Jọshụa 2:4 - Kịrịkẹnị Baịbụl

^4-6 Á nwọse ọ̀ pẹkẹrẹmẹ; “Kọkọmaye ḅụ owuapụ ị̀ya warị ḅomẹ,” “ọkụma ini sime ḅo nyọ à nemikẹ. Saso ḅiri ḅụ opuama mị onu ḅọkọ mị ma palịka simeogbo ini pakasomẹ. Ini mun-arị anga à nemikẹ, ọkụma ó nemikase be ini ḍukomẹ ḅẹḅẹ ómine ineda ini kunḅịa.” (Ọkụma Rehab ma ini mama ama ẹnyẹ apụma se ochu mị ọgọnọ, á se ise koroma osueinma chuku ḅie ḅọịmẹ.)

Jọshụa 2:4 Iomraidhean Croise

2 Amanyanapụ 6:19

Anị Ịlaịsha ḅe ini damamun se nwọ ḅẹye-ẹ, “Ómine ateli irisam; mị ọ́ ḍọkịarị ama mị anịkẹ. Ómine ị̀ ḍuko àrị ómine se ọ́ ḍọkịarịḅọ ḅe damamunḅịa.” Se ori ini seni Sameria mị mun mẹ.

Pakaso 1:19

Ini nwọse ọ̀ pẹkẹrẹmẹ, “Hibru eremeni ma na Ijipt eremeni ma na gbọrị ḅarakẹ; sịkịfamaka ḅaraḅụ ini deinma yiyimẹ, se mịna ḅụ gbọrịḅọ sọnị ma mun laka simeogbo ini inia awọma yikoroma-koromamẹ.”

Jems 2:25

Anị anị pịkị Rehab amanwẹngị eremeniḅọ ma ḅụ simeọkụ mị-ẹ. Arịa fịrị ḅụ á ḅọrọ Tamụnọ Ḅe na ḅẹrẹfamasaḅọ nwọ sọmẹ, anị ama ẹnyẹ Izrẹlapụma daọkị se ḅarachụa ini pịrị se ini jịn ateli ḅụ ḅọrọ se so ye mị gose.

Jọshụa 2:3

anị ọ̀ ḅịpị se Rehab ma fịrịma se nwọse á ḅẹmẹ; “Ị́ya warị ḅie sime owuapụma, ḅo bebe sẹ mị mgba ẹnyẹḅịa ẹrẹchị ini ḅomẹ! Ini ọkị pakụma ḅo!”

Jọshụa 6:17

Opuama mị na anịa ḅie sime aye mamgba wa simafamaḅịa se agbamịẹ Nyanaḅọ Ḅe pịrịḅịa ẹrẹchị. Rehab sẹ fị ḅọ ma na arịa warị kpo mị na kẹngẹ anị ḅarala-ẹkaye-ẹ, anịatịḅị mịna tomoni ama ẹnyẹ apụma á nwọ ḅọịmẹ.

Jọshụa 6:25

Ọkụma Jọsụwa ḅe ò Rehab sẹ fị ḅọ ma na pịkị á paka furo apụ mamgba wẹrịsomẹ, ọ̀ ḅara se ini lamakẹ, anịatịḅị ò se Jẹriko mị fịrịma mama ama ẹnyẹ apụ árị ini se ḅọịmẹ. (Á furo ḅie apụma Izrẹl mị ḅie ini anga ḅo mịmgba la waraḅẹ.)