Jọshụa 22:5 - Kịrịkẹnị Baịbụl

⁵ Ómine ọrị na Moziz ḅe chụa ọ́ pịrị oloko mị ó kokomẹ: ị́ Nyana Tamụnọ Ḅe ḅẹlẹma, ò ḅiye nwọ mịẹ, oria olokoma koko, ọ̀ ḅụ ḅereni nyana, pịkị ị́ kuḅie na ị́ tẹmẹ mgba na se fịrịnwẹngị ọ̀ pịrị.”

Jọshụa 22:5 Iomraidhean Croise

Fịafịa Nime 106:3

Ḅieḅẹlẹ sime oria olokoma koko apụma pịrị, nwọ sịkịmamgba karakaraye mịẹarị apụma.

Fịafịa Nime 78:7

Mịn ḅaraḅụ ini sọnị pịkị inia kuḅie se Tamụnọ Ḅe ḅụ gbanaḅịa, se ọ̀ mịẹsaye ma se ḅieḅarama ẹkẹ, ọkụma sịkịmamgba ọ̀ tọn ini pịrịayema kokoḅịa.

Pakaso 15:26

Ọ̀ nwọ ḅẹmẹ, “Ó nemikase ị̀ ḅịpịpoki se karakaraye mị kẹngẹ nwọ mịẹ pịkị à tọn ọ́ pịrịayema nwọ mịẹmẹ ḅẹḅẹ, à seni Ijipt apụma pịrị obi ma ḅụ gbọrịye sọnị à se fomuḅara ḅụ ọ́ pịrị-ẹkẹ. Ị̀rị̀ Nyanaḅọ Ḅe anị ọ́ gwọgwọḅọ ḅe-ẹ.”

Pakaso 20:6

Ọkụma à ḅẹlẹma nyana ị̀ ḅẹlẹma se ị̀ya olokoma koko apụma ḅụ kịnị-a mẹndẹ oyiasi fịnjị-fịnjị nwọ pịrịpịrịmẹ.

Pakaso 23:13

“Ị̀rị̀, Nyanaḅọ Ḅe ḍuko ọ́ pịrịye goyegoye ọ́ nwọ poki. Ọ́ jịn-a oru tẹkẹma, arịa ẹrẹ ma sọnị ngịsị ó go ma.

Pakaso 23:25

Ó nemikase Ị̀rị̀ ọ́ Nyana Tamụnọ Ḅe tẹkẹtẹkẹmẹ ḅẹḅẹ à fịye na mengi na se ọ́ ḅẹlẹma ḅịa, à pịkị ọ́mịna obi mamgba deki sinḅịa.

Kaḅo Ma 4:23

Tọrụkweinma ị́ koroma arịye ma ḅụ; anịatịḅị ị́ kọn àrị koroma ma anị ị́ya ḍumo tẹmẹarịye ma-ẹ.

Aịzaya 55:2

Cheye gose ó yeḅụsọkaye ḅụ igbiki fama-ao? Cheye gose ọ́ nwẹngị fịrịḅụ ini se ọ́ gbẹịn igbiki ọ́ nwọ famaso sịkị fịye pa ọ́ tarị-ao? Ómine ị̀ poki se à ḍukoye mị mịẹ, fịaye mamgba ḅụ iḅitẹịn fịaye mị ḅe ḅẹlẹ ọ́ nwọ ọrịḅịa.

Jerimaya 12:16

Nemikase ini inia kuḅie mgba se ị̀ya tomonima tẹkẹḅara nwọ ọkị se yekarịfịḅịa ḅẹḅẹ, Nyanaḅọ Ḅe ḍumo wara sịkị, ini gbọrị sịkị ḅụ Beal karịfị ḅara se ị̀ya tomonima ḍie ọkụ mị—anịsịkị ini ị̀ya tomonima ḅụapụ sọḅịa, se lọkọlọkọ nyanaḅịa.

Matio 22:37

Jizọs Ḅe ọ̀ pẹkẹrẹmẹ, “ ‘Ị́ kuḅiemgbọlụ mgba ị́ nwọse ị́ Nyana Tamụnọ Ḅe ḅẹlẹmaḅịa, ị́ tẹmẹ mgba na, pịkị ị́ya koroma mị mgba na.’

Matio 4:10

Jizọs Ḅe pẹkẹrẹ se nwọ ḅẹmẹ, “Sikima, ị́rị́ Oru! Fịafịa ḍiri mị nwọ ḅẹmẹ, ‘Kpẹrẹkị ị́ Nyana Tamụnọ Ḅe nwọ tẹkẹ, se fịrịnwẹngị ori kẹngẹ nwọ pịrị!’”

Matio 6:24

“Gbọrịḅọ ineda omoniḅọ sọ mama tịḅịnị pịrị ẹkẹ; ọ̀ taraka se gbọrịḅọ wẹrịma, se ísí ḅọ ḅe ḅẹlẹmaḅịa; ọ̀ ḅụiderima gbọrịḅọ pịrị, se ísí ḅọ ḅe ḍikisimaḅịa. Ị́ ineda fịrịnwẹngị Tamụnọ Ḅe na igbiki na pịrị ẹkẹ.

Jọn Iḅi Ḅẹrẹ Mị 12:26

Fịrịnwẹngị ị̀ pịrị ḅi ḅọ goyegoye iniḅọ ị̀ ḍukoḅịa, mịẹse ị̀ya fịrịnwẹngịḅọ ḅe à sime nyọ simeḅịa ḅara. Ị̀ Ḍaḅe ori osi se fịrịnwẹngị ị̀ pịrịḅọ goyegoye pịrịḅịa.

Jọn Iḅi Ḅẹrẹ Mị 14:15

“Ómine ị̀ ḅẹlẹmamẹ ḅẹḅẹ, ómine ị̀ya olokoma kokoḅịa.

Okunwẹngịapụ 11:23

Ò mun la se Tamụnọ Ḅe ini ḅẹlẹma ḅara nwọ ọrị sịkị, ò ḅieḅẹlẹmẹ, se kụrọma ọkwẹịn ini pịrịmẹ na ini kuḅie se ḅụgbana gbẹịn apụ na kọkọma apụ na nwọ sọ Nyanaḅọ Ḅe pịrị inia kuḅiemgbọlụ mamgba se Ọ̀ ḅụgbana ḅụ.

Okunwẹngịapụ 27:23

Anịatịḅị nwọ ḅọrọsa ḍin mị ḅie à sime pịrị pịkị tẹkẹarị Tamụnọ Ḅe enjẹlḅọ ị̀ damaḅomẹ,

Romapụ 1:9

Tamụnọ Ḅe ị̀ya onyechịẹḅọ-ẹ na à ḍukoye mị kọkọmaye-ẹ; àrị ị̀ kuḅiemgbọlụ mgba se fịrịnwẹngị pịrị Tamụnọ Ḅe, Iḅi Ḅẹrẹ mị ḍukopakụma mị ḅụ oria Tọkụ Ḅe gbolomaye mị. Tamụnọ Ḅe ò nemimẹ na à sịkịmamgba ó se ḅiekoromamẹ

Romapụ 12:9

Ye ḅẹlẹma mị kọkọma kuḅie ḅụ pakaḅoye nwọ sọ. Taraka se siye wẹrịma, kapụma iḅiye mị ọlọ.

Romapụ 8:28

Wa nemimẹ na Tamụnọ Ḅe ye mamgba se iḅi fịrịnwẹngị ọ̀ ḅẹlẹma apụma pịrịpịrịmẹ, ori ọ̀ tọn ḅara ḅụ chịn ọkịsa apụma.

Maịnkarama Oloko 10:20

Nyanaḅọ ọ́mịna Tamụnọ Ḅe ḅịpị ọ́ nwọ poki se ori kẹngẹ nwọ tẹkẹ. Ómine ọ̀ ḅụ ḅereni nyana se oria ẹrẹ kẹngẹ ḅụ chịẹsime yeḅereni.

Maịnkarama Oloko 11:1

“Nyanaḅọ ọ́mịna Tamụnọ Ḅe ọ́ nwọ ḅẹlẹma, pịkị sịkịmamgba oria olokoma koko.

Maịnkarama Oloko 11:13

“Anịẹrẹchị, mịmgba à se ọ́ pịrịsa oloko mamgba ómine àrị koko, ọ́ Nyanaḅọ ọ́mịna Tamụnọ Ḅe ḅẹlẹma pịkị ọ́mịna kuḅie mgba se fịrịnwẹngị ọ́ pịrị.

Maịnkarama Oloko 11:22

“Ó kuḅie se ḅụgbana gbẹịn ḅara seni à se ọ́ pịrịsa oloko mamgba nwọ koko: Nyanaḅọ ọ́mịna Tamụnọ Ḅe ọ́ nwọ ḅẹlẹma, ọ̀ tọn ọ́ pịrịye goyegoye ọ́ nwọ mịẹ pịkị ọ̀ ḅụ ḅereni nyana.

Maịnkarama Oloko 13:4

Nyanaḅọ Ḅe ḍukonwẹngị se ori osi, ọ̀ ḅịpịpoki se oria olokoma koko, ọ̀ tẹkẹ se ọ̀ ḅụ kuḅie se ḅụgbana gbẹịnḅọ nwọ sọ ọ̀ pịrị.

Maịnkarama Oloko 4:29

Anịju ḅụ Nyanaḅọ ọ́mịna Tamụnọ Ḅe ómine ọ̀ ḍọkịḅịa, se ọ́ ḅọrọ nemikase ọ́mịna kuḅie mgba se ọ̀ ḍọkịmẹ ḅẹḅẹ ómine ori ọrịḅịa.

Maịnkarama Oloko 4:4

ọkụma ómine ọ́ Nyana Tamụnọ Ḅe ḅụ ḅereni nyana apụma ọ́ pa ḍumo ḅo mịmgba sọnị la waraḅẹ.

Maịnkarama Oloko 4:6

Ó ḅereni nyana apụ ḅara se àrị koko, anị mị se jịn apụma ḍieḅịa ó yenemi la-ọkụ. Ini ma oloko mamgba naaḅịa sịkị ini nwọ ḅẹḅịa, ‘Mịn ḅọrọ ndende ọkụ sime yenemi pịkị yekaịnḅo nyana opu sẹ!’

Maịnkarama Oloko 4:9

Ómine ọ́mịna ḅụ ọbị! Ómine iḅiọkụ se anị nemikpaịnma, se ọ́ tọrụ se ọrịsa ayema ó se ḅieḅaramama, ọ́mịna ḍumo ene mamgba ḅụ. Ó ḍuko se ọ́mịna awọma na ọ́mịna awọma yi awọma na pịrị,

Maịnkarama Oloko 5:10

Ọkụma ị̀ ḅẹlẹma se ị̀ya olokoma koko apụma àrị ị̀ya ḅẹlẹma ḍiepakụma iniaḅụ kịnị mẹndẹ oyiasi fịnjị fịnjị nwọ pịrịpịrịmẹ.

Maịnkarama Oloko 6:17

Ọ́ ḍọkịḅo ọrị na ọ̀ chụa ọ́ pịrị oloko mamgba ọ́ nwọ kokomẹ.

Hibru 12:15

Ngịsị Tamụnọ Ḅe ḍikiḅụgerere mị ḅụ ó vinpịkị ọḅụdama. Ye gbọrịḅọ sọnị vinpịkịḅo akụ chịn nwọ sọma, anị anịa akụ mị na sẹnị pakaḅo ḅụfụka se tọn-apụ pịrịye mị.

Jems 1:12

Ḅieḅẹlẹ sime ori ḅọ ḅe pịrịmẹ ḍaḍiki sịkị ḅụ kuḅie se ḅụgbana gbẹịn ḍumokọn ḅọ ḅe, anịatịḅị ò nemikase ḍaḍiki mị ḅọrọmẹ ḅẹḅẹ, Tamụnọ Ḅe ḅereni ọ̀ ḅẹlẹma apụma pịrị ḍumo mị ọ̀ ḅara laḅịa.

Jems 2:5

Ó poki, ị̀ ḅụ yela mịnapụ! Tamụnọ Ḅe mịn tomonikiri mị ḅie igwein apụma sẹlẹ se ini ḅereni ḅụ alakọn apụ nwọ sọmẹ, pịkị mịẹse ini amanyanakiri mị nwọ ḍiaọkịmẹ, ò ḅereni ọ̀ ḅẹlẹma apụma pịrịye mị.

Jọshụa 23:8

Anịnakaraka, ọ́ Nyanaḅọ Ḅe ḅụ ḅereni nyana, anị ọ́ mịẹ ḅo mịọkụ mị la ḅara mị.

Ḍieḅelema Yema 15:3

se Moziz, Tamụnọ fịrịnwẹngịḅọ ḅe, nime mị na, Anana Tọkụ Ḅe nime mị na ini nwọ chuaḅẹ: “Nyanaḅọ, Kụrọmamgba Nyana Tamụnọ, ị́ya fịrịma àrị ḍụḅa pịkị ḅụgbiripumam! Sẹ mamgba Amanyanaḅọ; ị́ya atelima àrị karakara pịkị kọkọmaye sọmẹ!

1 Samụẹl 12:20

“Ọ́ ḅalafama,” Samụẹl ḅe nwọse ini ḅẹmẹ. “Ọ́ nwọ sime siye mịẹsam nwọḅẹ sọnị, Nyanaḅọ Ḅe ḅụ ọ́ ḅarasinma, ọkụma ómine ó kuḅie mgba se fịrịnwẹngị ọ̀ pịrị.

1 Samụẹl 12:24

Ọ́ Nyanaḅọ Ḅe ḅịpị poki pịkị ọ́mịna kuḅie mgba se ḅereni nyana ḅaraḅụ fịrịnwẹngị ọ̀ pịrị. Ọ̀ mịẹ ọ́ pịrịsa opuaye ma ọ́ nwọse ḅiekoroma.

1 Samụẹl 7:3

Anịgose Samụẹl ḅe nwọse Izrẹlapụma ḅẹmẹ, “Ó nemikase ọ́mịna kuḅie mgba se vinpịkị Nyanaḅọ Ḅe daḅịa ḅẹḅẹ, anịọkụma, jịn sẹ apụ oru ma na pịkị Astate eremeni oru lụgụ mamgba ómine àrị wẹrịsoḅịa. Ómine okorona okorona tẹmẹ anga ḅụ ọ́mịna ḅụ mịẹ fịafịama Nyanaḅọ Ḅe pịrị, se ori kẹngẹ nwọ tẹkẹmẹ ḅẹḅẹ, Filistia apụma ḅara ḅie ori ọ́ ḍụapakụmaḅịa.”