Jọshụa 18:12 - Kịrịkẹnị Baịbụl

¹² Ọgọnọju daọrụ mị ḅụ inia eke mị Jọdan mị ḅụ anị sakịmẹ se anị ọkịmun Jẹriko mị ḅụ ọgọnọju daọrụ mị lamẹ, anị tukoro nyọ mị; se ịrụasọsọ nyọ daọrụ ḅụ chịngị-ọgọnọ-sẹ mị tolu ḅọrọ ọkịmun Bẹt-Avẹn onwun ele mị la.

Jọshụa 18:12 Iomraidhean Croise

Hosia 10:5

Sameria opuama mị ḅie anga tomonima, ini ḅalafa nyanaḅịa se pịkị kururuḅịa Bẹt-Avẹn ḅie fa goli goli nambulo ḅe gose. Ini na oru agbamịẹapụma na, anị oru mị tẹkẹ apụma, anịa tịḅị gose owuḅịa. Ini owuḅịa anịa goli-goli opu mị ini nwọ kọrọrọsinḅịa sịkị.

Hosia 4:15

“Ómine Izrẹlapụ, ó kuḅie-se-ị̀-ḅụgbanaka-sọ, ye Juda sọ anị ḅẹrẹsi mị nyanama. Gilgalị anịkanịka Bẹt-Avẹn nyọ ḅụ, ọ́ tẹkẹma, anịkanịka ḍumogbaso Nyanaḅọ Ḅe ẹrẹ se anị nyọ yeḅerenima.

Hosia 5:8

Ó Gibia ḅie owuni-epelepe ma ofuro! Rema ḅie ḅalafa-ḅerijine ḅara ọ́ nwọse nyọ fiema! Bẹt-Avẹn ḅie ómine owuni-paịn ma kọn! Ómine owu ḅie sọ Bẹnjamin owuapụ!

Jọshụa 16:1

Ini tọn Josẹf awọma pịrị chuku daọrụ eke mị, Jọdan mị ḅụ anị anị sakịye-ẹ, Jẹriko mị na kpekima nyọ mị, anị Jẹriko mị ḅụ ideri mengi mị tịḅị sakị anga mị, ịrụapakapaka nyọ daọrụ ḅụ, pịkị ọkịmun onwun ele mị ḅie sọmẹ. Jẹriko mị ḅụ anị sakịmun chịngị ọgọnọ sẹ mị ḅie iwo mun Bẹtẹl mị lamẹ.

Jọshụa 18:11

Sime Bẹnjamin sẹ furo ḅie awọma pịrị eke mị anị ini tatarị ḍieḅịaye-ẹ. Inia kiri mị Juda na Josẹf na furoma ogboku ḅụ anị anị simeye-ẹ.

Jọshụa 2:1

Anịsịkị Jọsụwa ḅe mama ama ẹnyẹ apụ Akasia mị ḅie ḅụ ini ikowarịma pike sime nyọ ḅụ nwọ fịrịmamẹ na ini mun ḅọịma Kenan ama mị ẹnyẹ kelema, anịtẹịn anga Jẹriko opuama mị. Ini ḅo opuama mị lasịkị, ini mun Rehab nwọ chịn gbọrị sẹ fị ḅọ ma warị mọnọmẹ.

Jọshụa 3:16

mengi mị ḅarị serikẹ anị pịkị ḅo gbọrị anga koḅirima simemẹ, Adam mị tụḅụ ḅieju ngịsị, anị Zarẹtan mị anga ḅụ sime opuama mị. Seri mun Jikeka Opu Tọrụ mị ḅie sarasara ideri mengi mị sọnị gbọtụma pẹlẹmẹ, se tomonima ini ineda tọrụ mị saḅamẹ Jẹriko mị na kpeki nyọ mị ḅụ.

Jọshụa 6:1

Ọkụma mị Jẹriko opuama mị onu-a ḅọkọ ma ini palịmẹ, Izrẹlapụma gose. Mịẹso ọkụma gbọrịḅọ sọnị ineda opuama mị ḅie sọmun-ẹkẹ pịkị paka-ẹkẹ.

Jọshụa 7:2

Jọsụwa ḅe Jẹriko mị ḅie ḅụ ò nweni se Eaị mị fịrịmamẹ, Bẹtẹl mị ḅụ ịrụapakapaka nyọ daọrụ ḅụ sime opuama mị, Bẹt-Avẹn mị na anị na kpekimẹ, ini mun ama mị ẹnyẹ kelema. Ini munse ḅo sịkị,

Jọshụa 8:15

Jọsụwa ḅe na oria owunima na ini mangị Eaị apụma pịrịaḅẹ nwọḅẹ ḅara mịẹmẹ, se ini mangị ḅele ele mị damẹ.

1 Samụẹl 13:5

Filistia apụma ini ḅo koḅirimamẹ Izrẹlapụma na owusọḅịa ẹrẹchị; kporokporo ọmụarụ ḅụ tẹrẹ-a poku na jie ẹndẹ ini nwọ nyanamẹ, asụn ọgọnọ owunima jie ẹndẹ, pịkị owunima ḅaka ḅara, tọrụ aka onwun ḅaka ọkụ ḅakamẹ. Ini so Mikmash mị mun mẹ, Bẹt-Avẹn mị ḅụ ịrụapakapaka nyọ daọrụ ḅụ, se anịju ini ikowarịma pike simemẹ.