Jọshụa 17:13 - Kịrịkẹnị Baịbụl

¹³ Izrẹlapụma ḅo kụrọ ini nẹngịtẹịn sịkị sọnị Kenan apụ mamgba ini nwọ depakụmakẹ, ọkụma ini ini mịẹse ini fịrịnwẹngị ini pịrịmẹ kụrọ ḅaraḅụ.

Jọshụa 17:13 Iomraidhean Croise

Chukusakị 49:15

Ọkụma ori ọrịmẹ na ịnyọ sara nyọ mị iḅimẹ Pịkịna amakiri mị ḅụḅẹlẹmamẹ. Anịgose ori okoku tu se ye mị dekimẹ Se ini ọ̀ mịẹse ori omoniḅọ ḅara se fịrịnwẹngịmẹ.

2 Samụẹl 3:1

Sọl ḅe furo mị ḅie apụma ḅụ sime apụma na pịkị Devid ḅe ḅụ sime apụma na sọ owu mị anị mun ḅọlọ sịkị lamẹ. Devid ḅe nwọ kụrọtẹịnma mun-arị sịkị, ori na ọmụ mị gbin àrị apụma ḅụ ịnyọ famamun-aḅẹ.

Ẹfịsọsịapụ 6:10

Anịḅe kuluma Nyanaḅọ Ḅe na gbọrịye mịẹ ḅụ ómine ọ́mịna ịnyọ mị nwọ nama chịẹma, ye oria opu kụrọ mị ḅụ ọ̀ wẹrị anị ḅara mị mịẹ ọ́ pịrị.

Filipaị 4:13

Ye wẹrị simeọkụ simeọkụ sọnị, se anị daḅịa ịnyọ à nwọ nyanamẹ Kraịst Ḅe se ị̀ pịrị kụrọ mị ḅụ.

Jọshụa 16:10

Ọkụma Gaza mị ḅie anga Kenan apụma ini ini depakụmakẹ, anịẹrẹchị Kenan apụma ini pa Ifrem apụma na anga ḅo mịmgba sọnị la waraḅẹ, ọkụma ini ini mịẹse ini omoniapụ ḅara se fịrịnwẹngịmẹ.

2 Pita 3:18

Ọkụma wa Nyanaḅọ pịkị mịna Ḍụaḅọrọmaḅọ Jizọs Kraịst Ḅe ḍikiḅụgerere mị na ḍawọnemi mị na ḅụ ọ́ sẹnịmamun. Ye boma mị sime ọ̀ pịrị mịọkụ na sịkịmamgba na! Amẹn.

Bẹrẹkọn Apụ 1:28

Izrẹlapụma ḅo kele kụrọ sịkị, ini kụrọḅara se Kenan apụma mịẹse ini fịrịnwẹngị ini pịrịmẹ, ọkụma anịẹḅẹsọnị, inimgba ini nwọ depakụmakẹ.

Bẹrẹkọn Apụ 1:30

Zẹbụlọnị sẹ mị anị ma opuamama ḅie anga sime apụma depakụmakẹ, anị Kitrọn mị na, pịkị Nahalol mị na, anịẹrẹchị Kenan apụma pa pịkị ini na angamẹ se ini kụrọḅara se Kenan apụma mịẹse ini fịrịnwẹngị ini pịrịmẹ.

Bẹrẹkọn Apụ 1:33

Naftalaị sẹ ḅie apụma opuamama ḅie anga sime apụma ini ini depakụmakẹ, anị Bẹt Shimẹsh mị na, pịkị Bẹt Anat mị na. Naftalaị apụma ini Kenan apụma na anga gbolomamẹ ọkụma ini kụrọḅara se ini mịẹse ini fịrịnwẹngị ini pịrịmẹ.

Bẹrẹkọn Apụ 1:35

Amọraị apụma Aịjalọn mị na, Shealbim mị na, pịkị Hirẹs Tụndụ mị ọgọnọ ḅụ ini pa anga waraḅẹ, ọkụma Ifrem na Manasẹ na sẹma ini se inia chuku ḅie koroma se ḅẹrẹtọn ini pịrịmẹ, kụrọḅara se ini mịẹse ini fịrịnwẹngị ini pịrịmẹ.