Jọshụa 19:26 - Kịrịkẹnị Baịbụl

²⁶ Alam Mẹlẹk, Emad na, pịkị Mishal mị na. Ịrụasọsọ nyọ daọrụ ḅụ anị mun Kamẹl mị na pịkị Shaịhọ Libnat mị na lamẹ.

Jọshụa 19:26 Iomraidhean Croise

1 Amanyanapụ 18:19

Mịọkụ bebe Izrẹlapụ mamgba ḅẹ, na iniḅo ị̀rị̀ na ịrịa Kamẹl Tụndụ mị nyọ ḅụ. Beal ịkịankoroapụ kịnị ẹndẹ na mesi-oyi fịnjịma na pịkị Ashera eremeni oru ma ịkịankoroapụ kịnị ẹndẹ ma na ini nwọse chụa ḅo, anị Amanyanaḅọ ta Jezibẹl ma mịẹkụrọma apụma.”

1 Amanyanapụ 18:20

Anị Ehab ḅe bebe Izrẹlapụma na pịkị Beal ịkịankoroapụ mamgba na chịn koḅirimaye-ẹ Kamẹl Tụndụ mị nyọ ḅụ.

1 Amanyanapụ 18:42

Ehab ḅe somun yefịḅịa sịkị, Ịlaịja ḅe Kamẹl Tụndụ mị tanjị mun ọgọnọju lamẹ. Anịju ḅụ ori ọ̀ tọrụ tu kirida, se ọ̀ tịḅị seni ọ̀ ḅụọ ẹmbẹ ḅie chu simemẹ.

2 Amanyanapụ 2:25

Ịlaịsha ḅe so Kamẹl Tụndụ mị ọgọnọ mun mẹ, se ọḅụkọ ò vinpịkị Sameria mun mẹ.

1 Amanyanapụ Sịkị Mịẹaye Ma 6:74

Asha eke mị ḅụ: Mashal mị na, Abdọn mị na,

Sọlọmọn Nime Ma 7:5

Ị́ tịḅị mị anị ị́ gbẹịn ḅara mị Kamẹl Tụndụ iḅiọkụ iḅimẹ. Ị́ parị tịḅị inime ma satịn iḅiọkụ iḅimẹ; anịa iḅi mị ineda mịẹse amanyanaḅọ ḅe ị́ya koroma kọnḅịa.

Aịzaya 33:9

Ama mị gbọnma simemẹ, ini pịkị anị koroma somẹ. Lẹbanọn piri ma samịna fịsam, Sharọn mị nyana fịaye pakụma pẹsịkiri mị onwun ele kịkẹmẹ. Bashan ḅie, Kamẹl Tụndụ mị ọgọnọ sime ejema tịḅị ịnyanya ma sokoro saraḅẹ.

Aịzaya 35:2

Onwun ele mị nime chuḅịa se ḅieḅẹlẹ ḅụ olokuḅịa; Lẹbanọn Tụndụ ma iḅiọkụ anị nwọse iḅiḅịa anị pịkị Kamẹl ozuma na Sharọn ozuma na fịaye pakụma ọkụ pakụmaḅịa. Ọrụḅọḅọ Nyanaḅọ Ḅe iḅi mị na, oria opu na oria kụrọ na ọrịḅịa.

Aịzaya 37:24

Ị́ya fịrịnwẹngịapụma ị́ nwọ fịrịma se ḅo ḅụboma ị̀ pịrịmẹ na ị́ya owuni kporokporoma ị́ nwọse Lẹbanọn gololotẹịn-a tụndụma inumasam. Anị nyọ ḅụ ị́ ḅụbomamẹ na geletẹịn awụ chịnma na iḅitẹịn Saịprẹs ejema na ị́ pẹlẹ gbinmẹ, pịkị piri mị ḅie ị́ mun gbuntẹịn-a nyọma lamẹ.

Jerimaya 46:18

Ị̀rị̀, Kụrọmamgba Nyanaḅọ Ḅe, anị amanyanaḅọ-ẹ. Ị̀rị̀ anị ḍumo Tamụnọ Ḅe-ẹ. Tebọ Tụndụ ma gele tụndụma nẹngị ọkụ pịkị Kamẹl tụndụ mị chịẹ gele tọrụ mị nẹngị ọkụ, anị ḅo ọ́ gbẹịnmachịẹḅịa ḅọ ḅe kụrọ sime ọkụ-ẹ.

Jọshụa 15:55

Meọn na, Kamẹl na, Zif na, Juta na,

Jọshụa 19:25

Anị eke mị anị Hẹlkat, Helaị, Bẹtẹn, Akshaf,

Jọshụa 19:27

Anị kanama ịrụapakapaka nyọ daọrụ mị da sịkị, eke mị anị mun Bẹt-Degọn lamẹ, Zẹbụlọnị na Iftahẹl Pẹsịkiri ḅie na lamẹ. Bẹt-Ẹmẹk mị na pịkị Neịẹl mị na ateli mị ḅụ ọgọnọju daọrụ ḅụ omi-ẹ. Anị ọkịmun Kabul mị lamẹ ọgọnọju daọrụ,

Jọshụa 21:30

Asha eke mị ḅụ inein-a opuama ini nwọ ọkịmẹ; Mishal na, Abdọn na,

1 Samụẹl 15:12

Anị ḅe eneḅa dede funfun ḅie ò somun Sọl ḅe ḍọkịmẹ. Ọ̀ naamẹ na Sọl ḅe ò so Kamẹl ama mị munsam, anị ọ̀ tẹmẹ ọ̀ ḅụ pịrị lụgụ mị sime nyọ mị se anịju ọ̀ ḅọrọso Gilgalị mị munsam.