Jọshụa 18:8 - Kịrịkẹnị Baịbụl

⁸ Jọsụwa ḅe ini mịẹḅịaye ma ḍuko ini pịrị so sịkị, owuapụma ini paka somun kiri mị ḍikimẹ, se ḍiri ḅie gịẹịnḅịa ẹrẹchị; “Ó mun bebe kiri mị mgba ḍiki kelema, se anị seni ḍiri ḅie gịẹịn, se vinpịkị ị̀ damaḅo. Anịsịkị mịanga Shịlo mị ḅie ḅụ àrị ịkịan wakị Nyanaḅọ Ḅe ḅịpị gbela ọ́ pịrịḅịa.”

Jọshụa 18:8 Iomraidhean Croise

Chukusakị 13:17

Mịọkụ, mun bebe ama mị mgba ḍikikelema; anịatịḅị à seni ị́ pịrịḅịa.”

Aịzaya 34:17

Nyanaḅọ Ḅe, amakiri mị ḍie àrị pịrịḅịa, se àrịa ḅie gbọrịye gbọrịye ḍiekiri nyanaḅịa. Ḅụọ ọkịmun jịn ḅụọ la, àrị anị ama mị ḅie angaḅịa anị pịkị sime àrị pịrị gbasoḅịa.

Romapụ 14:19

Anịẹrẹchị, wa sịkịmamgba deinma ọkịḅoḅịaye ma nwọ ḍọkị mịẹḅịa, pịkị ḅarachụa ịnyọ se jịnḅọ jịnḅọ pịrịḅịaye ma na.

Jọshụa 13:7

Anịẹrẹchị mịọkụ, mịn kiri mị ḍie se ísí esenie-a furoma na pịkị Manasẹ furo mị ḅụ gbọrị pẹkẹrẹ mị na nwọ pịrị, mịẹse ini anị ḍiaọkị se anị iniaye sọḅịa ḅara.”

Jọshụa 15:1

Mị Juda furo ḅie awọma sẹ mị ḅie ọkị nyọma sime ọkụ-ẹ: Kiri mị anị chuku daọrụ ḅụ sakị mun Zin piri ele mị ḅụ chuku datẹịn ọrụ mị ḅụ ọkịmun Idọm eke mị lamẹ.

Jọshụa 18:1

Ini ama mị nẹngịma so sịkị, bebe Izrẹl sẹ mị mgba mun Shịlo mị ḅie ḅụ koḅirima se Nyanaḅọ Ḅe tọrụkuḅu sime Ikowarị ma pike chịẹmamẹ.

Jọshụa 18:10

Jọsụwa ḅe ori ịkịan wakị se Nyanaḅọ Ḅe ḅịpị gbela ini pịrịmẹ, se Izrẹl mị ḅie kirikọn furoma inia ḍiekiri seni ini pịrịmẹ kọn kirima ḅụ.

Jọshụa 18:6

Ma sọnọma ḍiekiri ma sime ḅara ọ́ nwọse ḍiri ḅie gịẹịn, se anị se ḅo ị̀ pịrị. Anịsịkị àrị ịkịan wakị se Nyanaḅọ mịna Tamụnọ Ḅe ḅịpị gbela ọ́ pịrịḅịa.

Jọshụa 18:9

Anị owuapụma ini somun bebe kiri mị mgba ḍiki kelema se anị seni ḍiri ḅie gịẹịnmẹ ini wẹrị anị seni sọnọma kiri ḍie ọkụ mị, pịkị amama ẹrẹ ma se ḍiri ḅie chụamẹ. Anịsịkị ini vinpịkị Jọsụwa ḅe damamunmẹ ini ikowarịma pike sime nyọ mị ḅụ Shịlo mị ḅie.

1 Samụẹl 14:41

Sọl ḅe nwọse Nyanaḅọ, Izrẹl Tamụnọ Ḅe ḅẹmẹ, “Nyanaḅọ, cheye ẹrẹchị ị́ ị̀ pẹkẹrẹka mịmgba? Nyanaḅọ, Izrẹl Tamụnọ, yela fịafịa ḍụparịma ḅụ ḅọrọ ị̀ pẹkẹrẹ. Nemikase Jonatan ḅe anịkanịka ị̀rị̀ siye mị mịẹmẹ ḅẹḅẹ, Ụrịm mị ḅụ ḅọrọ pẹkẹrẹ; ọkụma nemikase ị́ya tomoni Izrẹlapụma mịẹ si-ẹ ḅẹḅẹ, gbọrị Ụrịm mị ḅụ ḅọrọ pẹkẹrẹ.” Pẹkẹrẹ ḅịpị mị ḍiepakụmamẹ na Jonatan ḅe na Sọl ḅe na-ẹ, ọkụma tomonima anị ini ọlọkẹ.