Jọshụa 17:7 - Kịrịkẹnị Baịbụl

⁷ Manasẹ eke mị Asha mị ḅụ ọkịmun Mikmẹtat mị lamẹ, Shẹkẹm mị ḅụ ịrụapakapaka nyọ daọrụ ḅụ. Eke mị pịkị chukuju daọrụ ḅụ mun Entapua apụma sọnị se chụa ọkịmẹ.

Jọshụa 17:7 Iomraidhean Croise

Chukusakị 34:2

Shẹkẹm, Hivaịḅọ Hemọ, anịnyọ tịḅịdaḅọ ḅe, tọkụ ḅe, árị ọrị se, kụrọ ḅarase á kun se árị na gbolomamẹ.

Chukusakị 37:12

Gbọrị ene Josẹf ḅe oria owuapụ mịnapụma Shẹkẹm mun inia ḍa ananama ḍikiḍiki-emunmẹ.

Chukusakị 37:14

Ḍawu ḅe nwọ ḅẹmẹ, “Mun ḍiki nwọfa ị́ya owuapụ mịnapụma inia ḅụ dein na deinka na, pịkị ananama sọnị arịa ḅụ sime ọkụ na; se pịkịma ḅo ḍuko ị̀ pịrị.” Anị ḍawu ḅe Hibrọn Pẹsịkiri mị ḅieḅụ ọ̀ fịrịma pakụmaye-ẹ. Josẹf ḅe ò ḅo Shẹkẹm lamẹ

1 Amanyanapụ 12:1

Rihoboam ḅe ò so Shẹkẹm mun mẹ, anị bebe ọgọnọjuda Izrẹlapụ mamgba ò se amanyanaḅọ kunḅịa ẹrẹchị koḅirima sime nyọ mị.

1 Amanyanapụ 12:25

Amanyanaḅọ Jeroboam Izrẹlḅọ ḅe Shẹkẹm ama mị nama kụrọmamẹ, Ifrem chịngị ọgọnọ sẹ mị ḅie ḅụ se kele anịju ḅụ angamẹ. Ọ̀ pịkị somun Pẹnuẹl ama mị nama kụrọmamẹ.

1 Amanyanapụ Sịkị Mịẹaye Ma 6:67

Shẹkẹm, tịḅị ḅọị opuama Ifrem chịngịma ọgọnọ simeye mị na, Gaza mị na,

Fịafịa Nime 60:6

Oria fịafịa tẹkẹ warị ḅie Tamụnọ Ḅe ò ḍukosam na, “Ọmụḅaraiḅi ḅụ à Shẹkẹm mị ḍieḅịa se Sọkọt Pẹsịkiri mị se ị̀ya tomonima pịrịḅịa.

Jọshụa 17:6

ini nwọ ama se oria owuapụ awọma na eremeni-awọ ma na pịrị wara sịkị. Giledị ama mị ini anị ḍie se Manasẹ furo ḅie apụma ḅụ kirikọn apụma pịrịmẹ.

Jọshụa 17:8

Tapua mị kelema kiri mị sime Manasẹ ḅe pịrịmẹ, ọkụma jokoma Tapua ama mị sime Ifrem ḅie apụma pịrịmẹ.

Jọshụa 20:7

Anịẹrẹchị, Jọdan mị ḅụ ịrụasọsọ nyọ daọrụ ḅụ ini Kedẹsh mị sikima koromamẹ Galili mị ḅie, anị Naftalaị chịngị ọgọnọ sẹ mị ḅie; Shẹkẹm mị na Ifrem chịngị ọgọnọ sẹ mị na ḅie; pịkị Hibrọn mị na, Juda chịngị ọgọnọ sẹ mị ḅie.

Jọshụa 21:21

Inein-a opuama ini nwọse ini pịrịmẹ: Shẹkẹm mị na inia namama fịfịḅịa osuein kirima na, Ifrem chịngị ọgọnọ sẹ mị ḅie ḅụ (tịḅịḅọịḅịa gbọrị opuama) na, Gaza mị na,

Jọshụa 24:1

Gbọrị ene Shẹkẹm mị ḅie Jọsụwa ḅe Izrẹl sẹ mamgba chịn koḅirimamẹ. Ọ̀ sẹnịapụma chịnmẹ, tịḅịnịma na, ḅẹrẹkọn apụma na, pịkị Izrẹl mị ḅie fịrịtịḅịdapụ ma na, se ini ḅo Tamụnọ Ḅe tọrụkuḅu ḅụ iniaḅụ ḍiepakụmamẹ.

Jọshụa 24:32

Josẹf oju mị, anị ini Izrẹlapụma Ijipt mị ḅie ọkịḅoye mị, Shẹkẹm mị ḅie ini anị ḍipimẹ, anị Jekọb ḅe Hemọ awọma ḅara fẹ kịrị mị ḅie, anị Shẹkẹm ḍaḅe, seleḅa pẹkẹrẹ-a sọnọasi ọ̀ nwọse anị fẹmẹ. Mị kiri mị Josẹf furo ḅie apụma anị ḍiaọkịmẹ.

Bẹrẹkọn Apụ 9:1

Gidiọnị ya Abimẹlẹk ḅe ò so Shẹkẹm ama mị mun mẹ, anị nyọngọrọma mịnapụ mamgba anga nyọ mị, se ọ̀ nwọse ini ḅẹmẹ