Jọshụa 15:8 - Kịrịkẹnị Baịbụl

⁸ pịkị Hinọm Pẹsịkiri mị tolumun chịngị mị chuku ọrụ la, anị Jebus apụ opuama, Jerusalẹm mị sime nyọ mị. Eke mị pịkị mun chịngị mị ọgọnọju mị lamẹ anị Hinọm Pẹsịkiri mị ḅie ḅụ ịrụasọsọ nyọ daọrụ mị, Rifeim Pẹsịkiri mị ḅụ ọgọnọju daọrụ mị ḅụ kuluma mị.

Jọshụa 15:8 Iomraidhean Croise

2 Samụẹl 5:18

Filistia apụma ḅo Rifeim Pẹsịkiri mị la se anị ḍẹkịkelemamẹ.

2 Samụẹl 5:22

Anịeso Filistia apụma vinpịkịso Rifeim Pẹsịkiri mị ḅie mun se pịkịna anị ḍẹkịkelemamẹ.

2 Amanyanapụ 23:10

Amanyanaḅọ Josaya ḅe Tọfẹt oruḅẹrẹ nemiapụ tẹkẹ nyọ mị pụlamamẹ Hinọm Pẹsịkiri mị ḅie ḅụ simeye mị, mịẹsosịkị gbọrịḅọ sọnị ḅarị ineda oria owutọkụ anịkanịka eremeni tọkụ seni dọkịma agbamịẹ Mọlẹk oru mị pịrị ẹka ḅara.

1 Amanyanapụ Sịkị Mịẹaye Ma 11:4

Anịeso Amanyanaḅọ Devid ḅe na bebe Izrẹlapụ mamgba na mun owu seni Jerusalẹm opuama mị pakamẹ. Anịsịkị ḅụ ini se anị nemi ẹrẹ anị Jebus. Jebus apụma, anị dada ama mị nyana apụma anịju ḅụ ini pa anga waraḅẹ.

2 Amanyanapụ Sịkị Mịẹaye Ma 28:3

Hinọm Pẹsịkiri mị ḅie ori insẹnsị dọkịma dọkịmamẹ, se ọ̀ pịkịna oria owuapụ awọ ọkị se dọkịma agba mịẹ oru pịrịpịrịmẹ, tomonima mịẹmịẹ ḅụngụngụmaye ọ̀ nwọ ḍiki mịẹmẹ anị Izrẹlapụma sọmun-arị sịkị, Nyanaḅọ Ḅe desin-apụ ma mịẹmịẹaye ma.

Nẹhimaya 11:30

Zanoa ḅie na, Adulam ḅie na, pịkịna mịna amama na kpeki ịwọ amama ḅie na. Lekish ḅie ini angamẹ pịkịna anị na kpeki ozuma ḅie na, pịkịna Azika na anịa ịwọ amama ḅie na. Anị mị fieaḅẹ na Judapụma Biashiba mị seni chukuda ḅụ na Hinọm Pẹsịkiri mị seni ọgọnọda ḅe ogboku ini angamẹ.

Aịzaya 17:5

Izrẹl mị anịḅo ini ozu ḍipi se fịayema soku sinsa ozu kiri kịkẹḅịa, anịḅo Rifeim Pẹsịkiri mị ḅie ini pẹlẹ sin fịaye ozuma yawụ ọkụ yawụḅịa.

Jerimaya 19:14

Anịsịkị à Tọfẹt mị wẹrịsomẹ, anị Nyanaḅọ Ḅe ị̀ fịrịma na à mun oria oku mị ḍukofinjima nwọ ḅe nyọ mị. À mun Oputẹkẹwarị mị odo mị ḅie chịẹ se oku mị ḍuko tomoni mamgba pịrịmẹ na

Jerimaya 19:2

se Pọtsẹd Onu Ḅọkọ mị ḅie ḅụ ḅọrọ paka Hinọm Pẹsịkiri nyọ mị mun. Anịnyọ anị ò se ị̀ pịrịḅịa oku mị à nwọ ḍuko finjiḅịaye-ẹ.

Jerimaya 19:6

Anịsịkị, sịkị mị ḅoḅịa, ini ḅarị Tọfẹt anịkanịka Hinọm Pẹsịkiri nwọse mịnyọ mị chịn ẹkẹ. Anịnakaraka, ini se anị lekiriḅịa ẹrẹ anị Nweni-ḅaa-Pẹsịkiri.

Jọshụa 15:63

Ọkụma Juda apụma ini ineda Jebus apụma depakụmakẹ Jerusalẹm mị ḅie, anị anịa ḅie anga apụma. Jebus apụma mịọkụ sọnị ini pa Juda apụma na anịa ḅie anga waraḅẹ.

Jọshụa 18:16

Anị pịkị ideri mun tụndụ mị chuku lamẹ anị Hinọm Pẹsịkiri mị tọrọkọ simeye mị. Rifeim Pẹsịkiri mị ọgọnọju daọrụ mị kuluma ḅụ. Anị pịkị chukuju daọrụ ḅụ toluḅọrọ mun Hinọm Pẹsịkiri mị lamẹ, Jebus apụ chịngị mị ḅụ chukuju daọrụ mị, Ẹnrogẹl mị damun ọrụ ḅụ.

Jọshụa 18:28

Zila na, Haẹlẹf na, Jebus na (anịkanịka Jerusalẹm mị-ẹ), Gibia na pịkị Kiriat Jearim na; oyi inein opuama fịnjị, pịkị àrị kelema amama na. Mị anị Bẹnjamin sẹ mị ḅie sime furoma ḍiaọkị kiri mị-ẹ iniaye ḅaraḅụ.

Bẹrẹkọn Apụ 1:21

Ọkụma Bẹnjamin sẹ mị ḅie apụma ini Jebus apụma depakụmakẹ anị Jerusalẹm mị ḅie angapụma; anịẹrẹchị Jebus apụma ini pa Bẹnjamin apụma na Jerusalẹm mị ḅie anga ḅo mịmgba lamẹ.

Bẹrẹkọn Apụ 1:8

Juda owunima owu se Jerusalẹm mị paka se anị ọkịmẹ. Ini tomonima ḅaa se fịnị se opuama mị ḅụ chụamẹ.

Bẹrẹkọn Apụ 19:10

Ọkụma tomoniḅọ ḅe ọ̀ ḅarị anịju ḅụ sime jịn ḍin se mọnọḅama ḅikẹ, anị ori na oria ịgwa eremeniḅọ ma na, inia fịrịnwẹngịḅọ ḅe na pịkị mama yepụra asụn ma na sakị nwẹngị-soye-ẹ. Saso sọsam ini ḅo Jebus mị na kpeki sịkị (anị Jerusalẹm mị-ẹ), anịẹrẹchị fịrịnwẹngịḅọ ḅe nwọse ọ̀ nyanaḅọ ḅe ḅẹmẹ, “Cheye gose wa ineda mị Jebus opuama mị ḅie sime mọnọ ḅaama ẹka?”