Jọshụa 20:8 - Kịrịkẹnị Baịbụl

⁸ Jọdan mị ḅụ ịrụapakapaka nyọ daọrụ ḅụ, Jẹriko gele onwun ele sẹrẹrẹ kiri mị ḅụ ịrụapakapaka nyọ daọrụ, ini Biza mị sẹlẹ sikimamẹ Rubẹnị eke mị ḅụ; Remọt Giledị mị na, Gadị eke mị ḅụ; pịkị Golan mị na Bashan mị ḅie, Manasẹ eke mị ḅụ.

Jọshụa 20:8 Iomraidhean Croise

1 Amanyanapụ 22:6

Anị Ehab ḅe ịkịankoroapụma chịnḅoye-ẹ, ini kịnị ẹndẹ pembeye nwọ laḅịa, se nwọse ini gbelamẹ, “Remọt mị à mun owu seni anị paka, mọnọ se à munma?” Ini nwọse ọ̀ pẹkẹrẹmẹ, “Owu seni anị paka.” “Nyanaḅọ Ḅe ori ọmụḅaraiḅi seni ị́ pịrịḅịa.”

2 Amanyanapụ 8:28

Ehaziya Juda Amanyanaḅọ ḅe mun Joram Izrẹl Amanyanaḅọ ḅe ḅụsọ se Hazaẹl Siria Amanyanaḅọ ḅe na ọmụgbinmẹ. Ọmụogbo ma Remọt Giledị mị ḅie bịamamẹ, se Joram ḅe ọmụ mị ḅie ye ọ̀ lamẹ.

1 Amanyanapụ Sịkị Mịẹaye Ma 6:78

Rubẹnị eke mị ḅụ: Jọdan Tọrụ mị ḅụ ịrụapakapaka nyọ daọrụ ḅụ Jẹriko mị ḅọrọ Biza sẹrẹrẹ tụndụma ọgọnọ, Jaza mị na,

1 Amanyanapụ Sịkị Mịẹaye Ma 6:80

Gadị eke mị ḅụ: Remọt, Giledị ḅụ simeye mị na, Mahaneim mị na,

Maịnkarama Oloko 3:10

Ọg, Bashan Amanyanaḅọ ḅe sẹ mị mgba wa ọkịmẹ: tịḅị ọgọnọ finjima tụndụ mị ọgọnọ ḅụ sime opuamama na, Giledị na Bashan na sẹma na, pịkị ịrụapakapaka nyọ daọrụ mị ḅụ ọkịmun Saleka mị na Edreị mị na la.”

Maịnkarama Oloko 4:43

Biza mị sime Rubẹnị sẹ apụma pịrịmẹ, onwun ele mị ḅie gele sẹrẹrẹ kiri mị ọgọnọ sime opuama mị; Remọt mị Giledị mị ḅie sime opuama mị sime Gadị sẹ apụma pịrịmẹ, anịsịkị Golan mị Bashan mị ḅie sime opuama mị sime Manasẹ sẹ apụma pịrịmẹ.

Jọshụa 20:7

Anịẹrẹchị, Jọdan mị ḅụ ịrụasọsọ nyọ daọrụ ḅụ ini Kedẹsh mị sikima koromamẹ Galili mị ḅie, anị Naftalaị chịngị ọgọnọ sẹ mị ḅie; Shẹkẹm mị na Ifrem chịngị ọgọnọ sẹ mị na ḅie; pịkị Hibrọn mị na, Juda chịngị ọgọnọ sẹ mị ḅie.

Jọshụa 20:9

Mà opuamama anị ini sẹlẹ sikima koroma tịḅịḅọịḅịa ama ma-ẹ Izrẹlapụma na pịkị inia ḅie anga igoniapụma na pịrịye-ẹ. Bẹkẹma ḅaraḅụ nweni ḅaaḅọ goyegoye ineda mun anịju ḅụ ịnyasọḅịa, sowuḅiḅịa ẹrẹchị ḍọkịarịḅọ ḅe ọ̀ ḅaa ẹka ḅara; ini ḅelema ḅẹrẹkọn ọ̀ pịrịka simeogbo ini ọ̀ ḅaa ẹkẹ.

Jọshụa 21:27

Livaị apụma inia jịn gbọrị kpo, anị Gashọn sẹ mị, Ịrụapakapaka nyọ da Manasẹ eke mị ḅụ mama opuama ini nwọ ọkịmẹ: Golan Bashan mị ḅie simeye mị (tịḅịḅọịḅịa gbọrị opuama) na, pịkị Bieshtira mị na, inia namama fịfịḅịa osuein kirima na.

Jọshụa 21:36

Rubẹnị eke mị ḅụ inein-a opuama ini nwọ ọkịmẹ: Biza na, Jehaz na,

Jọshụa 21:38

Gadị sẹ mị ḅụ inein-a opuama ini nwọ ọkịmẹ: Remọt Giledị mị ḅie simeye mị na, inia namama fịfịḅịa osuein kirima na (tịḅịḅọịḅịa gbọrị opuama) na, Mahaneim na,