Jọshụa 2:1 - Kịrịkẹnị Baịbụl

¹ Anịsịkị Jọsụwa ḅe mama ama ẹnyẹ apụ Akasia mị ḅie ḅụ ini ikowarịma pike sime nyọ ḅụ nwọ fịrịmamẹ na ini mun ḅọịma Kenan ama mị ẹnyẹ kelema, anịtẹịn anga Jẹriko opuama mị. Ini ḅo opuama mị lasịkị, ini mun Rehab nwọ chịn gbọrị sẹ fị ḅọ ma warị mọnọmẹ.

Jọshụa 2:1 Iomraidhean Croise

Chukusakị 42:16

Ọ́mịna ḅie gbọrịḅọ mun ori ọkịḅo. Ómine kirikọn apụma à nwọ ọlọ koromaḅịa ọkị nweni ó ḍukoye mị ḅe karakara wa nwọ nemiḅịa sịkị la. Anịka ọkụma, ó nemi na, amanyanaḅọ ḅe ḍumo sịkị layelaye ómine ama ẹnyẹ apụ-ẹ.”

Chukusakị 42:9

Inia ḅụ ọ̀ kọn ḍawọ ma ọ̀ nwọse ḅiekoromamẹ se nwọ ḅẹmẹ, “Ómine ama ẹnyẹ apụ-ẹ; ó ḅo mịna ama ḅụ kụrọka pẹkẹrẹ ḍọkị nemi-ẹ ḅomẹ.”

Maịka 6:5

Ị̀ya tomoni, ó se ḅiekoroma, Belak, Moab amanyanaḅọ ḅe, tọn se se ọ́ mịẹ ḍọkịye mị, se Belam, Beọ tọkụ ḅe, se ọ̀ pẹkẹrẹ ḅara mị na. Ó se ḅiekoroma ateli ḅụ pakaye ma, Akasia ḅụ ó sime ịnyọ sara se ó so Gilgalị mun-arị sịkị. Ọ́ mayema se ḅiekoroma, se ọ́ pịkị ọrịḅoḅịa àrị ọ́ ḍụaḅọrọma ḅịa ẹrẹchị à mịẹaye ma.”

Kịẹnḅịpị Ma 13:1

Anịeso Nyanaḅọ Ḅe nwọse Moziz ḅe ḅẹmẹ,

Kịẹnḅịpị Ma 13:2

“Oyimaịn sẹ fịnjịma ḅe tịḅịda apụma ḅụ gbọrịḅọ gbọrịḅọ sẹlẹọkị se ini fịrịma pakụma ama-ẹnyẹ-apụ ḅaraḅụ, ye ini mun Kenan mị ḍiki kelema, anị à seni Izrẹlapụma pịrịarị ama mị.”

Kịẹnḅịpị Ma 25:1

Izrẹlapụma ḅo Akasia Pẹsịkiri mị ḅie ḅụ pike sime sịkị inia owuapụma sakị Moab eremeni ma na gbolomamẹ anị anịju ḅụ anga apụma.

Matio 1:5

Salmọn ḅe Boaz ḅe yimẹ (Rehab ma nyọngọrọ-ẹ); Boaz ḅe Obẹd ḅe yimẹ (Ruf ma nyọngọrọ-ẹ); Obẹd ḅe Jẹsi ḅe yimẹ,

Matio 10:16

“Ó poki! Anana se piri obiri ogbo ḅie fịrịma ḅara à nwọse ọ́ fịrịma pakụmaḅẹ. Oruwu ḅe yenemi ọkụ ọ́ nwọse yenemi, pịkị okuku ḅe dein ọkụ ọ́ nwọse dein.

Ẹfịsọsịapụ 5:5

Ó nemi gbẹịnmẹ na sẹfịḅọ, anịkanịka fịafịakaḅọ anịkanịka ngẹrịfị ḍọkịḅọ (anịatịḅị ngẹrịfị ḍọkị mị oru tẹkẹ mịẹmịẹye-ẹ,) ineda Kraịst Ḅe na Tamụnọ Ḅe na amanyanakiri mị ḅie ḍiekiri nyana ẹkẹ.

Hibru 11:31

Ḅereni mị, mị mịẹse ini sẹfị Rehab ma ḅaakaye-ẹ, ini Tamụnọ Ḅe ḅịpịpokika apụma nwọ ḅaa sịkị anịatịḅị árị ikiapụ ḅara nwọse ama ẹnyẹ-ẹ mun Izrẹlapụma ọkịmẹ.

Jems 2:25

Anị anị pịkị Rehab amanwẹngị eremeniḅọ ma ḅụ simeọkụ mị-ẹ. Arịa fịrị ḅụ á ḅọrọ Tamụnọ Ḅe na ḅẹrẹfamasaḅọ nwọ sọmẹ, anị ama ẹnyẹ Izrẹlapụma daọkị se ḅarachụa ini pịrị se ini jịn ateli ḅụ ḅọrọ se so ye mị gose.

Jọshụa 1:18

Tụḅọ kụrọ se ị́ pịrị nọ nwọ gbela anịkanịka ị́ ḅịpị pokikaḅọ goyegoye nụḅọ ḅaa ḅụ sọḅịa. Ịnyọ chụa pịkị kụrọ kuḅie nyana!”

Jọshụa 2:2

Ini ḍuko Jẹriko amanyanaḅọ ḅe pịrịmẹ na Izrẹlapụ anị ḍin mị ḅie ḅo sẹ mị ẹnyẹ-o ḅomẹ,

Jọshụa 21:31

Hẹlkat na, pịkị Rihọb na, inia namama fịfịḅịa osuein kirima na.

Jọshụa 3:1

Eneḅa dede funfun ḅie Jọsụwa ḅe na bebe Izrẹlapụma na, Akasia ḅie ḅụ ini ikowarịma pike sime nyọ mị ḅụ so Jọdan mị mun mẹ, anịju ḅụ ini ikowarịma pike sime se ini tọrụ mị saḅaḅịa sịkị mị korumẹ.

Jọshụa 5:10

Izrẹlapụma Gilgalị mị ḅie ḅụ ikowarịma pike sime sịkị anị Jẹriko na kpeki ele mị ḅie ini Saḅaḅọrọ Alalị fịmẹ akalụ mị ḅie oyi inein-a ḍin fịnjị karama ene mị ḅe sasoḅiri ḅụ.

Bẹrẹkọn Apụ 18:14

Anịsịkị mun Leish pẹkẹrẹ mị ẹnyẹ sọnọ-a owuapụma nwọse ini na ḅo apụma ḅẹmẹ, “Mịanga sime warịma ḅie gbọrị warị ḅie ḅụ ini chịn se kara se seleḅa seni sara-oḅolo koroma oru omi ọkụ ó nemi? Jịn ini karasa oru na pịkị ifọd na omi-ẹ. Nde ọ́ chịn ḅara wa mịẹḅịaye?”

Bẹrẹkọn Apụ 18:17

Ini ama ẹnyẹ sọnọ apụma nwẹngị warị mị ḅie sọmun, se ini chịn-se-kara se seleḅa seni sara oḅolo oru mị na, ísí ini kara koroma oru ma na, pịkị ifọd mị na dekimẹ, agbamịẹḅọ ḅe pa nụngọ ḅọkọ ḅụ ọmụaye ọlọ kịnị ẹndẹ oyiasi fịnjịma na chịẹ waraḅẹ.

Bẹrẹkọn Apụ 18:2

Anịẹrẹchị Danị furo ḅie apụma sọnọ-a ḅịpịḅẹrẹla owuapụ sẹlẹ pakụmaḅomẹ sẹ sẹ mamgba ḅie se ini Zora na Ẹshtaol na amama ḅie ini fịrịma pakụma se tọn ini pịrịmẹ na ini ama mị ẹnyẹ. Ini ḅo Ifrem chịngị ọgọnọ sẹ mị lasịkị, ini Maịka warị bịanmẹ.