Jọshụa 15:2 - Kịrịkẹnị Baịbụl

² Mị chuku da eke mị Jikeka Opu Tọrụ mị ḅụ chuku ọrụ mị ḅụ anị sakịmẹ,

Jọshụa 15:2 Iomraidhean Croise

Chukusakị 14:3

Mịna sọnọ-a amanyanapụma ḅịpị se ogbosọ se Sidim Pẹsịkiri mị ḅie, anị mịọkụ Fị Tọrụ ini nwọse chịn nyọ mị ḅụ koḅiria mẹ.

Aịzaya 11:15

Nyanaḅọ Ḅe ò Suẹz ẹgẹdẹ mị samịnamaḅịa, ọ̀ pịkịna ọfịrị-fọrụ nwọ seni Yufretis mị samịnamaḅịa, sọnọma kala gbam-gbam ideri mengi kẹngẹ ọ̀ nwọse koromaḅịa, mịẹsosịkị nweni ineda ḅụọ se arịa ḅie nwẹngị saḅaḅịa ḅara.

Izikịẹl 47:18

“Ịrụapakapaka nyọ daọrụ eke mị, Damaskọs na Hauran eke mị na ogboku ḅụ chuku daọrụ ḅụ, anị Jọdan Ideri mengi mị na, Izrẹl ama ḅụ ịrụasọsọ nyọ daọrụ mị na eke mịẹmẹ, Giledị ḅụ ịrụapakapaka nyọ daọrụ ḅụ ọkịmun Fị Oputọrụ Mengi mị ḅụ Tema mị lamẹ.

Izikịẹl 47:8

Ọ̀ nwọse ị̀ ḅẹmẹ, “Mị mengi mị, ịrụapakapaka nyọ da ama mị ḅie anị ideri ḅọrọ mun Jọdan Pẹsịkiri mị ḅie ḅọrọ mun Fị Oputọrụ Mengi mị lamẹ. Anị seri mun Fị Oputọrụ Mengi mị lasịkị, anị anị tọrụ mị ḅe ala-mengi mị ḍinma ḅu-mengi mịẹmẹ.

Kịẹnḅịpị Ma 34:3

Chuku daọrụ eke mị Zin piri ele mị ḅie anị sakị Idọm eke ọrụ mị munḅịa. Fị Tọrụ mị ḅụ chuku daọrụ mị ḅụ ịrụapakapaka nyọ mị ḅụ anị sakịḅịa.

Jọshụa 15:1

Mị Juda furo ḅie awọma sẹ mị ḅie ọkị nyọma sime ọkụ-ẹ: Kiri mị anị chuku daọrụ ḅụ sakị mun Zin piri ele mị ḅụ chuku datẹịn ọrụ mị ḅụ ọkịmun Idọm eke mị lamẹ.

Jọshụa 15:3

se Akrabim Ḅọrọnyọ mị ḅụ chuku ọrụ mị ḅụ ọkịmun Zin mị lamẹ. Anị chuku daọrụ ḅụ sakị mun Kedẹsh Banea mị la, Hẹzrọn mị ḅọrọ se iwo mun Ada mị la, kelema mun Kaka mị la,

Jọshụa 3:16

mengi mị ḅarị serikẹ anị pịkị ḅo gbọrị anga koḅirima simemẹ, Adam mị tụḅụ ḅieju ngịsị, anị Zarẹtan mị anga ḅụ sime opuama mị. Seri mun Jikeka Opu Tọrụ mị ḅie sarasara ideri mengi mị sọnị gbọtụma pẹlẹmẹ, se tomonima ini ineda tọrụ mị saḅamẹ Jẹriko mị na kpeki nyọ mị ḅụ.