Jọshụa 19:51 - Kịrịkẹnị Baịbụl

⁵¹ Ẹleaza agbamịẹḅọ ḅe na, Jọsụwa Nọn yaḅe na pịkị Izrẹl furoma ḅie sime awọma ḅụ tịḅịnịma na anị kiri mị ḅụ mịna pẹkẹrẹ mamgba ḍiaye-ẹ anị ini ịkịan wakị Nyanaḅọ Ḅe ḅịpị gbela ḅụ Shịlo mị ḅie, Nyanaḅọ Ḅe pakaḅoḅo Ikowarị mị ḅọkọ ḅụ. Mị ḅara mị ḅụ ini kiri mamgba ḍie karamamẹ.

Jọshụa 19:51 Iomraidhean Croise

Chukusakị 49:10

Juda ḅe amanyana amgbara mị ọlọḅịa, Ò furo mị anị amanyana gbasoḅịaye-ẹ. Sẹsẹ gbẹịnye se ḅo ọ̀ pịrịḅịa Se ọ̀ tọrọkọ ḅịpị poki ḅụ tịḅịtu ọ̀ pịrịḅịa.

Fịafịa Nime 78:60

Shịlo ḅie oria ikowarị mị ọ̀ sarakoromamẹ, anị ọ̀ mịna ogboku sime se anga ama mị.

Matio 20:23

“Ọ́ kọkọma ị̀ya ọmọngọ mị ḅie simeye mị nwọ ḅuḅịa,” Jizọs Ḅe nwọse ini ḅẹmẹ, “Ọkụma à kụrọ nyanakẹ, ị̀ya amaḅara anga na ereḅara anga na ḅụ simeḅịa apụ nwọ sẹlẹ. Mà kirima àrị sime ị̀ Ḍa Ḅe àrị karakarama koroma pịrị apụma nwọ pịrịmẹ.”

Matio 25:34

Anịsịkị Amanyanaḅọ ḅe nwọse oria amaḅara anga ḅụ sime apụma ḅẹḅịa, ‘Ó ḅo ómine ị̀ Ḍaḅe ḅẹlẹmasa apụma! Ó ḅo Amanyanakiri mị ḅie sọ anị tomonikiri mị tẹmẹ sịkị ngịsị ini karakarama ọ́ pịrịsa ye mị.

Jọn Iḅi Ḅẹrẹ Mị 17:2

Anịatịḅị ị́ kụrọ seni ọ̀ pịrịsam tomoni ḅaraḅara mamgba ḅụ, mịẹse ò simegbaso ḍumo seni ị́ se ọ̀ pịrịapụ mamgba pịrịḅịa ḅara.

Okunwẹngịapụ 13:19

Kenan opu ama mị ḅie sọnọma sẹ ọ̀ nwọ famamẹ, se oria tomonima mịẹse ini ama mị nyana apụ nwọ sọmẹ.

Jọshụa 14:1

Mị anị Izrẹlapụma Jọdan ḅụ ịrụasọsọ nyọ daọrụ ḅụ Kenan mị ḍiama inia ḅụ pịrị ọkụ mị-ẹ. Ẹleaza agbamịẹḅọ ḅe na, Jọsụwa, Nọn yaḅe na, pịkị furo tịḅịda apụma na, Izrẹl mị ḅie furofuro ḅụ ini paka ḅaraḅụ ama mị ḍie tomonima pịrịmẹ.

Jọshụa 18:1

Ini ama mị nẹngịma so sịkị, bebe Izrẹl sẹ mị mgba mun Shịlo mị ḅie ḅụ koḅirima se Nyanaḅọ Ḅe tọrụkuḅu sime Ikowarị ma pike chịẹmamẹ.

Jọshụa 18:10

Jọsụwa ḅe ori ịkịan wakị se Nyanaḅọ Ḅe ḅịpị gbela ini pịrịmẹ, se Izrẹl mị ḅie kirikọn furoma inia ḍiekiri seni ini pịrịmẹ kọn kirima ḅụ.

Jọshụa 20:1

Gbọrị ene Nyanaḅọ Ḅe nwọse Jọsụwa ḅe ḅẹmẹ

Bẹrẹkọn Apụ 21:19

Anịsịkị ini koromaḅo se nwọ ḅẹmẹ, “Nyanaḅọ Ḅe wa kụrakụra ḅụ Shịlo mị ḅie ḅụ fịfị alalị mị ḅo kpekisam.” (Shịlo mị anị Bẹtẹl mị ḅụ ọgọnọju daọrụ mịẹ, Lẹbanọn mị chuku ọrụ ḅụ, se ịrụapakapaka nyọ ateli mị ḅụ Bẹtẹl mị na Shẹkẹm mị na ogboku anị omi-ẹ.)

Bẹrẹkọn Apụ 21:21

se ọbị. Shịlo eremeni awọma alalị mị ḅie pakaḅo sẹkịḅịa sịkị, ozuma ḅie ọ́ pakaḅo. Se ọ́ kụrọḅara se inia ḅie gbọrịḅọ gbọrịḅọ kun se pịkịma Bẹnjamin eke mị ḅo.

1 Samụẹl 1:3

Kụra goyegoye Ẹlkena ḅe, Rema mị ḅieḅụ ò somun Shịlo ḅie tẹkẹ pịkị agbamịẹ Kụrọmamgba Nyanaḅọ Ḅe pịrịpịrịmẹ, anị Ịlaị mama owuapụ awọ, Hofnaị ḅe na Fịnehas ḅe na Nyanaḅọ Ḅe agbamịẹapụ sọ nyọ mị.