Jọshụa 15:7 - Kịrịkẹnị Baịbụl

⁷ Ḅụfụka Pẹsịkiri mị ḅie sakị mun Diba mị la, pịkị kelema ọgọnọju daọrụ mun Gilgalị mị la, anị Adumim Ḅọrọnyọ mị na damadamaye mị chuku daọrụ pẹsịkiri mị ḅie. Anị ọkịmun Ẹnshimẹsh iderimengi tịḅịju mị la, somun Ẹnrogẹl mị la,

Jọshụa 15:7 Iomraidhean Croise

2 Samụẹl 17:17

Abaịata ya Jonatan ḅe na Zadọk ya Ahimeaz ḅe na Ẹnrogẹl mengi mị tịḅịju ọrụ ḅụ ini koruaḅẹ, anị Jerusalẹm mị akasịkị ḅụ, anịatịḅị ini dadama tomoni ini ọrịḅịa ḅara seni opuama mị ḅie sọḅịa ọkụ ofori-ẹ. Gbọrị fịrịnwẹngị eremenitọkụ sịkị sịkị ḅụ mun pakarịye mị ḍuko ini pịrị se ini mun ḍuko Amanyanaḅọ Devid ḅe pịrịpịrịmẹ.

1 Amanyanapụ 1:9

Gbọrị ene Adonaịja ḅe anana na, owoi nambuloma na, pịkị ḅẹlẹkị chụa ayamburama nambuloma na, se Oruwu Ḍụparị mị ọgọnọ agbamịẹmẹ Ẹnrogẹl ideri mengi mị na kpeki nyọ ḅụ. Ori Amanyanaḅọ Devid ḅe oria ísí-a owuapụ awọma na, Juda ḅie ḅo amanyanaḅọ fịrịtịḅịnị ma na, nwọ chịnmẹ na ini mị agbamịẹ alalị fị mị ḅo,

Aịzaya 65:10

Ini ị̀ tẹkẹ tẹkẹḅịa, ini pịkị inia ananama na nambuloma na se mun Sharọn Ḅele nyọ mị ḅụ, ịrụasọsọ nyọ na pịkị Ḅụfụka Pẹsịkiri nwọ chịn nyọ mị ḅụ ịrụapakapaka nyọ ḅụ nama fịaye se namama pịrị àrị fịḅịa.

Jọshụa 10:43

Mịn ḅo ḅọrọ so sịkị, Jọsụwa ḅe na oria ọmụogbo mị na vinpịkị so ini ikowarịma pike sime nyọ mị mun me Gilgalị mị ḅie ḅụ.

Jọshụa 15:15

Ori anịju ḅụ somun owuse Diba ḅie anga apụma pakamẹ. (Mị opuama mị olomu sịkị ini nwọse anị chịnmẹ Kiriat Sẹfa.)

Jọshụa 15:6

anị wasama mun Bẹt Hogla mị la, se ọgọnọju daọrụ ọkịmun Jọdan Pẹsịkiri mị lamẹ. Anị pịkị ọkịmun Bohan Ḍụparị mị lamẹ. (Bohan ḅe Rubẹnị awọma ḅie gbọrịḅọ-ẹ),

Jọshụa 18:17

Anị pịkị kanama ọgọnọju daọrụ ḅụ mun Ẹnshimẹsh mị la pịkị somun Gelilọt mị lamẹ. Adumim Ḅọrọnyọ mị na damadamaye mị. Eke mị pịkị tukoro mun Bohan Ḍụparị mị lamẹ (Bohan ḅe Rubẹnị ya-ẹ)

Jọshụa 4:19

Tomonima kụra mị ḅie ngei akalụ mị ḅụ oyi-a ḍin ene anị ini Jọdan mị saḅa se mun Gilgalị mị ḅie ikowarịma pike simeye-ẹ, Jẹriko mị ḅụ ịrụapakapaka nyọ daọrụ mị.

Jọshụa 7:24

Jọsụwa ḅe na bebe Izrẹlapụ mamgba na gịsapụma Ekan ḅe kun se, seleḅa ma na, koroḅụchụaye mị na, goli chịn mị na, pịkị Ekan owuapụ awọma na eremeni awọma na, pịkị ananama na, oria ikowarị mị na, pịkị oriaye layelaye mamgba nwọ ọkị; se ini se Ḅụfụka Pẹsịkiri mị mun mẹ.

Jọshụa 7:26

Ini ḍụparịma se oria ọgọnọ sara tundurumamẹ mịmgba sọnị anịju ḅụ àrị pa omi-ẹ. Anịẹrẹchị ini nwọse anị nyọ mị chịnmẹ Ḅụfụka Pẹsịkiri. Anịsịkị Nyanaḅọ Ḅe ọ̀ ḅarị ịganị nyana ini pịrịkẹ.