịrị. Dein Izrẹl na sime!

Fịafịa Nime 36:3

Oria ọkwẹịn ma sitịḅị na iruo na ḅụ ḅein aye-ẹ; ọ̀ ḅarị pịkị ngịsị yenemi aye na iḅi aye na mịẹkẹ.

Aịzaya 1:4

Ọ́ fasam ómine, siaye mịẹmịẹ sẹ, ómine siaye mịẹmịẹ sitịḅịnyana apụ. Ọ́mịna sima àrị ó jine kiripịrịsam! Ọ́ Nyanaḅọ Ḅe sịkịsam, Izrẹl fịafịa Tamụnọ Ḅe, se ómine ọḅụ pịkị ò gbinsam.

Izikịẹl 18:24

“Ọkụma karakaraye mịẹḅọ ḅe ḅọrọ nemikase ḅarị karakaraye mịẹka, ḅo sakị siye mịẹ, pịkịna ḅụgbẹịnkaye nwọ mịẹ, iniḅọ ḍumo ma mun ḅe? Ẹn-ẹn! Iniḅọ mịẹ ḅọrọsa iḅiaye mamgba à ḅarị se ḅiekoroma ẹkẹ. Iniḅọ kuḅie-se-gbana na iḅika mị na sima na gose iniḅọ fịfaḅịa.

Zẹfanaịa 1:6

Vinpịkị se ḅarị ị̀ ḍukokapụ ma na, ị̀ damaḅoka, anịkanịka, ị̀ ḅara ḅụ datekerema ḅikapụ ma, àrị ini famaḅịa.”

Matio 12:45

Anịsịkị anị pakamun si anị nẹngị jịn sọnọma siatẹmẹ nwọ ọkị anịa ḅụ chụaḅịa, se ḅo anị nyọ angaḅịa. Anị ḅe kuluma, ori tomoniḅọ ḅe ò sitẹịn tatarị ò sime ḅara mị nẹngịḅịa. Mịn ḅara mị anị anị paka mịmgba ene mị ḅie sime siapụma pịrịḅịa ọkụ-ẹ.”

Jọn Iḅi Ḅẹrẹ Mị 6:66

Mịn mị gose, oria ọḅụḍukoapụma ḅie tọn apụ vinpịkị se ḅarị jịn sịkị seni ò ḍuko nwẹngịkẹ.

Romapụ 12:9

Ye ḅẹlẹma mị kọkọma kuḅie ḅụ pakaḅoye nwọ sọ. Taraka se siye wẹrịma, kapụma iḅiye mị ọlọ.

Maịnkarama Oloko 6:15

Ó nemikase oru tẹkẹmẹ ḅẹḅẹ, Nyanaḅọ Ḅe ọ́mịna ḅụ ori ịganị nyanaḅịa se fịnị ye sima ḅara se ọ́ ḅaasinḅịa, anịatịḅị Nyanaḅọ ọ́mịna Tamụnọ Ḅe ori inema nyana orina pikiaye pịrịpịrịkẹ.

Maịnkarama Oloko 7:3

Iniaḅụ gbọrịḅọ sọnị ómine ọkị simema, ọ́ pịkị ḅereni ọ́mịna awọma pịrị se ini iniaḅụ gbọrịḅọ sọnị sime,

Maịnkarama Oloko 7:4

anịatịḅị ini ọ́mịna awọma dairimaḅịa Nyanaḅọ Ḅe ḅụ, se mun jịn-a oru tẹkẹḅịa. Anị ọkọ pakamẹ ḅẹḅẹ, Nyanaḅọ Ḅe ori ọ́mịna ḅụ ịganị nyana se pịkị ọ́ ḅaasinḅịa anị gbọrị sịkịḅụ.

Jọshụa 23:11

Anịẹrẹchị ómine ọbị nyana se ọ́ Nyanaḅọ ọ́mịna Tamụnọ Ḅe ḅẹlẹma.

1 Jọn 2:9

Na ori enekuḅu mị ḅie ori omi-ẹ nwọ ḅẹ ḅọ goyegoye, ọkụma iniḅọ mịnaḅọ ḍikiḅụnwọnwọmẹ ọkịḅo mịọkụ lamẹ nwọ ḅẹ sọnị, iniḅọ pa kanakana ḅie omi-ẹ.

Bẹrẹkọn Apụ 14:3

Ọkụma ḍawu ḅe na nyọngọrọma na nwọse ọ̀ gbelamẹ, “Cheye ẹrẹchị oruḅẹrẹ nemi Filistia apụma ḅie ị́ mun eresimeḅe? Mịna sẹ ḅie, mịna tomonima ḅie ị́ simeḅịa gbọrị eremenitọkụ sọnị ị́ ọrịka?” Ọkụma Samsịn ḅe nwọse ḍawu ḅe ḅẹmẹ, “Árị ma anị ị́ nyana ḅo ị̀ pịrị à nwọ ḅi ḅọma-ẹ, árị ị̀ ḅụḅẹlẹmẹ.”

Bẹrẹkọn Apụ 3:6

Ini ini na eresime gboloma pịkị inia oru ma tẹkẹtẹkẹmẹ.