Jọshụa 2:3 - Kịrịkẹnị Baịbụl

³ anị ọ̀ ḅịpị se Rehab ma fịrịma se nwọse á ḅẹmẹ; “Ị́ya warị ḅie sime owuapụma, ḅo bebe sẹ mị mgba ẹnyẹḅịa ẹrẹchị ini ḅomẹ! Ini ọkị pakụma ḅo!”

Jọshụa 2:3 Iomraidhean Croise

Chukusakị 38:24

Tẹrẹ-a akalụ pembemaye ḅo ḅọrọ sịkị, gbọrịḅọ ḅo ḍuko Juda ḅe pịrịmẹ, “Ị́ya tọkụ ḅe tarọ Tema ma á sẹfị nwẹngị kọnse mịọkụ ḅo simekọnsam.” Juda ḅe ọ̀ kụrọ pịrịmẹ, “Árị ọkịpakụmaḅo se á dọkịma ḅaa.”

Chukusakị 42:31

‘Mine ama ẹnyẹ apụkẹ,’ wa nwọse ọ̀ pẹkẹrẹmẹ, ‘mine kọkọma tomoni-ẹ.

2 Samụẹl 10:3

Amọn tịḅịnịma nwọse amanyanaḅọ ḅe ḅẹmẹ, “Osi seni ị́ ḍaḅe pịrịḅịa ẹrẹchị Devid ḅe mịnapụma se fịrịmamẹ ị́ nwọ chịn, na iniḅo ori ị́ ḅụ sọ ngịrị ọkụ mị ḍuko ị́ pịrị-ẹ? Ngịsị ọkọkẹ! Ama-ẹnyẹ-apụ ḅaraḅụ ori ini se fịrịmamẹ, mịẹse opuama mị ini nwọ ẹnyẹ kelema, se ori ineda wa nẹngịmaḅịa ọkụ!”

2 Samụẹl 17:20

Absalọm ḅe oria tịḅịnị fịrịnwẹngịapụma ḅo warị mị la se nwọse eremeniḅọ ma gbelamẹ, “Ahimeaz ḅe na Jonatan ḅe na ndeju ini omi.” “Ini tọrụ mị saḅamẹ,” á nwọse ini pẹkẹrẹmẹ. Owuapụma ini ḍọkịmẹ ọkụma ini ineda ini ḍọkịḅokẹ, anịẹrẹchị ini vinpịkịso Jerusalẹm mị mun mẹ.

1 Amanyanapụ Sịkị Mịẹaye Ma 19:3

Amọn apụ tịḅịnịma nwọse amanyanaḅọ ḅe ḅẹmẹ, “Osi se ị́ ḍa ḅe pịrị gose Devid ḅe mịna apụma fịrịmaḅo oria tịḅịfoin mị ḍiepakụma ị́ pịrị-ẹḅomẹ ị́ nwọ chịn? Ngịsị! Ori ini seni mịnyọ fịrịmamẹ na ini ḅo ama mị ẹnyẹ, se ama mị nwẹngị kelema mịẹse ori anị kanḅịa ọkụ!”

Job Ḍiri Mị 21:30

Anị ene Tamụnọ Ḅe ịganị se fomuḅara se nweni pịrị sịkị, sitịḅị nyanaḅọ ḅe anị sịkịmamgba si ḅụ ḅarasin pịrị nyana nyanaye.

Agbamịẹ Apụ 24:14

“Oriḅọ ḅe ó pike ịnyọsara sime anga mị ḅụ ori ọkị paka. Ò nime mị wori sịkị naaḅọ naaḅọ ḅara se tomoniḅọ ḅe tịḅị gbana se ḍuko pakụma na ḅẹrẹ ọ̀ ḅarasimẹ, anị sịkị bebe Izrẹl sẹ mị mgba imgbele se ò gbin ḅaaḅịa.

Jọn Iḅi Ḅẹrẹ Mị 19:4

Paịlet ḅe pịkị gbọrị sịkị se pakamun se nwọse tomonikpo mị ḅẹmẹ, “Ḍiki, àrị ọ̀ pakụmaḅo ọ́ pịrịḅịa, mịẹse ó nemi na à gose ḅẹrẹsi pẹlẹ ọ̀ pịrịḅịaye à nwọ ọrịkẹ.”

Okunwẹngịapụ 12:4

Ini Pita ḅe kun so sịkị ini ò se ikoli ḅie chumẹ, anịju ḅụ anị ini ọ̀ ḅọrọma owuni inein-a kiri nwọ pịrịye-ẹ, gbọrị kiri inein-a owuni inein-a owuni sime nyọ. Hẹrọd ḅe tọnmẹ na Saḅaḅọrọ Alalị mị ḅọrọ sịkị ori amaogbo ḅẹrẹkọn ọ̀ pịrịḅịa.

Okunwẹngịapụ 12:6

Hẹrọd ḅe ikoli ḅie ọ̀ pakụmaḅo tomonima pịrịḅịa ḍin mị ḅie, Pita ḅe mama ḍin koruapụ ogboku mọnọ simemẹ. Ini mama ikoli seni ori ịkasịmẹ, mama ḍin koruapụ pịkị ikoliapụ onu ḅọkọ omi-ẹ.

Jọshụa 10:23

Ini pokolo mị finji se Jerusalẹm mị na, Hibrọn mị na, Jamọt mị na, Lekish mị na, pịkị Ẹglọn mị na amanyanapụma ọkị pakụmaḅomẹ

Jọshụa 2:2

Ini ḍuko Jẹriko amanyanaḅọ ḅe pịrịmẹ na Izrẹlapụ anị ḍin mị ḅie ḅo sẹ mị ẹnyẹ-o ḅomẹ,

Jọshụa 2:4

Á nwọse ọ̀ pẹkẹrẹmẹ; “Kọkọmaye ḅụ owuapụ ị̀ya warị ḅomẹ,” “ọkụma ini sime ḅo nyọ à nemikẹ. Saso ḅiri ḅụ opuama mị onu ḅọkọ mị ma palịka simeogbo ini pakasomẹ. Ini mun-arị anga à nemikẹ, ọkụma ó nemikase be ini ḍukomẹ ḅẹḅẹ ómine ineda ini kunḅịa.” (Ọkụma Rehab ma ini mama ama ẹnyẹ apụma se ochu mị ọgọnọ, á se ise koroma osueinma chuku ḅie ḅọịmẹ.)

Bẹrẹkọn Apụ 4:20

Anịsịkị ọ̀ nwọse á ḅẹmẹ, “Ikowarị mị ḅọkọ ḅụ chịẹ, se nemikase nweniḅọ ḅo ị́ gbela na mịanga nweni ominọ ḅẹḅẹ, nwọḅẹ ẹn-ẹn.”