Jọshụa 22:18 - Kịrịkẹnị Baịbụl

¹⁸ Mịọkụ ọ́ ḅarị ò ḍukonwẹngị ẹka mọnọ? Ó nemikase mịmgba nyana ḅereni Nyanaḅọ Ḅe pịrịkẹ ḅẹḅẹ, ori ịganị nyana Izrẹl mị ḅie ḅọḅọ pịrịḅịa ḅa ḅụ.

Jọshụa 22:18 Iomraidhean Croise

2 Samụẹl 24:1

Gbọrị sịkị ḅụ Nyanaḅọ Ḅe ọ̀ pịkị Izrẹl ḅụ ịganị nyanamẹ, se ò Devid ḅe mịẹse ọ̀ ḅụfụka ọkịḅo inia ọgọnọ gbanamẹ. Nyanaḅọ Ḅe nwọse ọ̀ ḅẹmẹ, “Mun Izrẹl mị na Juda mị na ḅie tomonima kịẹn.”

1 Amanyanapụ 9:6

Ọkụma, nemikase ị́rị́ anịkanịka ị́ furoḅie apụma ḅarị ị̀ ḍukonwẹngịkẹ, à chụa ọ́ pịrị olokoma na à tọn ọ́ pịrị ayema na ḅịpịpokikẹ, se jịn-a oru ma tẹkẹmẹ ḅẹḅẹ,

2 Amanyanapụ 17:21

Nyanaḅọ Ḅe Juda mị ḅie ḅụ Izrẹl mị pusikima ḅọrọso sịkị, Izrẹlapụma Jeroboam, Nebal yaḅe seni inia amanyanaḅọ mịẹmẹ. Jeroboam ḅe ini mịẹse ini Nyanaḅọ Ḅe sịkịmẹ se ini damun ḅalafama sima ḅie chumẹ.

1 Amanyanapụ Sịkị Mịẹaye Ma 21:1

Oru ḅe ḅimẹ ọ̀ ḅụfụka ọkịḅo Izrẹlapụma ọgọnọ gbana, anịẹrẹchị ò Devid ḅe mịẹse ọ̀ tọnpẹlẹmẹ na ò nweni kịẹnḅịa.

1 Amanyanapụ Sịkị Mịẹaye Ma 21:14

Anịẹrẹchị Nyanaḅọ Ḅe amanwẹngị obi seni bebe Izrẹlapụma gbinmẹ, se inia ḅie nine-a poku na kịnị-a jie ẹndẹ na fịmẹ.

2 Amanyanapụ Sịkị Mịẹaye Ma 25:27

Ọ̀ ḅarị nyanaḅereni Nyanaḅọ Ḅe pịrịka sịkị mị ḅụ sakị, Jerusalẹm ḅie ini ḅẹrẹḅia ọ̀ pịrịpịrịmẹ. Kuluma mị ḅụ ọ̀ mangị so Lekish opuama mị mun mẹ, ọkụma ori-na-tarakapụma ini ò ḍukomun anịju ọ̀ ḅaamẹ.

2 Amanyanapụ Sịkị Mịẹaye Ma 34:33

Amanyanaḅọ Josaya ḅe Izrẹlapụ eke ma ḅie sime ḅụngụngụma oru mamgba ọ̀ kankọsịmamẹ, pịkịna ò sime la ḍin ma ḅie ọ̀ mịẹmẹ ini Nyanaḅọ inia ḅieju-aḍapụma Tamụnọ Ḅe tẹkẹtẹkẹmẹ.

Agbamịẹ Apụ 10:6

Anịsịkị Moziz ḅe nwọse Erọn ḅe na oria owuapụ awọ Ẹleaza ḅe na Itama ḅe na ḅẹmẹ, “Ọ́mịna tịḅị inime ma adalaka ḅaraḅụ ó se koromama, ọ́mịna ḅụchụayema sọnị ọ́ kanma, ọ́ ḅụ se kururu ḅara wẹrịma. Ómine ọkọ mịẹmẹ ḅẹḅẹ, ọ́ fịḅịa, se Nyanaḅọ Ḅe ori ịganị nyana bebe tomoni kpo mị mgba pịrịḅịa. Ọkụma ọ́mịna juo Izrẹlapụ mamgba ini ḅereni ini pịrị se ini mị fị mị gose kururuḅịa, anị Nyanaḅọ Ḅe se sẹịn fịnị mị mịẹye mị.

Kịẹnḅịpị Ma 16:22

Ọkụma Moziz ḅe na Erọn ḅe na inia tọrụ ma se kiri iḅo se nwọ ḅẹmẹ, “Yei Tamụnọ, ị́rị́ anị ḍumo aye mamgba ḅe Tamụnọ Ḅe-ẹ. Gbọrịḅọ mịẹ si gose ị́ bebe tomoni kpo mị mgba ḅụ ịganị nyana ḅe?”

Kịẹnḅịpị Ma 32:15

Ómine Rubẹnị na Gadị na tomonima mịọkụ ò ḍuko nwẹngịkẹ ḅẹḅẹ, ọ̀ pịkị mị piri ele mị ḅie mịna tomoni mamgba se gbin koromaḅịa, anịsịkị, ini kọnḅịa fị mị ḅụ, inia tịḅị pulo ọ́mịna ọgọnọ gbanaḅịa.”

Maịnkarama Oloko 7:4

anịatịḅị ini ọ́mịna awọma dairimaḅịa Nyanaḅọ Ḅe ḅụ, se mun jịn-a oru tẹkẹḅịa. Anị ọkọ pakamẹ ḅẹḅẹ, Nyanaḅọ Ḅe ori ọ́mịna ḅụ ịganị nyana se pịkị ọ́ ḅaasinḅịa anị gbọrị sịkịḅụ.

Jọshụa 22:15

Ini ḅo Giledị ama mị la, se Rubẹnị na, Gadị na, pịkị Ịrụapakapaka nyọ da Manasẹ apụma na dama mun,

Jọshụa 22:16

se Nyanaḅọ Ḅe oria tomoni kpo mị tịḅị gose ọkwẹịn kọn ini pịrịmẹ, ini nwọse ini ḅẹmẹ, “Ó che gose nwọ sime siye mịẹ Izrẹl Tamụnọ Ḅe ḅụ? Ọ́ ḅarị ò ḍuko nwẹngịkẹ!

Jọshụa 22:20

Ekan, Zira yaḅe wa sima-ẹ nwọḅẹ ayema ḅụ ḅịpị poki ḍụkụka ọkụ mị ọ́ nwọse ḅiekoroma; bebe Izrẹl sẹ mị mgba anịa fomuḅara damẹ. Ekan ḅe kẹngẹ oria si mị gose fịkẹ.”

Jọshụa 7:1

Nyanaḅọ Ḅe chụa Izrẹlapụma pịrị na, simaḅịaye goyegoye dekima nwọḅẹ oloko mị ini kokokẹ. Ekan nwọ chịn gbọrị owuḅọ anị oloko mị koromẹ, anịẹrẹchị Nyanaḅọ Ḅe Izrẹl mị ḅụ ori opu ịganị nyanamẹ. (Ekan ḅe Kamaị ya-ẹ se Zabdaị ḅe anị oria opuḍaḅọ-ẹ Zira sẹ ḅie ḅọ-ẹ, anị Juda sẹ mị ḅie ḅụ.)

Jọshụa 7:11

Izrẹl mị anị si mịẹsam! Àrị ini na nyana ḅịpịogbosọ mị ini kansam, anị ini koko à nwọḅẹye mị. Simaḅịaye ma ḅie daye ini nwọ deki ọkịsam. Ini àrị furu se iniaye ma ḅie chụa se, anịaḅụ iruo kọnmẹ.

Jọshụa 7:21

Wa ọfọịn ayema ḅie ḅụ gbọrị ḍikitọrụgbẹịn Babilọn apụ koroḅụchụaye à nwọ ọrịmẹ, seleḅa sọnọ-a okpokpo na, pịkị nangwọ iku gbọrị goli chịn na, anị kele pịkị iḅiọkụma ikumẹ. Àrị ị̀ pụkọsọlịmaso ọkụma àrị àrị dekiọkịmẹ. Ómine àrị ọrịḅịa ị̀ya ikowarị mị ḅie à àrị soku ḍipi anga ḅụ seleḅa mị chuku damẹ.”

1 Samụẹl 12:14

Yemamgba ómine na iḅiḅịa ó nemikase Nyanaḅọ ọ́mịna Tamụnọ Ḅe osi, fịrịnwẹngị ọ̀ pịrị, ọ̀ ḅịpị poki, se oria olokoma koko pịkị nemikase ómine na ọ́mịna amanyanaḅọ ḅe na ò ḍukonwẹngịmẹ ḅẹḅẹ.

1 Samụẹl 12:20

“Ọ́ ḅalafama,” Samụẹl ḅe nwọse ini ḅẹmẹ. “Ọ́ nwọ sime siye mịẹsam nwọḅẹ sọnị, Nyanaḅọ Ḅe ḅụ ọ́ ḅarasinma, ọkụma ómine ó kuḅie mgba se fịrịnwẹngị ọ̀ pịrị.