Jọshụa 22:6 - Kịrịkẹnị Baịbụl

^6-8 Jọsụwa ḅe ori oria ḅẹlẹma mị se ini pịrị pịkị ma ọkwẹịn ma kọn ini pịrịmẹ: “Ọ́ ḅakama ngọ kọn se so ama mun aḅẹ, tọn-a nama na, seleḅa na, goli na, alapẹlẹka na, ikulele na, pịkị tọn-a ḅụchụaye na. Ómine na tarakapụma ḅara ómine ọkịaye ma ó se ọ́mịna gbọrị sẹ ḅie apụma na ḍia.” Anịsịkị ini so inia ama mun mẹ. Moziz ḅe ò kiri se Manasẹ sẹ mị ḅụ gbọrị pẹkẹrẹ pịrịmẹ Jọdan mị ḅụ ịrụapakapaka nyọ daọrụ ḅụ, ọkụma ísí gbọrị pẹkẹrẹ mị na, pịkị ísí-a sẹma na Jọsụwa ḅe anị kiri se ini pịrịye-ẹ ịrụasọsọ nyọ daọrụ ḅụ.

Jọshụa 22:6 Iomraidhean Croise

Chukusakị 14:19

ori ọ̀ ḅẹlẹma se nwọḅẹmẹ, “Ye Geletẹịn Tamụnọ Ḅe anị so mị na sẹkiri mị na tẹmẹḅọ ḅe Ebram ḅe ḅẹlẹma!

Chukusakị 47:10

Jekọb ḅe ọ̀ ḅaḅa ḅẹlẹma se amanyanaḅọ ḅe pịrịso se ò somẹ.

Chukusakị 47:7

Anịeso Josẹf ḅe ọ̀ ḍawu Jekọb ḅe ọkịḅo amanyanaḅọ ḅe ḍiemẹ. Jekọb ḅe ori amanyanaḅọ ḅe ḅẹlẹmamẹ,

2 Samụẹl 6:18

Devid ḅe dọkịma agba na deinma ḍiepịrịaye agba na mịẹso sịkị ọ̀ ḅẹlẹma se tomonima pịrịmẹ Kụrọmamgba Nyanaḅọ Ḅe ẹrẹḅụ

2 Samụẹl 6:19

ò fịye ḍie seni inimgba pịrịmẹ. Fịturu gbọrị okpokpo na fọị nama na, pịkị samịnasa chịnmgbọlụ na ọ̀ nwọse Izrẹl mị ḅie ḅọḅọ pịrịmẹ, owuapụ na eremeni na. Anịeso ọrịḅọḅọ so mịna warị mun mẹ.

2 Samụẹl 6:20

Ọḅụkọ, Devid ḅe so oria warị mun mẹ kereniḅịpị seni ò furo ḅie apụma pịrị-ẹ mun sịkị, Maịkal ma paka ḅo ori na ịrịamẹ. Á nwọ ḅẹmẹ, “Izrẹl Amanyanaḅọ ḅe ori opu ẹrẹ mịẹ ọ̀ ḅụ pịrịmẹ mịmgba!” “Oria fịrịnwẹngịapụma inia fịrịnwẹngị eremeni awọma tọrụkuḅu ḅụchụaye chụaka se oḅoriḅọ ye mịẹ ọkụ se ye mịẹmẹ!”

1 Amanyanapụ 8:66

Nine-a ḍin karama ene mịn ḅụ Sọlọmọn ḅe tomonima ḅẹ se ini so inia amama mun mẹ. Inimgba ini ò tokonimẹ se ḅieḅẹlẹ ḅụ so inia amama mun mẹ Nyanaḅọ Ḅe se oria fịrịnwẹngịḅọ Devid ḅe na pịkị oria tomoni Izrẹlapụma na pịrị ḅẹlẹma mamgba na gose.

2 Amanyanapụ Sịkị Mịẹaye Ma 30:18

Pịkịna, Ifrem na, Manasẹ na, Ịsaka na, Zẹbụlọnị na sẹma ḅie ḅo apụma, ḅụ-mịẹfịafịama mịẹmịẹye mị ma ini mịẹkẹ, anịọkụma Saḅaḅọrọ Alalị mị ini anị fịarị ḅara iḅikẹ. Amanyanaḅọ Hẹzekaya ḅe mị tẹkẹ mị kọn ini pịrịmẹ:

Pakaso 39:43

Moziz ḅe, ò yegoyegoye pekele ḍikimẹ se ori ọrịmẹ na Nyanaḅọ Ḅe tọn ḅara anị ini se fịrị mị mgba nwẹngị ọkụ-ẹ. Anịgose Moziz ḅe ini ḅẹlẹmamẹ.

Luk Iḅi Ḅẹrẹ Mị 2:34

Simiọnị ḅe ini ḅẹlẹma se nwọse Meri, nyọngọrọma ḅẹmẹ, “Tamụnọ Ḅe ḅe tọkụ ḅe sẹlẹmẹ fa na ḍụaḅọrọma na nwọse Izrẹl mị ḅie tọn apụ pịrịḅịa ẹrẹchị. Tamụnọ ḅara ḅo elekima Ọ̀ nwọsọḅịa, tọn apụ anị gose ọkwẹịn ḅụ Ori na tụḅụrụḅịa,

Luk Iḅi Ḅẹrẹ Mị 24:50

Anịsịkị Ọ̀ tọrọkọ ịsụn ini se opuama mị ḅie pakaso mun Bẹtani mị lamẹ, Ori Ọ̀ ḅarama dekichịẹma se ini ḅẹlẹma nyọ mị.

Jọshụa 14:13

Jọsụwa ḅe ọ̀ ḅẹlẹma se Kelẹb, Jẹfunẹ yaḅe pịrịmẹ pịkị Hibrọn opuama mị se ọ̀ pịrịmẹ na anị oriaye nwọsọ.

Jọshụa 24:28

Anịsịkị Jọsụwa ḅe tomonima ḅe se ini somẹ, se ọrụḅọḅọ so ama mị ḅie nụḅọ pẹkẹrẹ mị mun mẹ.

1 Samụẹl 10:25

Samụẹl ḅe sime amanyanaḅọ pịrị ayema na pịkị fịrịma na ḍuko ḅelema tomonima pịrịmẹ, anịsịkị ọ̀ pịkị àrị se ḍiri ḅie gịẹịn koromamẹ, ori anị se osiḅụ sime nyọ ḅụ kokomẹ. Anị ori ini ḅẹ se ọrụḅọḅọ so mịna ama mun ye-ẹ.

1 Samụẹl 13:2

Sọl ḅe owuapụma ḅụ kịnị-a sọnọma ẹndẹ oyiasi fịnjị ọ̀ nwọ ọkịmẹ, inia ḅie sọnọ ẹndẹ ọ̀ nwọse koroma ọ̀ ḅụ wẹrịmamẹ, Mikmash mị ḅieḅụ na pịkị Bẹtẹl chịngị ọgọnọ sẹ mị ḅieḅụ na, se kịnị-a mẹndẹ oyiasi fịnjị ọ̀ nwọse yayo Jonatan ḅe ḅụchụa se Gibia mị fịrịmamẹ, Bẹnjamin furo eke mị ḅụ. Ísí kirikọn owuapụma Sọl ḅe ori ini seni ama fịrịmamẹ.

1 Samụẹl 2:20

Anịsịkị Ịlaị ḅe ori Ẹlkena ḅe na tarọ ma na ḅẹlẹma se nwọse Ẹlkena ḅe ḅẹḅịa, “Ye Nyanaḅọ Ḅe ma eremeniḅọ ma ḅụ ḅọrọ jịn awọ se ị́ pịrị, á seni ị́ se osiḅụ-wẹrị ọ̀ pịrịsaḅọ ḅe kiriḍinma.” Anị ḅọrọsa ḅẹḅẹ ini vinpịkịso ama munḅịa.