Jọshụa 2:24 - Kịrịkẹnị Baịbụl

²⁴ se nwọ ḅẹmẹ, “Wa iḅiọkụ nemimẹ na Nyanaḅọ Ḅe bebe sẹ mị mgba ò se wa pịrịsam. Anịju ḅụ sime apụ mamgba ḅalafa inia ḅụ sọsam mine gose.”

Jọshụa 2:24 Iomraidhean Croise

Pakaso 15:15

Idọm mị anịa tịḅịdapụ ma inia ḅụgbiripumẹ; Moab mị anịa kụrọnị ma inia ḅụgeregere aḅẹ; Kenan apụma ini ḅarị kuḅie kụrọ nyanakẹ.

Pakaso 23:31

Ọ́mịna ama mị ḅie eke ma à ye se arịa ḅụ chụaḅịa. Akaba Ọpọ mị ḅụ sakị mun Mẹditirenia Tọrụ mị la pịkị onwun ele mị ḅụ sakị mun Yufretis Tọrụ mị la. Ó se ama mị ḅie anga apụma nẹngịmaḅịa kụrọ à nwọse ọ́ pịrịḅịa, ọ́ pịkị ini desinḅịa ómine ọmụ mị gbinma-muarị sịkị.

Kaḅo Ma 25:13

Kuḅie se ḅụgbana gbẹịn fịrịnwẹngịḅọ ḅe ori ịnyọ se fịrị se ọ̀ fịrịmaḅọ ḅe pịrịmẹ, anị ene ọfịrị sịkị fịaye soku sịkị ḅụ ḅo oḅoku mengi sime ọkụ simemẹ.

Jọshụa 1:8

Ọrị na oloko ḍiri mị, ọ́ tẹkẹ sịkị goyegoye ómine anị gomẹ. Anị ḍawọ, ḍin-na-enekaka na ḅụ, pịkị ọrị na anịa ḅie gịẹịn koromaye goyegoye ó kokomẹ. Anịsịkị ọ́ lọkọlọkọḅịa, ye pịkị ómine na iḅiḅịa.

Jọshụa 2:23

Se mama ama ẹnyẹ apụma chịngịma ọgọnọ ḅụ koroḅo tọrụ mị saḅa, se so Jọsụwa ḅe damamunmẹ. Pakaye goyegoye ini ḍuko ọ̀ pịrịmẹ,

Jọshụa 5:1

Amọraị amanyanapụ mamgba, anị Jọdan mị ḅụ ịrụasọsọ nyọ daọrụ mị ḅụ anga apụma na, pịkị Kenan amanyanapụ mamgba na, anị Mẹditirenia Opu Tọrụ mị anga sịkị ḅụ anga apụma na, naamẹ na Nyanaḅọ Ḅe Jọdan mị samịnamamẹ se Izrẹlapụma saḅa ḅọrọmẹ nwọḅẹye mị. Inia ḅalafamẹ, inia kuḅie taịntaịnmẹ pịkị inia ḅụ lọkọmẹ Izrẹlapụma gose.

Jọshụa 6:2

Se Nyanaḅọ Ḅe nwọse Jọsụwa ḅe ḅẹmẹ, “à mịẹḅịa Jẹriko mị na anịa amanyanaḅọ ḅe na pịkị kụrọ kuḅie nyana owuni mamgba na ị́ nwọ inuma.

Jọshụa 8:1

Nyanaḅọ Ḅe nwọse Jọsụwa ḅe ḅẹmẹ, “Owuni mamgba ọkị ị́ ḅụchụa se ini na so Eaị ama mị mun. Ḅalafama pịkị kuḅie lọkọmama. Àrị anị mịẹ sarasarama ị́ pịrịḅịa ị́ Eaị amanyanaḅọ ḅe nẹngịmaḅịa; oria tomonima na, opuama mị na, pịkị amakiri mị na ị́yaye sọḅịa.

Bẹrẹkọn Apụ 1:2

Nyanaḅọ Ḅe nwọse ini pẹkẹrẹmẹ, “Juda sẹ mị tatarị munḅịa. Ama mị à se inia ḅarachụa aḅẹ.”

Bẹrẹkọn Apụ 18:10

Ó mun lasịkị ómine ọrịḅịa na inia ḅie ye tọnkẹ. Karakarama opu sẹ-ẹ; tomoniḅọ ḅụ palịmaye goyegoye anị nyanamẹ se Tamụnọ Ḅe ori anị seni ọ́ pịrịsam.”

Bẹrẹkọn Apụ 7:9

Anị ḍin mị ḅie Nyanaḅọ Ḅe nwọse Gidiọnị ḅe ḅẹmẹ, “Sịsẹ owu se ini pike sime ikowarịma paka; à mịẹ sarasarama ị́ pịrịse ị́ ini nẹngịmaḅịa.