Jọshụa 22:9 - Kịrịkẹnị Baịbụl

⁹ Anị Rubẹnị na Gadị na sẹma pịkị Ịrụapakapaka nyọ da Manasẹ mị na vinpịkị so inia ama mun ye-ẹ Shịlo mị ḅụ Kenan ama mị ḅie, ini kirikọn Izrẹlapụma wẹrịso se so inia ama Giledị mị mun mẹ, anị Nyanaḅọ Ḅe Moziz ḅe ḅụ ḅọrọ tọnsa ḅaraḅụ ini ḍiaọkị ama mị.

Jọshụa 22:9 Iomraidhean Croise

2 Samụẹl 2:9

Anịju ḅụ Abna ḅe Ish-Boshẹt ḅe se amanyanaḅọ mịẹse Giledị mị na, Asha mị na, Jezriẹl mị na, Ifrem mị na, Bẹnjamin mị na, pịkị bebe Izrẹl mị mgba na pịrịmẹ.

1 Amanyanapụ Sịkị Mịẹaye Ma 5:9

Ini ḅakama Giledị ama mị ḅie nama nyanamẹ anịẹrẹchị ama mị ḅụ ịrụapakapaka nyọ daọrụ ḅụ sakị mun onwun ele mị la, wasama mun Yufretis Tọrụ mị la nyọ mị ḅụ ini angamẹ.

Fịafịa Nime 60:7

Giledị mị ị̀yaye-ẹ, pịkị Manasẹ mị sọ; Ifrem mị ị̀ya okpochu-ẹ, Juda mị pịkị ị̀ya amanyana amgbara-ẹ.

Kịẹnḅịpị Ma 32:1

Rubẹnị na Gadị na sẹ apụma ini opuma nama nyanamẹ. Jiza na Giledị amakiri ma nama koko ḅụ iḅiọkụ ini nwọ ọrị sịkị,

Kịẹnḅịpị Ma 32:20

Moziz ḅe nwọse ini pẹkẹrẹmẹ, “Nemikase ọ́mịna kuḅiela ọkwẹịn ọ́ nwọ kọnmẹ ḅẹḅẹ, anịọkụma mịanga Nyanaḅọ Ḅe tọrụkuḅu ọ́ ḅụkarakarama se ọmụ mị mun.

Kịẹnḅịpị Ma 32:22

pịkị ama mị nwọ ọkị nyanaḅịa. Anị ḅọrọsa ḅẹḅẹ, ómine ineda vinpịkị soḅịa anịatịḅị ọ́ mịẹ Nyanaḅọ Ḅe na ó juo Izrẹlapụma pịrị na iḅiye mị ómine anị mịẹ ḅeinmasam. Anịsịkị mị Nyanaḅọ Ḅe ọkọse anị nemiḅịa na mị Jọdan mị ḅụ ịrụapakapaka anga ḅụ sime ama mị ọ́mịnaye-ẹ.

Kịẹnḅịpị Ma 32:26

Mịna erema na awọma na pịkị mịna namama na ananama na àrị mịanga Giledị amama ḅie simeḅịa.

Kịẹnḅịpị Ma 32:29

“Nemikase Gadị na Rubẹnị na owuapụma Jọdan mị saḅa se ḅụkarakarama ọmụ mị pịrịmẹ Nyanaḅọ Ḅe tọn ḅaraḅụ se nemikase inia ḅarachụa ḅụ ómine ama mị kanmẹ ḅẹḅẹ, anịọkụma Giledị ama mị ó se ini pịrị iniaye ḅaraḅụ ini ọkị.

Maịnkarama Oloko 3:18

“Anị gbọrị sịkị ḅụ, à ma ma tọn ini pịrịmẹ: ‘Nyanaḅọ mịna Tamụnọ Ḅe mịn ama mị se ọ́ pịrịmẹ Jọdan mị ḅụ ịrụapakapaka nyọ daọrụ mị, ómine anị ọkị angaḅịa ẹrẹchị. Mịọkụ ọ́mịna owunima ọ́ nwọ karakarama se ini fịrịma ini Jọdan mị saḅa se ini tatarị ísí Izrẹl sẹma tọrọkọda, ḅarachụa ini pịrị se ini inia amama ọkị angaḅịa ọkụ.

Maịnkarama Oloko 3:20

Ọ́ ḅarachụa ọ́mịna juo Izrẹlapụma pịrị se ini sọnị mun Nyanaḅọ Ḅe se ini pịrịarị ama mị ọkị, Jọdan mị ḅụ ịrụasọsọ nyọ mị se Nyanaḅọ Ḅe deinma seni ini pịrị se ini anịa ḅie anga sịkị la, anị ọ̀ mịẹ ọ́ pịrịsa ọkụ mị. Anị ḅọrọsosa ḅẹḅẹ ómine ineda vinpịkị mị à se ọ́ pịrị ama mị ḅoḅịa.’

Maịnkarama Oloko 34:1

Moziz ḅe Moab mị ḅe sẹrẹrẹ nyọ ḅụ ori iwo Nebo Tụndụ mị tanjị mẹ, Jẹriko ḅụ ịrụapakapaka nyọ daọrụ ḅụ mun Pisga Tụndụ mị ḅịpị okolo lamẹ, se anịnyọ ḅụ Nyanaḅọ Ḅe bebe ama mị mgba seni ò ḍiemẹ: Giledị nyọ mị ḅụ ọkịmun Danị ama mị ḅụ ọgọnọju la;

Jọshụa 13:11

Pịkị Giledị na, Gẹshọ na Meaka pẹkẹrẹ ma na, Hamọn Tụndụ mị mgba na, pịkị bebe Bashan mị mgba ḅụ ọkịmun Saleka mị la.

Jọshụa 13:25

Inia pẹkẹrẹ mị anị Jiza mị na pịkị bebe Giledị opuama mamgba na, Amọn mị ḅụ gbọrị pẹkẹrẹ ḅụ ọkịmun Aroa mị la, anị Raba mị ḅụ ịrụapakapaka nyọ daọrụ ḅụ simeye mị;

Jọshụa 13:31

Giledị mị ḅụ gbọrị pẹkẹrẹ sọnị anịaḅụ omi-ẹ, pịkị Ashtarọt mị na, Edreị mị na, anị Ọg ḅe oria amanyanakiri mị ḅụ tịḅịda opuama ma-ẹ Bashan mị ḅieḅụ. Ma mamgba ini se Meka furo ḅie gbọrị apụ pịrịmẹ, Manasẹ yaḅe.

Jọshụa 22:10

Rubẹnị na, Gadị na sẹma, pịkị Ịrụapakapaka nyọ da Manasẹ sẹ mị na mun Gilaịlọt mị lasịkị, pa Jọdan mị ḅụ ịrụasọsọ nyọ daọrụ mị ḅụ, ini gbọrị ḍụḅa ḍikitọrụgbẹịn agbamịẹ ẹbẹ namamẹ tọrụ mị aka ḅụ.

Bẹrẹkọn Apụ 20:1

Bebe Izrẹlapụ mamgba ḅo chịnḅịpị mị ḅerenimẹ, Danị, ọgọnọju daọrụ simeye mị ḅụ sakị mun Biashiba chukuju daọrụ ḅụ simeye mị la, pịkị Giledị ḅụ sakị mun ịrụapakapaka nyọ ọgọnọju mị la. Inimgba gbọrị ḅụ koḅirimamẹ Nyanaḅọ Ḅe tọrọkọ Mizpa mị ḅie ḅụ.

Bẹrẹkọn Apụ 5:17

Gadị sẹ mị Jọdan mị ḅụ ịrụapakapaka nyọ daọrụ ḅụ simemẹ se Danị sẹ mị pịkị onwoin arụ ma anga ḅụ simemẹ. Asha sẹ mị tọrụ mị aka ḅụ simemẹ; ini tọrụ mị aka ḅụ simemẹ.