Jọshụa 15:14 - Kịrịkẹnị Baịbụl

¹⁴ Kelẹb ḅe ori Anak furo ḅie apụma depakụmamẹ opuama mị ḅie ḅụ—anị Shẹshaị mị na, Ahiman mị na, pịkị Talmaị mị na sẹma.

Jọshụa 15:14 Iomraidhean Croise

2 Samụẹl 21:16

Gbọrị opu godoroḅọ oria ẹrẹ anị Ishbibẹnọb, alapẹlẹka ikulele sụḅa ọ̀ nwọ dekimẹ anị opuma ikumẹ, ọ̀ pịkị ịwọ kongo se ọ̀ ḅụ amụmẹ, ọ̀ nwọ chịnmẹ na ori ineda Devid ḅe ḅaaḅịa.

Kịẹnḅịpị Ma 13:33

wa pịkị godoro apụ furo ḅie apụ ọrịmẹ, anị Anak ḅe ò furo apụma. Anị mịnaḅụ sime ọkụ, ị́ ḅẹḅịa mine ma kala akpakpa awọ-ẹ, wa fịnyọ la-ọkụ mị ḅụ, anị inima sọnị pịkị se wa ḍikiḅịa tọrụ-ẹ.”

Maịnkarama Oloko 9:2

Tomonima na mịnaḅụ na gele pịkị kụrọ apụ-ẹ; ini ma godoro apụ-ẹ, ini ḍuko ọ́ pịkị naasam na ineda dadama inia tọrọkọ chịẹ-chịẹ ḅọ ngịsị ofori-ẹ.

Jọshụa 11:21

Mịn sịkị mị ḅụ Jọsụwa ḅe mun opuma godoro apụ sẹ mị kanmẹ, anị ini Anakim nwọse chịn chịngị ọgọnọ sẹ mị ḅie anga apụma, anị Hibrọn na, Diba na, Enab na, pịkị Juda na Izrẹl na nyọ ḅụ sime chịngị ọgọnọ sẹ mị mgba na Jọsụwa ḅe gbọtụma ini ḅaa pịkị inia amama famamẹ.

Jọshụa 11:22

Anakim apụma ḅụ kọn gbọrịḅọ sọ ofori-ẹ Izrẹl ama mị ḅie; kalapụ kẹngẹ anị Gaza mị na, Gat mị na pịkị Ashdọd mị na, ḅie ḅụ kọnye-ẹ.

Bẹrẹkọn Apụ 1:10

Ini nwẹngị sọ mun Hibrọn opuama mị ḅie anga Kenan apụma damamunmẹ, anị Kiriat Aba ini nwọse chịn apụma. Anịju ḅụ ini Shẹshaị apụma na, Ahiman apụma na, pịkị Talmaị apụma na nẹngịmamẹ.

Bẹrẹkọn Apụ 1:20

Moziz ḅe tọnsa ḅaraḅụ, Hibrọn mị ini se Kelẹb ḅe pịrịmẹ, anị opuama mị ḅie Anak furo ḅie apụ tẹrẹ-a sẹma depakụmaḅọ ḅe.