Jọshụa 17:18 - Kịrịkẹnị Baịbụl

¹⁸ Chịngị-ọgọnọ-sẹ mị sime ọ́ pịrịḅịa. Anị mị piri-ẹ nwọḅẹ sọnị, ómine anị pẹlẹ se anị ọkịḅịa anị la-ọkụ la-ọkụ mị mgba. Kenan apụma ọkụma, ómine ini depakụmaḅịa ini kporokporo nyanamẹ pịkị kụrọ apụ-ẹ nwọḅẹ sọnị.”

Jọshụa 17:18 Iomraidhean Croise

Chukusakị 49:24

Ọkụma oria lubu mị jikekẹ, Se ọ̀ ḅarama mịẹ kụrọmamẹ Se Jekọb Opu Tamụnọ Ḅe kụrọ ḅụ, Anana Ḍikiḍikiḅọ Ḅe, Izrẹl Kokoḅọ Ḅe.

2 Samụẹl 18:6

Devid ọmụogbo mị pakaso mun sẹ mị ḅụ sikima se Izrẹlapụma na owusọmẹ Ifrem piri mị ḅieḅụ.

Romapụ 8:31

Maye mamgba ḅụ, cheye wa ineda nwọ ḍuko ḅe? Tamụnọ Ḅe nemikase mịna ḅụ simemẹ ḅẹ ọkụma, tụḅọ ineda mine na ye mịẹ ḅe?

Romapụ 8:37

Ẹn-ẹn, mayema ḅie mgba wa karasa ọmụḅaraiḅi nwọ nyana waraḅẹ wa ḅẹlẹma ḅọ ḅe ḅụ!

Maịnkarama Oloko 33:17

Josẹf ḅe owoi nambulo ịnyọ ọ̀ nwọ nyanamẹ, Piri nambulo ịvalị anị ọ̀ chụaye-ẹ. Oria ịvalị ma anị Manasẹ ḅe oria mẹndẹ oyiasi fịnjị ma-ẹ Pịkị Ifrem ḅe oria gbọrị poku na sọnọ ẹndẹ fịnjịma na-ẹ. Ori àrị se sẹma chiraḅịa Pịkị àrị suma mun sẹkiri mị ḅụ kuluma nyọma ḅụ saramẹ.”

Hibru 13:6

Ye anịọkụma wa kụrọ kuḅie nyana se nwọ ḅẹ, “Nyanaḅọ Ḅe ị̀ya ḅarachụaḅọ-ẹ, ị̀ ḅalafa ẹkẹ. Tomoniḅọ ineda cheye se ị̀ mịẹ ḅe?”

Jọshụa 13:6

Mịn mị bebe Saịdọn apụ pẹkẹrẹ mị mgba anịa ḅụ omi-ẹ, anị Lẹbanọn Tụndụ ma na pịkị Misrẹfọt Meim mị na ogboku anga chịngị ọgọnọ sẹ mị ḅe apụ ma-ẹ. Izrẹlapụma nwẹngị sọmun-arị sịkị à mịna sẹma ḅie anga apụ mamgba depakụmaḅịa. À tọn ị́ pịrị ḅọrọsa ḅaraḅụ, kiri mị ị́ ḍie Izrẹlapụma pịrịḅịa.

Jọshụa 15:9

Anịju ḅụ anị ọkịmun Nẹftoa Ideri Mengi mị tịḅịju lamẹ pịkị somun Ifrọn Tụndụ mị na kpekima sime opuamama lamẹ. Anịju ḅụ anị pịkị kelema mun Beala mị lamẹ (anịkanịka Kiriat Jearim mị),

Jọshụa 17:17

Jọsụwa ḅe nwọse Ifrem furo mị na pịkị Manasẹ furo mị ḅụ ịrụasọsọ nyọ daọrụ mị ḅụ sime apụma na ḅẹmẹ, “Ọ́ ḅaka lamamẹ, ọ́ pịkị kụrọ lamamẹ, kọkọmayeḅụ. Ọ́ gbọrịye nẹngị ḍiekiri nwọ nyanaḅịa.

Jọshụa 20:7

Anịẹrẹchị, Jọdan mị ḅụ ịrụasọsọ nyọ daọrụ ḅụ ini Kedẹsh mị sikima koromamẹ Galili mị ḅie, anị Naftalaị chịngị ọgọnọ sẹ mị ḅie; Shẹkẹm mị na Ifrem chịngị ọgọnọ sẹ mị na ḅie; pịkị Hibrọn mị na, Juda chịngị ọgọnọ sẹ mị ḅie.

1 Samụẹl 1:1

Ẹlkena nwọ chịn gbọrị owuḅọ simemẹ Ifrem sẹ ḅie, Rema ama mị ḅie ori angamẹ, Ifrem chịngị ọgọnọ sẹ mị ḅieḅụ. Jeroham ḅe yayo-ẹ, oria opuḍaḅọ anị Ilaịhu ḅe-ẹ, Tohu furo mị ḅie, anị Zọf sẹ mị anịa ịkpangị-ẹ.