Jọshụa 18:7 - Kịrịkẹnị Baịbụl

⁷ Livaị apụma, anị sime ḅaraḅụ, ini ómine kirikọn apụma na ama mị ḍia ẹkẹ, anịatịḅị inia ḍiekiri anị Nyanaḅọ Ḅe agbamịẹ apụ ḅaraḅụ fịrịnwẹngị ọ̀ pịrị mị-ẹ. Ini Gadị na, Rubẹnị na, pịkị Manasẹ na awọma ọkụma inia ama ini ọkị ḅọrọsam Jọdan mị ḅụ ịrụapakapaka nyọ daọrụ ḅụ, anị Moziz, Nyanaḅọ Ḅe fịrịnwẹngịḅọ ḅe se ini pịrịye mị.”

Jọshụa 18:7 Iomraidhean Croise

Kịẹnḅịpị Ma 18:20

Nyanaḅọ Ḅe nwọse Erọn ḅe ḅẹmẹ, “Sime ọḅụju ḅoḅịa apụ ḍia ọkịḅịa gbọrị ngọ so ọkịma, pịkị Izrẹl mị nyana kiri ḅụ ini tọn se ị́ pịrịḅịaye ngịsị ofori-ẹ. Ị̀rị̀, Nyanaḅọ Ḅe anị dada ị́ya ḍiekiriye-ẹ pịkị sime ị́ pịrịye-ẹ.”

Kịẹnḅịpị Ma 18:23

Mịọkụ ọkị tọrọkọ mun Livaị apụma kẹngẹ mị Ikowarị mị ḍikiḍikiḅịaye-ẹ, se mịẹaye mamgba inia ọgọnọ mị anị pịkị gbanaḅịaye-ẹ. Mịn anị sime gbaso oloko-ẹ anị pịkị sime ọ́mịna awọma pịrịmẹ. Livaị apụma Izrẹl ḅie ini simegbaso ḍiekiri nyana-ẹkẹ,

Kịẹnḅịpị Ma 18:7

Ọkụma ị́rị́ na ị́ya owuapụ awọma na kẹngẹ mị agbamịẹḅọ-fịrịkiri aye, anị agbamịẹ-ẹbẹ mị na pịkị Fịafịatẹịn Nyọ mị ḅie sime aye mamgba na fịrịnwẹngịḅịaye-ẹ. Mama sime ọ́ pịrịaye-ẹ, anịatịḅị agbamịẹḅọ-fịrịkiri mị à se ḍie ọ́ pịrịmẹ. Papa jụmḅọ ḅụ, ḅụ seni osiḅụ sime ayema kpekimaḅọ goyegoye nụḅọ fịḅịa.”

Maịnkarama Oloko 10:9

Anịẹrẹchị Livaị sẹ mị gose ḍiekiri nyanakaye-ẹ anị ísí sẹma nyana ọkụ mị; inia ḅaralaye anị agbamịẹapụ sọ Nyanaḅọ Ḅe pịrị mị-ẹ, Nyanaḅọ ọ́mịna Tamụnọ Ḅe yeḅereni sa ḅaraḅụ.)

Jọshụa 12:6

Moziz ḅe na Izrẹlapụma na mịna mama amanyanapụma nẹngịmamẹ. Moziz, Nyanaḅọ Ḅe fịrịnwẹngịḅọ ḅe inia amama se Rubẹnị na Gadị na sẹma na pịkị Manasẹ sẹ mị ḅụ gbọrị pẹkẹrẹ na pịrịmẹ, na anị iniaye nwọ sọ.

Jọshụa 13:33

Ọkụma Moziz ḅe gbọrị ama sọnị ò se Livaị awọma pịrịkẹ. Ọ̀ nwọse ini ḅẹmẹ na ini se agbamịẹ Izrẹl mị Nyana Tamụnọ Ḅe pịrịayema ḅụ anị ini ḍiekiri nyanaye-ẹ.