Jọshụa 20:7 - Kịrịkẹnị Baịbụl

⁷ Anịẹrẹchị, Jọdan mị ḅụ ịrụasọsọ nyọ daọrụ ḅụ ini Kedẹsh mị sikima koromamẹ Galili mị ḅie, anị Naftalaị chịngị ọgọnọ sẹ mị ḅie; Shẹkẹm mị na Ifrem chịngị ọgọnọ sẹ mị na ḅie; pịkị Hibrọn mị na, Juda chịngị ọgọnọ sẹ mị ḅie.

Jọshụa 20:7 Iomraidhean Croise

Chukusakị 23:2

Kenan ḅie sime Hibrọn ama mị ḅie anị á sime fịye-ẹ, Ebraham ḅe árịa fịḅụ ò kururu á pịrịmẹ.

1 Amanyanapụ 12:1

Rihoboam ḅe ò so Shẹkẹm mun mẹ, anị bebe ọgọnọjuda Izrẹlapụ mamgba ò se amanyanaḅọ kunḅịa ẹrẹchị koḅirima sime nyọ mị.

1 Amanyanapụ Sịkị Mịẹaye Ma 6:76

Naftalaị eke mị ḅụ: Kedẹsh Galili ḅie simeye mị na, Hamọn mị na, pịkị Kiriateim mị na.

2 Amanyanapụ Sịkị Mịẹaye Ma 10:1

Rihoboam ḅe ò so Shẹkẹm mun mẹ, anị bebe ọgọnọ ọrụ da Izrẹlapụ mamgba koḅirima sime se ò se amanyanaḅọ kunḅịa nyọ mị.

Kịẹnḅịpị Ma 35:6

Sime ḅọịḅịa sonio opuama ị́ nwọse Livaịapụ ma pịrịḅịa anị nemikase tomoniḅọ bẹkẹma nweniḅaa ọkụma nụḅọ ineda mangị mun ḅọịḅịa anga. Opuama ma ḅụ mesi maịn fịnjị ị́ nwọse chụa ini pịrịḅịa

Luk Iḅi Ḅẹrẹ Mị 1:39

Anị mị ḅo ḅọrọ kirikiri, Meri ma á ḅụkarakarama se be paka Judia sẹ mị ḅie sime chịngị mị ḅie gbọrị ama nwọ mun mẹ.

Maịnkarama Oloko 19:9

ọ́ pịkị jịn tẹrẹ-a opuama nwọ sẹlẹ sikima. (Mịn ama mị ò se ọ́ pịrịḅịa nemikase mịmgba à tọn ọ́ pịrịye goyegoye ọ́ nwọ mịẹmẹ, ọ́ pịkị Nyanaḅọ ọ́mịna Tamụnọ Ḅe ḅẹlẹmamẹ, se ò se ó tetemayema sime ḅara se ḍumo kọnmẹ ḅẹḅẹ.)

Maịnkarama Oloko 4:41

Anịsịkị Moziz ḅe tẹrẹ-a opuama ọ̀ nwọ sikima koromamẹ Jọdan Tọrụ mị ḅụ ịrụapakapaka nyọ daọrụ ḅụ,

Jọshụa 12:22

Kedẹsh mị na, Jokneam (Kamẹl mị ḅie sime sẹ mị na),

Jọshụa 14:15

Tatarị sịkị mị ini nwọse Hibrọn mị chịnmẹ, Aba opuama. (Aba ḅe anị Anakim apụ mamgba ḅie opuḅọ ḅe-ẹ.) Mịọkụ ama mị ḅie deinma pakasam.

Jọshụa 15:13

Nyanaḅọ Ḅe tọn Jọsụwa ḅe pịrị ḅaraḅụ, Juda eke mị ḅụ gbọrị pẹkẹrẹ ọ̀ nwọse Kelẹb, Jẹfunẹ yaḅe pịrịmẹ, anị Juda furo ḅieḅọ ḅe. Ori Hibrọn mị ọkịmẹ anị Aba ḅe oria opuama mị, anị Anak ḍa ḅe.

Jọshụa 19:35

Ini nama kụrọma opuamama anị Zidim na, Za na, Hamat na, Rakat na, Kinerẹt na,

Jọshụa 19:36

Adama na, Rema na, Hezọ na,

Jọshụa 19:37

Kedẹsh na, Edreị na, Ẹnhazọ na,

Jọshụa 20:8

Jọdan mị ḅụ ịrụapakapaka nyọ daọrụ ḅụ, Jẹriko gele onwun ele sẹrẹrẹ kiri mị ḅụ ịrụapakapaka nyọ daọrụ, ini Biza mị sẹlẹ sikimamẹ Rubẹnị eke mị ḅụ; Remọt Giledị mị na, Gadị eke mị ḅụ; pịkị Golan mị na Bashan mị ḅie, Manasẹ eke mị ḅụ.

Jọshụa 21:11

Aba opuama mị ini nwọse ini pịrịmẹ (Aba ḅe anị Anak ḍaḅe-ẹ), mịọkụ ini nwọse anị chịnmẹ Hibrọn, Juda chịngị ọgọnọ sẹ mị ḅie ḅụ, pịkị anị kelema namama fịfị osuein kiri mị na.

Jọshụa 21:13

Erọn, agbamịẹḅọ ḅe furo ḅie apụma (tịḅịḅọịḅịa gbọrị opuama) ini nwọse Hibrọn mị ḅụ chụa ini pịrịmẹ, pịkịma opuamama na: Libna,

Jọshụa 21:21

Inein-a opuama ini nwọse ini pịrịmẹ: Shẹkẹm mị na inia namama fịfịḅịa osuein kirima na, Ifrem chịngị ọgọnọ sẹ mị ḅie ḅụ (tịḅịḅọịḅịa gbọrị opuama) na, Gaza mị na,

Jọshụa 21:32

Naftalaị eke mị ḅụ tẹrẹ-a opuama ini nwọ ọkịmẹ: Kedẹsh Galili mị ḅie simeye mị na, inia namama fịfịḅịa osuein kirima na (tịḅịḅọịḅịa gbọrị opuama) na Hamọt Do mị na, pịkị Katan mị na, inia namama fịfịḅịa osuein kirima na.

Jọshụa 24:1

Gbọrị ene Shẹkẹm mị ḅie Jọsụwa ḅe Izrẹl sẹ mamgba chịn koḅirimamẹ. Ọ̀ sẹnịapụma chịnmẹ, tịḅịnịma na, ḅẹrẹkọn apụma na, pịkị Izrẹl mị ḅie fịrịtịḅịdapụ ma na, se ini ḅo Tamụnọ Ḅe tọrụkuḅu ḅụ iniaḅụ ḍiepakụmamẹ.

Bẹrẹkọn Apụ 9:1

Gidiọnị ya Abimẹlẹk ḅe ò so Shẹkẹm ama mị mun mẹ, anị nyọngọrọma mịnapụ mamgba anga nyọ mị, se ọ̀ nwọse ini ḅẹmẹ