Jọshụa 21:1 - Kịrịkẹnị Baịbụl

¹ Livaị furo ḅe tịḅịnịma so Ẹleaza agbamịẹḅọ ḅe na, Jọsụwa Nọn yaḅe na, pịkị Izrẹl awọ mamgba ḅie sime sẹma ḅie tịḅịnịma na damamunmẹ.

Jọshụa 21:1 Iomraidhean Croise

Chukusakị 49:7

Worinime sime inia akụ kuḅie mị pịrị, anịatịḅị anị opuma ḅalafamamẹ, Pịkị sime inia owoi mị na pịrị, anịatịḅị simịẹmịẹye-ẹ. Àrị ini galagalamaḅịa Izrẹl sẹ mị ḅie. Anịa tomonima ḅie àrị ini galagalamaḅịa.

Pakaso 6:14

Rubẹnị, Jekọb tatarị owutọkụ ḅe, inein-a owuapụ awọ ọ̀ nwọ yimẹ. Henọk ḅe na, Palu ḅe na, Hẹzrọn ḅe na pịkị Kamaị ḅe na; ini ma anị inia ḅieju-aḍapụma ẹrẹ ma fị sẹ ma-ẹ.

Pakaso 6:25

Ẹleaza, Erọn yaḅe, Putiel, eremeni awọma ḅụ gbọrịḅọ na simemẹ, se Fịnehas ḅe á nwọ yi ọ̀ pịrịmẹ. Mịnapụ ma anị Livaị sẹ mị ḅie furoma na pịkị arịa sẹma na tịḅịnị ma-ẹ.

Kịẹnḅịpị Ma 35:1

Moab ḅele sẹrẹrẹ ele mị ḅie Jọdan mị ḅụ saḅamanga ḅụ, Jẹriko mị ḅụ ḅoarị ọkụma, Nyanaḅọ Ḅe nwọse Moziz ḅe ḅẹmẹ,

Kịẹnḅịpị Ma 35:8

Livaị apụ opuamama gbọrị sẹ gbọrị sẹ ḅie la-ọkụ anị anịa eke mị pịkị kịẹnma finjima laḅịa ọkụ-ẹ. Ḍụḅa sẹma pịkị ḍụḅa ye se ini pịrị, kala sẹma pịkị kala ye se ini pịrị.”

Jọshụa 14:1

Mị anị Izrẹlapụma Jọdan ḅụ ịrụasọsọ nyọ daọrụ ḅụ Kenan mị ḍiama inia ḅụ pịrị ọkụ mị-ẹ. Ẹleaza agbamịẹḅọ ḅe na, Jọsụwa, Nọn yaḅe na, pịkị furo tịḅịda apụma na, Izrẹl mị ḅie furofuro ḅụ ini paka ḅaraḅụ ama mị ḍie tomonima pịrịmẹ.

Jọshụa 17:4

Ini so Ẹleaza agbamịẹḅọ ḅe na Jọsụwa Nọn yaḅe na, pịkị tịḅịnịma na damamun se nwọse ini ḅẹmẹ, “Nyanaḅọ Ḅe tọn Moziz ḅe pịrịmẹ na mịna mịnapụ owuapụma, ḍiekiri ama mị ḅie nwọ nyana ọkụ mị, mine sọnị ọkọ seni ḍiekiri nwọ nyana.” Anịẹrẹchị Nyanaḅọ Ḅe tọnsa ḅaraḅụ, inia mịnapụ owuapụma ḍiekiri nyana ọkụ mị, ini sọnị inia ḍiekiri se ini pịrịmẹ ama mị ḅie ḅụ.

Jọshụa 19:51

Ẹleaza agbamịẹḅọ ḅe na, Jọsụwa Nọn yaḅe na pịkị Izrẹl furoma ḅie sime awọma ḅụ tịḅịnịma na anị kiri mị ḅụ mịna pẹkẹrẹ mamgba ḍiaye-ẹ anị ini ịkịan wakị Nyanaḅọ Ḅe ḅịpị gbela ḅụ Shịlo mị ḅie, Nyanaḅọ Ḅe pakaḅoḅo Ikowarị mị ḅọkọ ḅụ. Mị ḅara mị ḅụ ini kiri mamgba ḍie karamamẹ.