Jọshụa 2:11 - Kịrịkẹnị Baịbụl

¹¹ Mịna ḅalafamẹ wa anị naa kirikiri; mine mgba mịna kuḅie lọkọsam ómine gose; Nyanaḅọ ọ́mịna Tamụnọ Ḅe ori anị Tamụnọ Ḅe-ẹ, ọgọnọju so mị ḅie, pịkị mị sẹkiri mị ḅie sọnị.

Jọshụa 2:11 Iomraidhean Croise

1 Amanyanapụ 8:60

Se bebe tomonikiri sime sẹ mamgba nemiḅịa na Nyanaḅọ Ḅe kẹngẹ anị Tamụnọ Ḅe-ẹ—jụmḅọ ofori-ẹ.

2 Amanyanapụ 5:15

Ori ori na ḅo apụma na vinpịkị so Ịlaịsha ḅe damaḅo se nwọ ḅẹmẹ, “Mịọkụ mị à nemiye-ẹ na jịn oru ofori-ẹ, Izrẹl Tamụnọ Ḅe sikima, anịẹrẹchị, sisi, ị̀ nyanaḅọ, ị̀ ḅara ḍiepịrịye mị daọkị.”

Nẹhimaya 6:16

Mine-na-taraka seni wa kelema sẹma mịn mị naa sịkị, ini ḍọkịḅo ọrịmẹ na ḅụgerere inia tọrụ sọsam, ọrụḅọḅọ nemimẹ na Tamụnọ Ḅe ḅarachụa ḅụ fịrị mị nwẹngị sosam nwọḅẹ sịkị.

Ẹsta 8:17

Ini amanyanaḅọ ḅe olokoma go opuamama na, sẹ layelayema na, ḅie sime Juapụma, ini ḍoroku pịkị ịnyọsara nyanamẹ, ini pịkị alalị fịaye chụọ saramẹ se ḅieḅẹlẹmẹ. Anị ḅo sime ḅara, tọn apụ ḅo Juapụ nwọ sọmẹ, anịatịḅị mịọkụ ini ini ḍikiḅalafamẹ.

Fịafịa Nime 102:15

Sẹ ma àrị Nyanaḅọ Ḅe ḍikiḅalafaḅịa; sẹkiri ḅie amanyanapụ mamgba oria kụrọ mị ḍikiḅalafaḅịa.

Fịafịa Nime 22:14

Ị̀ ḅụ ịnyọ fasam, ọsụn kirisara mengi fa ọkụ anị fasam. Ị̀ ḅụ ḅie imgbe mamgba pọkọsam; ị̀ kuḅie kpoye sanị ọkụ sanịmẹ.

Fịafịa Nime 58:7

Ye ini ogororo mengi ideri fa ọkụ fa; ye ini kpapụ ateli ḅie osuein kọsị ọkụ kọsị.

Fịafịa Nime 83:18

Ye ini nemi na ị́rị́ kẹngẹ anị Nyanaḅọ Ḅe-ẹ, geletẹịn ḅẹrẹtọnḅọ sọ sẹkiri mgba pịrịarịḅọ ḅe-ẹ.

Pakaso 15:14

Sẹ ma àrị naamẹ, se ḅụgeregere ḅụ inia ḅalafamẹ; Filistia apụma tẹmẹ taịntaịn inia ḅụ sọsam.

Pakaso 15:15

Idọm mị anịa tịḅịdapụ ma inia ḅụgbiripumẹ; Moab mị anịa kụrọnị ma inia ḅụgeregere aḅẹ; Kenan apụma ini ḅarị kuḅie kụrọ nyanakẹ.

Aịzaya 13:7

Tomoniḅọ ḅara goyegoye lọkọ-saraḅịa, kụrọkuḅie nyanaḅọ goyegoye nụḅọ kuḅiekụrọ mị nụḅọ gbakịḅịa.

Aịzaya 19:1

Mịn anị Ijipt mị gboloma oku-ẹ. Nyanaḅọ Ḅe soḅuno mị ọgọnọ ò be sarama Ijipt ḅoaḅẹ. Ijipt apụ oru ma arịa ḅụgeregere aḅẹ ọ̀ tọrọkọ ḅụ, Ijipt apụma sọnị ini ḅarị kuḅiekụrọ nyanakẹ.

Izikịẹl 21:15

Anị mịẹse ị̀ya tomonima ḅarị kuḅiekụrọ ẹkẹ pịkịna ḅịkịḅịa. Àrị okola-agiji se inia opuamama ḅalafamaḅịa, anị sowakam ḅara se ḅịa pịkịna nweni ḅaaḅaaye mị.

Nehọm 2:10

Ninivẹ mị kọsịsam, nweni mangị sosam, nweni ḅarị angakẹ! Kuḅiemgbọlụ ma taịntaịnmẹ; ḅụọ ịkpụkụ geregeremẹ, kụrọ fasam; tomoni tọrụ ma nyọnị sam.

Maịnkarama Oloko 1:28

Nde wa gose anịju munḅịaye? Mịna ḅalafaḅẹ. Wa fịrịma mun apụma ḍuko wa pịrịmẹ na nweni ma ini nangwọtẹịn pịkị kụrọtẹịn wa nẹngịmẹ, na ini anga opuamama ḅe onu ma àrị gele mun so lamẹ. Anịju ḅụ ini godoro apụ ọrịmẹ!’

Maịnkarama Oloko 20:8

“Ọmụtịḅịnị ma pịkị nwọse tomonima ḅẹḅịa, ‘Mịanga ḅalafa ḅụ kuḅie lọkọsaḅọ omi? Nemikase ọkọ simeḅọ omi-ẹ ḅẹḅẹ, ye ò vinpịkị so ama mun. Anị ofori ọkụma ọ̀ jịn apụ tẹmẹ ḅaa lọkọmaḅịa.’

Maịnkarama Oloko 4:39

Anịẹrẹchị mịmgba ó se ḅiekoroma, ngịsị ọ́ pịkị se ḅieḅaramama na Nyanaḅọ Ḅe ori anị Tamụnọ Ḅe-ẹ, so mị ḅie na sẹkiri mị ḅie na pịkị anịa chuku ḅie sọnị. Jịn oru ofori-ẹ.

Jọshụa 14:8

Ini ị̀rị̀ na mun apụma, mịẹse mịna tomonima inia ḅalafamẹ. Ọkụma ị̀rị̀ à ḅereni nyana ḅara se ị̀ Nyana Tamụnọ Ḅe ḅịpịpokimẹ.

Jọshụa 2:24

se nwọ ḅẹmẹ, “Wa iḅiọkụ nemimẹ na Nyanaḅọ Ḅe bebe sẹ mị mgba ò se wa pịrịsam. Anịju ḅụ sime apụ mamgba ḅalafa inia ḅụ sọsam mine gose.”

Jọshụa 5:1

Amọraị amanyanapụ mamgba, anị Jọdan mị ḅụ ịrụasọsọ nyọ daọrụ mị ḅụ anga apụma na, pịkị Kenan amanyanapụ mamgba na, anị Mẹditirenia Opu Tọrụ mị anga sịkị ḅụ anga apụma na, naamẹ na Nyanaḅọ Ḅe Jọdan mị samịnamamẹ se Izrẹlapụma saḅa ḅọrọmẹ nwọḅẹye mị. Inia ḅalafamẹ, inia kuḅie taịntaịnmẹ pịkị inia ḅụ lọkọmẹ Izrẹlapụma gose.

Jọshụa 7:5

Eaị apụma opuama mị ḅọkọ ngịsị sakị ini ḍuko mun ḍụparịma lamẹ pịkị iniaḅụ ineinfa kịnị-a mesi laḅịa apụ nwọ ḅaamẹ ini chịngị mị ọgọnọ tukoroarịogbo, se Izrẹlapụma inia kuḅie lọkọmẹ inia ḅala pịkị famẹ.

Jọshụa 9:24

Ini nwọse ọ̀ pẹkẹrẹmẹ, “Mine ị́ya fịrịnwẹngịapụma anị na kụrọmamẹ na Nyanaḅọ ọ́mịna Tamụnọ Ḅe kụrọ se oria fịrịnwẹngịḅọ Moziz ḅe pịrịmẹ na ọ̀ mị bebe sẹ mị mgba se ọ́ pịrịḅịa se anịa ḅie sime apụ mamgba ḅaasin ọ́ sọḅoarị sịkị. Wa gose ọkọ mịẹye, wa ó ḍikiḅalafamẹ; mịna ḍumo ma gose ḅalafa mịnaḅụ sọmẹ.

Ḍieḅelema Yema 6:16

Ini nwọse tụndụma na ịkụma na ḅẹmẹ, “Ó sokoro mịna ọgọnọ koro se ori amanyana ngada mị ọgọnọ sime ḅọ ḅe na Anana Tọkụ Ḅe na ịganị ḅie wa kikima!