Jọshụa 17:2 - Kịrịkẹnị Baịbụl

² Jọdan mị ḅụ ịrụasọsọ nyọ daọrụ mị ḅụ sime amama sime ísí kirikọn Manasẹ furoma pịrịmẹ: anị Abaịeza ḅe na, Hilẹk ḅe na, Asriẹl ḅe na, Shẹkẹm ḅe na, Hifa ḅe na, pịkị Shẹmaịda ḅe na. Mịna apụma Manasẹ furo ḅe owuapụ-ẹ, Josẹf yaḅe, ini anị pịkị furoma ḅie tịḅịnịma-ẹ.

Jọshụa 17:2 Iomraidhean Croise

1 Amanyanapụ Sịkị Mịẹaye Ma 7:18

Giledị ḅe nụmbụrarọ Hamolẹkẹt ma tẹrẹ-a owuapụ awọ á nwọ yimẹ: Ishọd ḅe na, Abaịeza ḅe na, pịkị Mala ḅe na.

Jọshụa 17:1

Jọdan mị ḅụ ịrụasọsọ nyọ daọrụ mị ḅụ gbọrị pẹkẹrẹ ini nwọ ḍie Manasẹ furoma ḅụ daye nwọ pịrịmẹ anị Josẹf ḅe oria tatarị tọkụ ḅe Meka, Giledị ḍaḅe, anị Manasẹ tatarị tọkụ-ẹ, pịkị ọmụgbin ḅụ ẹrẹpakaḅọ-ẹ, anịẹrẹchị Giledị mị na Bashan mị na ini se ọ̀ pịrịmẹ, anị Jọdan mị ḅụ ịrụapakapaka nyọ daọrụ mị.

Jọshụa 17:3

Zẹlofẹhad, Hifa yaḅe, anị Giledị yaḅe anị Meka yaḅe, anị Manasẹ yaḅe, ori owuapụ awọ yikẹ, ọkụma eremeni-awọ kẹngẹ-ẹ. Inia ẹrẹ anị Mala, Noa, Hogla, Milka, pịkị Tiaza ma na.

Bẹrẹkọn Apụ 6:11

Anịsịkị Nyanaḅọ Ḅe enjẹlḅọ ḅo Ọfra ịwọama mị ḅie Joash, anị Abaịeza sẹḅọ ḅe oria kuru chịn mị chuku kpọnjị simemẹ, yayo Gidiọnị ḅe, Midia apụma ori ọrịẹkaye gose, ḅọịma irumịẹ chịnmgbọlụ pọnjị-pọnjị pakụma akpa ḅie chụaḅẹ ini iru mịẹmịẹ nyọ ḅụ.

Bẹrẹkọn Apụ 8:2

Ọkụma ọ̀ nwọse ini ḅẹmẹ, “À ḅụkụrọma mịẹye mị seni ọ́ mịẹsaye mị na otomaḅịayekẹ. Ómine Ifrem owuapụma mịẹ kalaye mị anị kọkọ ị̀ya sẹ mị mgba mịẹye mị nẹngị wara-o.