Jọshụa 22:22 - Kịrịkẹnị Baịbụl

²² “Kụrọmamgba Nyanaḅọ Ḅe anị Tamụnọ Ḅe-ẹ! Ori anị Nyanaḅọ Ḅe-ẹ! Kụrọmamgba Nyanaḅọ Ḅe anị Tamụnọ Ḅe-ẹ! Ori anị Nyanaḅọ Ḅe-ẹ! Wa gose mịn mị mịẹye ó nemimẹ, wa pịkị ḅimẹ ómine sọnị anị nemi! Wa nemikase nyana ḅerenikẹ pịkị Nyanaḅọ Ḅe ḅụ ḅereni nyanakẹ ḅẹḅẹ, ngịsị ó ḅereni ma wa ḍumo!

Jọshụa 22:22 Iomraidhean Croise

1 Amanyanapụ 8:39

inia tẹkẹma naa. Soḅie ị́ya warị ḅie ini poki, siḅụ-ḅarasin ini pịrị, se ḅarachụa ini pịrị. Ị́rị́ kẹngẹ anị tomoniḅọ kuḅie koroma arịye ma nemiye-ẹ. Ọrụ ḅọḅọ gbẹịn ḅara seni nụḅọ na yemịẹ,

Job Ḍiri Mị 10:7

Ị́ nemimẹ na à ḅẹrẹsi nyanakẹ, ị́ ḅaraḅie ị̀ ḍụaḅịaḅọ ofori-ẹ.

Job Ḍiri Mị 23:10

Anịsọ ị̀ya nwẹngị ḅụọ goyegoye Tamụnọ Ḅe ò nemimẹ; ò nemikase ị̀ ḍaḍiki ọkụma, ọ̀ ḍọkịḅo ọrịḅịa na à siyemịẹkẹ.

Job Ḍiri Mị 31:22

anịọkụma ye ị̀ ḅarama anyị; ị̀ya aba ḅụ àrị kanịso.

Fịafịa Nime 136:2

Ọ́ mịẹḅaka se oru mamgba ḅe Tamụnọ Ḅe ḅẹ; oria ḅẹlẹma sime gbasomẹ.

Fịafịa Nime 37:6

ori ị́ya karakaraye mịẹ mị mịẹḅịa anị eneogboin ịrụa ḅịaọkụ ḅịaḅịa.

Fịafịa Nime 40:9

Ị́ya tomoni mamgba koḅiria nyọ, Nyanaḅọ, àrị iḅi ḅẹrẹ mị ḍukomẹ na ị́ wa ḍụamẹ. Ị́ nemimẹ na anị ḍuko mị ḅụ ngịsị à dachịẹ-ẹkẹ.

Fịafịa Nime 44:21

gbarịmaka ḅaraḅụ ị́ ḍọkịḅo ọrịḅịa, anịatịḅị mịna ḅọị koroma ma ị́ nemimẹ.

Fịafịa Nime 44:22

Ọkụma ị́ gose anị ini sịkịmamgba wa ḅaa arịye-ẹ, ini ḅaaḅịa anana ogbo mịẹ ḅara anị ini wa mịẹarị ḅara-ẹ.

Fịafịa Nime 50:1

Kụrọmamgba Nyana Tamụnọ, Nyanaḅọ Ḅe ori ọkwẹịnmẹ; bebe tomonikiri mị ọ̀ nwọ chịnmẹ, ịrụapakapaka nyọ ọkịmun ịrụasọsọ la.

Fịafịa Nime 82:1

Tamụnọ Ḅe anị soḅie ḅẹrẹtọn apụma ḅụ tịḅịdaḅọ-ẹ; oru ma koḅirimanyọ ori anị ḅẹrẹ ḍuko pẹlẹpẹlẹye-ẹ:

Fịafịa Nime 95:3

Anịatịḅị Nyanaḅọ Ḅe opu Tamụnọ-ẹ, oru mamgba ḅụ ori opu amanyanaḅọ-ẹ.

Fịafịa Nime 97:7

Ḅụgerere oru tẹkẹ apụ mamgba tọrụ sọmẹ; oru mamgba Nyanaḅọ Ḅe tọrọkọ tịḅịtumẹ.

Pakaso 18:11

Mịọkụ à nemisam na Nyanaḅọ Ḅe ọ̀ oru mamgba nẹngịmẹ, anịatịḅị Ijipt apụma ini ḅụdekichịẹma Izrẹlapụma pịrị sịkị ḅụ anị ọ̀ mịn mị mịẹye-ẹ.”

Jerimaya 12:3

Ọkụma, Nyanaḅọ, ị́rị́ ị̀ nemimẹ; à mịẹye ị́ ọrịmẹ ị́ pịkị nemimẹ àrị ị́ ḅẹlẹma la ọkụ. Mịna siapụma fọnọsin, se ḅaaḅịa nyọ mun anana fọnọsin ọkụ; ómine àrị koru ọkịmun ini àrị ḅaaḅịa sịkị la.

Jerimaya 17:10

Ị̀rị̀, Nyanaḅọ Ḅe, anị tomoni-a koroma ma ẹnyẹ se tomoni-a kuḅie ma ḍaḍikiye-ẹ. Ọrụḅọḅọ se anga ḅara mị à ḍikima nụḅọ na anga arịye-ẹ, pịkị nụḅọ se yemịẹ ḅara na.”

Danịẹl 11:36

“Siria amanyanaḅọ ḅe ò ḅietọn ḅara ọ̀ nwọ mịẹḅịa. Ori ọḅụ bomaḅịa na ọ̀ oru goyegoye nẹngịmẹ, Geletẹịn Tamụnọ Ḅe sọ. Ori ineda mị ḅara se yemịẹḅịa ọkịmun Tamụnọ Ḅe fomuḅara se ọ̀ pịrịḅịa sịkị laḅịa. Tamụnọ Ḅe ọ̀ tọn gbasịma ọkụ mị ọ̀ mịẹḅịaye-ẹ.

Danịẹl 2:47

Amanyanaḅọ ḅe nwọ ḅẹmẹ, “Ị́ Tamụnọ Ḅe anị oru mamgba ḅụ geletẹịn Tamụnọ Ḅe-ẹ, amanyanapụ mamgba ḅụ Tịḅịnịḅọ-ẹ, pịkịna gbun aye pufinji finjiḅọ-ẹ. Àrị ọkọse anị nemimẹ anịatịḅị ị́ ineda mị gbunye mị nwọ ḍuko ḅelemasam.”

Maịka 7:9

Wa si se Nyanaḅọ Ḅe mịẹsam, anịgose wa kalasịkị se oria ịganị mị inemaḅịa. Ọkụma anịḅe-kuluma ọ̀ wa ḍụaḅịa se ini se wa mịẹ siaye ma tẹlịma karakaramaḅịa. Ọ̀ wa ọkịḅo enekuḅu ḅie chuḅịa; wa ḍumo sime se ọ̀ wa ḍụaḅịa ọkụ wa nwọ ọrịḅịa.

Malakaị 3:18

Ị̀ya tomonima ini pịkị gbọrị sịkị nwọse karakaraye mịẹmịẹ apụma na sitịḅịnyana apụma na ḅụ pakaḅịa kịrịye nwọ ọrịḅịa, anị fịrịnwẹngị ị̀ pịrịpịrịḅọ ḅe na pịkị fịrịnwẹngị ị̀ pịrịpịrịkaḅọ ḅe ḅụ na.”

Jọn Iḅi Ḅẹrẹ Mị 21:17

Tẹrẹ karama sịkị ḅụ Jizọs Ḅe nwọ ḅẹmẹ, “Saịmọn Jọn ya, ị́ ị̀ ḅẹlẹma?” Pita ḅe anị ò ḅieḅẹlẹmakẹ Jizọs Ḅe tẹrẹ karama ò gbelaye gose, “Ị́ ị̀ ḅẹlẹma nọ?” se ọ̀ nwọse ọ̀ ḅẹmẹ, “Nyanaḅọ, ị́ ye mamgba nemimẹ; ị́ nemimẹ na àrị ị́ ḅẹlẹmamẹ!” Jizọs Ḅe nwọse ọ̀ ḅẹmẹ, “Ị̀ya anana awọma ḍikiḍiki.

Okunwẹngịapụ 1:24

Anịsịkị ini tẹkẹmẹ, “Nyanaḅọ, tomoni mamgba kuḅie ị́ nemimẹ. Anịgose mịna mama apụma ḅie ị́ sẹlẹ ọkị ḅọ nwọse wa ḍie,

Okunwẹngịapụ 25:11

À nemikase oloko mị kanmẹ se fị gbẹịnmẹ ḅẹḅẹ, à ḅikẹ anị ị̀ gbarị. Ọkụma ini se ị̀ pụnụmaye ma ḅie kọkọmaye ofori-ẹ ḅẹḅẹ, ineda ị̀ ḅọrọma ini pịrịḅịaḅọ ofori-ẹ. À ḅẹrẹ mị saḅama Siza ḅe pịrịmẹ.”

2 Kọrịntapụ 11:11

À cheye gose mịn mị ḍuko? Àrị ọ́ ḅẹlẹmaka mụnọ? Tamụnọ Ḅe sọ nemimẹ na àrị ọ́ ḅẹlẹmamẹ!

2 Kọrịntapụ 11:31

Nyanaḅọ Jizọs Tamụnọ Ḅe pịkịna Ḍaḅọ Ḅe—ḅẹlẹma sime Oria ẹrẹ mị pịrị gbaso!—ó nemimẹ na àrị iruoaye ḍukokẹ.

2 Kọrịntapụ 5:11

Nyanaḅọ Ḅe ḍikiḅalafa mị fiearịye wa nwọ nemimẹ, anịgose wa ọkwẹịn tomoni pịrị se ini nyana ọkịaḅẹ, Tamụnọ Ḅe ómine nemi karama waraḅẹ, à pịkị tọrụseḍikimẹ na ómine ọ́mịna kuḅiemgbọlụma ḅie iḅiọkụ ị̀ nemi waraḅẹ.

Maịnkarama Oloko 10:17

Nyanaḅọ ọ́mịna Tamụnọ Ḅe ọ̀ oru mamgba nẹngịmẹ, ọ̀ pịkị kụrọ yegoyegoye mamgba na nẹngịmẹ. Ori opuḅọ-ẹ pịkị kụrọ nyanaḅọ-ẹ, pịkị ḍikiḅalafa na iḅi ḅọ-ẹ. Ori aḍụa nyanakẹ, ọ̀ pịkị ọḅụfịfịkẹ.

1 Timoti 6:16

Ori kẹngẹ mị fịfịkaḅọ ḅe-ẹ gbọrịḅọ sọnị ineda kpekima ẹka enekuḅu ḅie anga ḅọ ḅe. Ori ọrịsa ḅọ ma ofori-ẹ, pịkịna ineda ori ọrịḅịa ḅọ ofori-ẹ. Ye osi na simegbaso ḅẹrẹtọn na sime ọ̀ pịrị! Amẹn.

Hibru 4:13

Tamụnọ Ḅe tọrọkọ ineda ḅọịḅịaye ofori-ẹ; yegoyegoye tẹmẹ sịkị ngịsị Ọ̀ tọrụkuḅu ḅụ arị kikimakẹ. Pịkị mịna ḅụ ọrị ḅọḅọ nụḅọ opoli tọn Ọ̀ pịrịḅịa.

Jọshụa 22:21

Rubẹnị na, Gadị na sẹma pịkị Ịrụapakapaka nyọ da Manasẹ sẹ mị na nwọse ịrụasọsọ nyọ da sẹma furo tịḅịnịma pẹkẹrẹmẹ.

Ḍieḅelema Yema 19:16

Mịn anị ini oria koro ḅụchụaye mị ḅụ na, ọ̀ ḅụọfuro na ḅụ gịẹịnye-ẹ, “Amanyanapụ ma ḅe Amanyanaḅọ, pịkị nweni nyanapụma ḅe Nyanaḅọ.”

Ḍieḅelema Yema 2:23

À pịkị árị na nwẹngịapụma ḅaaḅịa. Anịsịkị, anị chọchị mamgba nemiḅịaye-ẹ na, ị̀rị̀ anị tomoniḅọ koroma se iniḅọ tọnye goyegoye nemiḅọ ḅe-ẹ. Ọrụ ḅọḅọ mịẹye ḅụ mị à wẹrị iniḅọ gbẹịnḅịaye-ẹ.

1 Samụẹl 15:23

Nyanaḅereni ọ̀ pịrịka mị, ḅịrịkọn mị si ọkụ anị anị si ọkụ-ẹ, pịkị ḅụdekichịẹma mị orutẹkẹ mị si ọkụ anị anị si ọkụ-ẹ. Nyanaḅọ Ḅe tọn ị́ pịrịye mị ị́ nwọ sịkịmẹ nwọḅẹ ẹrẹchị, ori sọnị ori ị́ sịkịsam amanyana mị ḅụ.”

1 Samụẹl 2:3

Ḅarị ḅụdekichịẹma ọkwẹịn kọnma; yawụma sime ị́ya kpokoro ọkwẹịn ma ḅụ. Anịatịḅị Nyanaḅọ Ḅe ori anị ye sime ọkụ nemi Tamụnọ Ḅe-ẹ, ọ̀ pịkị ḅẹrẹkọn tomonima pịrịḅịa ini mịẹaye ma ḅụ.