Jọshụa 2:14 - Kịrịkẹnị Baịbụl

¹⁴ Owuapụma nwọse á ḅẹmẹ, “Ye Tamụnọ Ḅe mịna ḍumo ma ọkị wa nemikase wa ḍukoye mị nwọ mịẹkẹ ḅẹḅẹ! Ị́ nemikase mịanga wa nwọ kọn àrị nwẹngị mị ḅẹlẹma gbọrịḅọ sọnị pịrịkẹ ḅẹḅẹ, wa yeḅereni ị́ pịrịmẹ na Nyanaḅọ Ḅe mị ama mị se wa pịrịsa ḅẹḅẹ, wa iḅiọkụma ị́rị́ na angaḅịa.”

Jọshụa 2:14 Iomraidhean Croise

Chukusakị 24:49

Mịọkụ ó nemikase ọ́ mịẹḅịaye ḅụ ị̀ nyanaḅọ ḅe ḅiye mịẹḅeinma pịkị iḅiọkụma ò ḅerenimẹ ḅẹḅẹ, sisi ó ḍuko ị̀ pịrị, pịkị iḅi-ẹkẹ ḅẹḅẹ ó ḍuko à pịkị mịẹḅịa ọkụ nemi.”

Chukusakị 47:29

Ọ̀ fịḅịa sịkị kpeki sịkị, ori oria tọkụ Josẹf ḅe chịn se ọ̀ ḅẹmẹ, “Ị́ ḅara se ị̀ ḅụọ ọpọkụrụ ḅie chu se ḅụ iderima ḅaraḅụ yekarịfị ị̀ pịrị na Ijipt ḅie ị́ ị̀ ḍipi ẹkẹ.

2 Samụẹl 2:5

ori okumun-apụ se ini fịrịma se nwọ ḅẹmẹ: “Ye Nyanaḅọ Ḅe ọ́ ḅẹlẹma ọ́ nyana ḅereni ọ́mịna amanyanaḅọ ḅe pịrị se ò ḍipiye gose.

2 Samụẹl 2:6

Ye Nyanaḅọ Ḅe mịọkụ iḅi se ọ́ mịẹ pịkị kuḅie se ḅụgbana gbẹịnḅọ sọ ọ́ pịrị. Ị̀rị̀ sọnị àrị iḅianga se ómine na kọnḅịa ọ́ mịẹye mị gose.

2 Samụẹl 9:1

Gbọrị ene ḅụ Devid ḅe gbelamẹ, “Sọl furo mị ḅie kọn gbọrịḅọ kpaịnma omi? Nemikase kọnḅọ omi-ẹ ḅẹḅẹ àrị iḅi se anịḅọ mị mịẹḅịa Jonatan ḅe gose.”

1 Amanyanapụ 20:39

Amanyanaḅọ ḅe ḅọrọarị sịkị ḅụ, ịkịankoroḅọ ḅe ọ̀ chịn se nwọ ḅẹmẹ, “Ị́ya opu ḅụ, ọmụ mị ḅie àrị owusọ arịogbo anị gbọrị owuniḅọ, ini kun mine na tarakaḅọ se ḅo ị̀ pịrị se nwọ ḅẹmẹ, ‘Ḅeḅọ ḅe ḍikiḍiki; nemikase ori ị́ ḅara pẹlẹma somẹ ḅẹḅẹ, ị́ ḍumo anị ị́ seni anị gbẹịnḅịaye-ẹ, anịkanịka seleḅa pẹkẹrẹ-a sọnọma ẹndẹ oyiasi fịnjị ị́ nwọ gbẹịnḅịa.’

Kaḅo Ma 14:22

Jịn apụ kuḅie se ị́ ḅụgbanaḅịa, ini pịkị ị́ osiḅịa, ị́ nemikase iḅi gose fịrịnwẹngị nwẹngịmẹ ḅẹḅẹ, ị́ nemikase si fịrịnwẹngị nwẹngịmẹ ḅẹḅẹ anị ị́ yemịẹ irimaḅẹ.

Kaḅo Ma 18:24

Tọn-a ikia ḅọlọsịkị lalakẹ, ọkụma tọn-a ikia àrị iḅitẹịn mịna nẹngịmẹ.

Matio 5:7

Ḅieḅẹlẹ sime ini pịrịmẹ nwọ ḍikiḅụgerere nyana jịn apụ pịrịarịapụma; Tamụnọ Ḅe ò ḍikiḅụgerere nyana ini pịrịḅịa!

Okunwẹngịapụ 23:22

Owuni ḅẹrẹtọnḅọ ḅe nwọ ḅẹmẹ, “Ḍuko gbọrịḅọ sọnị pịrị ma na mịn mị ị́ ḍuko ị̀ pịrịsam, nwọ ḅẹye mị.” Se ori asẹmẹnịḅọ ḅe ḅẹ se ò somẹ.

Jọshụa 2:13

Ó yeḅereni ị̀ pịrị na ómine ị̀ ḍaḅe na ị̀ nyengima na ḍụaḅọrọmaḅịa, ị̀ya mịnapụ owuapụma na eremeni ma na, pịkị inia furo mamgba na. Ó ḅereni ini wa ḅaa ma!”

Jọshụa 2:15

Rehab ma anga warị mị ini anị nama mun opuama mị onu mị ḅụ oḅolomẹ, anịẹrẹchị á ḍiki se ini pịrị se ini se pẹlẹḅọkọ mị ḅie tolukoro somẹ.

Jọshụa 6:17

Opuama mị na anịa ḅie sime aye mamgba wa simafamaḅịa se agbamịẹ Nyanaḅọ Ḅe pịrịḅịa ẹrẹchị. Rehab sẹ fị ḅọ ma na arịa warị kpo mị na kẹngẹ anị ḅarala-ẹkaye-ẹ, anịatịḅị mịna tomoni ama ẹnyẹ apụma á nwọ ḅọịmẹ.

Jọshụa 6:22

Anịsịkị Jọsụwa ḅe nwọse mun ama mị ẹnyẹ mama owuapụma ḅẹmẹ, “Ómine sẹ fị ḅọ ma warị mun se árị na á furo mị na ọkịpakụmaḅo anị ó yeḅereni á pịrịsa ḅaraḅụ.”

Jọshụa 6:25

Ọkụma Jọsụwa ḅe ò Rehab sẹ fị ḅọ ma na pịkị á paka furo apụ mamgba wẹrịsomẹ, ọ̀ ḅara se ini lamakẹ, anịatịḅị ò se Jẹriko mị fịrịma mama ama ẹnyẹ apụ árị ini se ḅọịmẹ. (Á furo ḅie apụma Izrẹl mị ḅie ini anga ḅo mịmgba la waraḅẹ.)

1 Samụẹl 20:8

Sisi mị iḅi mị se ị̀ mịẹ, se osiḅụ-sime ị́ karịfị ị̀ pịrịye mị koko. Ọkụma à mịẹirimamẹ ḅẹḅẹ, ị́rị́ ḅarana ị̀ ḅaa! Cheye gose ị́ ị̀ se ị́ ḍaḅe pịrị se ori ị̀ ḅaaḅe?”