Jọshụa 15:47 - Kịrịkẹnị Baịbụl

⁴⁷ Ashdọd mị na Gaza mị na pịkị arịa amama na ịwọamama na, mun Ijipt eke mị ḅụ sime ideri mengi mị la pịkị Mẹditirenia Opu Tọrụ mị aka mị na lamẹ.

Jọshụa 15:47 Iomraidhean Croise

1 Amanyanapụ 5:4

Ọkụma mịọkụ Nyanaḅọ Ḅe, ị̀ Tamụnọ Ḅe ò dein seni ị̀ pịrịmẹ ị̀ya eke mamgba ḅụ à tarakapụ nyanakẹ owu seni ị̀ pakarị apụ pịkị ofori-ẹ.

2 Amanyanapụ 18:8

Ò Filistiapụma nẹngịmamẹ pịkị ini anga nyọma ḅie ḅụ, bokatẹịn ịwọama ḅie ḅụ ọkịmun ḍụḅatẹịn opuama mị la, pịkị Gaza mị na anị kelemakoro nyọma na, ori àrị kanmẹ.

2 Amanyanapụ Sịkị Mịẹaye Ma 26:6

Ọzaya ḅe, ò Filistia apụma na owusọmẹ. Gat na Jamnịa na Ashdọd na kelema opuamama onu ma ori àrị sumagbinmẹ, se Ashdọd na kpeki opuamama na pịkị kirikọn Filistia opuamama na ọ̀ nwọse kụrọ owuni ama namamẹ.

Pakaso 23:31

Ọ́mịna ama mị ḅie eke ma à ye se arịa ḅụ chụaḅịa. Akaba Ọpọ mị ḅụ sakị mun Mẹditirenia Tọrụ mị la pịkị onwun ele mị ḅụ sakị mun Yufretis Tọrụ mị la. Ó se ama mị ḅie anga apụma nẹngịmaḅịa kụrọ à nwọse ọ́ pịrịḅịa, ọ́ pịkị ini desinḅịa ómine ọmụ mị gbinma-muarị sịkị.

Jerimaya 47:1

Tẹrẹrẹ Ijipt amanyanaḅọ ḅe Gaza gbẹịnmachịẹ, Nyanaḅọ Ḅe Filistia na kpakịmaye ḍuko ị̀ pịrịmẹ.

Jerimaya 47:5

Opu kururu ḅo Gaza tomonima lasam, se Ashkẹlọn-a tomonima ini ḅifiekẹ. Kọn Filistia apụma ini kururu mun che sịkị laḅe?

Zẹfanaịa 2:4

Gaza opuama mị ḅie gbọrịḅọ sọnị kọn ẹkẹ. Ashkẹlọn mị anị ḅo eleogbo nwọ sọḅịa. Eneogboin ḅiri ḅụ mị ini Ashdọd apụma depakụmaḅịaye-ẹ, pịkị Ẹkrọn apụma inia opuama mị ḅie ini ini depakụmaḅịa.

Okunwẹngịapụ 8:26

Nyanaḅọ Ḅe enjẹlḅọ nwọse Filip ḅe ḅẹmẹ, “Ị́ ḅụ karakarama, se Jerusalẹm ḅie ḅọrọ Gaza ama mị munḅịa ateli ḅụ chukuda nyọ mị ḅie sọmun.” (Mịn ateli mị tomoni ḅarị anịa ḅie nwẹngịkẹ mịọkụ.)

Maịnkarama Oloko 2:23

Mẹditirenia tọrụaka mị ḅụ sime ama mị Krit chọ mị ḅie apụma anịa ḅie angamẹ. Ini Avim apụma ḅaasinmẹ, anị jokoma ama mị nyana apụma, se inia ama mị mgba nwọ ọkịmẹ ọkịmun Gaza opuama mị lamẹ anị chukuda ọrụ mị.)

Jọshụa 11:22

Anakim apụma ḅụ kọn gbọrịḅọ sọ ofori-ẹ Izrẹl ama mị ḅie; kalapụ kẹngẹ anị Gaza mị na, Gat mị na pịkị Ashdọd mị na, ḅie ḅụ kọnye-ẹ.

Jọshụa 13:3

pịkị Avim pẹkẹrẹ mị ḅụ ọkịmun chuku daọrụ mị mgba la. (Shaịhọ ideri mengi mị ḅụ sime kiri mị ḅụ ọkịmun Ijipt apụ eke mị ḅụ la, pịkị ọgọnọ daọrụ mị ḅụ mun Ẹkrọn apụ eke mị la, anịmgba Kenan apụ nyọ-ẹ; Filistia amanyanapụma anga nyọ anị Gaza mị na, Ashdọd mị na Ashkẹlọn mị na, Gat mị na, pịkị Ẹkrọn na-ẹ.)

Jọshụa 15:4

somun Azmọn mị la, Ijipt eke mị ḅụ iderimengi mị ḅụ ọkịmun Mẹditirenia Opu Tọrụ mị la, anị eke mị kuluma nyọ mị-ẹ. Anị Juda mị ḅụ chuku daọrụ mị ḅụ eke mị-ẹ.

Jọshụa 15:46

pịkị Ashdọd na, kpekima sime opuamama na ama mamgba na, Ẹkrọn mị ḅụ ọkịmun Mẹditirenia Opu Tọrụ mị la.

Jọshụa 15:48

Chịngị ọgọnọ sẹ mị ḅie simeayema anị Shamẹ na, Jata na, Sokọ na,