Jọshụa 18:16 - Kịrịkẹnị Baịbụl

¹⁶ Anị pịkị ideri mun tụndụ mị chuku lamẹ anị Hinọm Pẹsịkiri mị tọrọkọ simeye mị. Rifeim Pẹsịkiri mị ọgọnọju daọrụ mị kuluma ḅụ. Anị pịkị chukuju daọrụ ḅụ toluḅọrọ mun Hinọm Pẹsịkiri mị lamẹ, Jebus apụ chịngị mị ḅụ chukuju daọrụ mị, Ẹnrogẹl mị damun ọrụ ḅụ.

Jọshụa 18:16 Iomraidhean Croise

2 Samụẹl 17:17

Abaịata ya Jonatan ḅe na Zadọk ya Ahimeaz ḅe na Ẹnrogẹl mengi mị tịḅịju ọrụ ḅụ ini koruaḅẹ, anị Jerusalẹm mị akasịkị ḅụ, anịatịḅị ini dadama tomoni ini ọrịḅịa ḅara seni opuama mị ḅie sọḅịa ọkụ ofori-ẹ. Gbọrị fịrịnwẹngị eremenitọkụ sịkị sịkị ḅụ mun pakarịye mị ḍuko ini pịrị se ini mun ḍuko Amanyanaḅọ Devid ḅe pịrịpịrịmẹ.

2 Samụẹl 5:18

Filistia apụma ḅo Rifeim Pẹsịkiri mị la se anị ḍẹkịkelemamẹ.

1 Amanyanapụ 1:9

Gbọrị ene Adonaịja ḅe anana na, owoi nambuloma na, pịkị ḅẹlẹkị chụa ayamburama nambuloma na, se Oruwu Ḍụparị mị ọgọnọ agbamịẹmẹ Ẹnrogẹl ideri mengi mị na kpeki nyọ ḅụ. Ori Amanyanaḅọ Devid ḅe oria ísí-a owuapụ awọma na, Juda ḅie ḅo amanyanaḅọ fịrịtịḅịnị ma na, nwọ chịnmẹ na ini mị agbamịẹ alalị fị mị ḅo,

2 Amanyanapụ 23:10

Amanyanaḅọ Josaya ḅe Tọfẹt oruḅẹrẹ nemiapụ tẹkẹ nyọ mị pụlamamẹ Hinọm Pẹsịkiri mị ḅie ḅụ simeye mị, mịẹsosịkị gbọrịḅọ sọnị ḅarị ineda oria owutọkụ anịkanịka eremeni tọkụ seni dọkịma agbamịẹ Mọlẹk oru mị pịrị ẹka ḅara.

1 Amanyanapụ Sịkị Mịẹaye Ma 14:9

Filistia apụma ḅo Rifeim Pẹsịkiri mị la se sakị kụrọḅara seni ye ọfọịnmẹ.

2 Amanyanapụ Sịkị Mịẹaye Ma 28:3

Hinọm Pẹsịkiri mị ḅie ori insẹnsị dọkịma dọkịmamẹ, se ọ̀ pịkịna oria owuapụ awọ ọkị se dọkịma agba mịẹ oru pịrịpịrịmẹ, tomonima mịẹmịẹ ḅụngụngụmaye ọ̀ nwọ ḍiki mịẹmẹ anị Izrẹlapụma sọmun-arị sịkị, Nyanaḅọ Ḅe desin-apụ ma mịẹmịẹaye ma.

2 Amanyanapụ Sịkị Mịẹaye Ma 33:6

Oria owuapụ awọ ọ̀ nwọse Hinọm Pẹsịkiri ḅie dọkịma ḍiepịrịye agba mịẹmẹ. Ḅịrịapụ ḅara ò ye ḅiḅimẹ ọ̀ pịkị ḍirikọrịmẹ, ọ̀ pịkị tọrụtoluapụ ḅara tetema ọkịkịmẹ. Ori opuma Nyanaḅọ Ḅe ḅụ simịẹmẹ, ọ̀ pịkị oria ịganị owoimatẹịnmẹ.

Aịzaya 30:33

Ḅọlọsịkị ngịsị Asiria sẹdaḅọ ḅe dọkịmaḅịa opu fịnị ini nwọ karakarama koromamẹ. Anị gbunmẹ, anị pịkị dabaramẹ, fịnị-a pẹkẹrẹ pịkị anịa ḅie kpelu waraḅẹ. Nyanaḅọ Ḅe fịnị pakụmaḅịa ọwụ nwọse anịaḅụ saraḅịa se fịnị pakaḅịa.

Jerimaya 19:11

se ḍuko ini pịrị na Kụrọmamgba Nyanaḅọ Ḅe nwọ ḅẹmẹ, “à mịna tomonima na mị opuama mị na nwọ kanḅịa, se anị mị fị aḅaịn ojongo mị kịkẹḅịa, anị ineda ḅarị gbọrị ḅụ sime ẹka ye mị. Tomoni inia fịapụma ḍipiḅịa Tọfẹt ḅie anịatịḅị ini ḍụẹịn ḍipiḅịa jịn nyọ ofori-ẹ.

Jerimaya 19:2

se Pọtsẹd Onu Ḅọkọ mị ḅie ḅụ ḅọrọ paka Hinọm Pẹsịkiri nyọ mị mun. Anịnyọ anị ò se ị̀ pịrịḅịa oku mị à nwọ ḍuko finjiḅịaye-ẹ.

Jerimaya 19:6

Anịsịkị, sịkị mị ḅoḅịa, ini ḅarị Tọfẹt anịkanịka Hinọm Pẹsịkiri nwọse mịnyọ mị chịn ẹkẹ. Anịnakaraka, ini se anị lekiriḅịa ẹrẹ anị Nweni-ḅaa-Pẹsịkiri.

Jerimaya 32:35

Ini Hinọm Pẹsịkiri nyọ ḅie ẹbẹ nama Beal ḅe pịrịsam, se inia owuapụ awọma na eremeni awọma na ọkị agbamịẹ se Mọlẹk oru ḅe pịrịḅịa ọkụ. À tọn ini pịrịkẹ ini nwọ simeye mịẹ, anị pịkị ị̀ kuḅie sọkẹ na ini nwọ simeye mịẹḅịa ọkụ, se Juda tomonima mịẹse ini si mịẹḅịa.”

Jọshụa 15:63

Ọkụma Juda apụma ini ineda Jebus apụma depakụmakẹ Jerusalẹm mị ḅie, anị anịa ḅie anga apụma. Jebus apụma mịọkụ sọnị ini pa Juda apụma na anịa ḅie anga waraḅẹ.

Jọshụa 18:28

Zila na, Haẹlẹf na, Jebus na (anịkanịka Jerusalẹm mị-ẹ), Gibia na pịkị Kiriat Jearim na; oyi inein opuama fịnjị, pịkị àrị kelema amama na. Mị anị Bẹnjamin sẹ mị ḅie sime furoma ḍiaọkị kiri mị-ẹ iniaye ḅaraḅụ.

Bẹrẹkọn Apụ 1:21

Ọkụma Bẹnjamin sẹ mị ḅie apụma ini Jebus apụma depakụmakẹ anị Jerusalẹm mị ḅie angapụma; anịẹrẹchị Jebus apụma ini pa Bẹnjamin apụma na Jerusalẹm mị ḅie anga ḅo mịmgba lamẹ.

Bẹrẹkọn Apụ 1:8

Juda owunima owu se Jerusalẹm mị paka se anị ọkịmẹ. Ini tomonima ḅaa se fịnị se opuama mị ḅụ chụamẹ.

Bẹrẹkọn Apụ 19:10

Ọkụma tomoniḅọ ḅe ọ̀ ḅarị anịju ḅụ sime jịn ḍin se mọnọḅama ḅikẹ, anị ori na oria ịgwa eremeniḅọ ma na, inia fịrịnwẹngịḅọ ḅe na pịkị mama yepụra asụn ma na sakị nwẹngị-soye-ẹ. Saso sọsam ini ḅo Jebus mị na kpeki sịkị (anị Jerusalẹm mị-ẹ), anịẹrẹchị fịrịnwẹngịḅọ ḅe nwọse ọ̀ nyanaḅọ ḅe ḅẹmẹ, “Cheye gose wa ineda mị Jebus opuama mị ḅie sime mọnọ ḅaama ẹka?”