Jọshụa 14:9 - Kịrịkẹnị Baịbụl

⁹ Àrị ọkọ mịẹye ẹrẹchị, Moziz ḅe ò yeḅereni ị̀ pịrịmẹ na, ị̀ya awọma na ị̀rị̀ na ị̀ ḅụọ lasa kiri mị ò se wa pịrịḅịa gbarịmaka ḅaraḅụ mịna ḍiekiri-ẹ.

Jọshụa 14:9 Iomraidhean Croise

Fịafịa Nime 37:9

Kuḅie se Nyanaḅọ Ḅe ḅụgbanapụ ma ini ama mị nyanaḅịa, ọkụma sitịḅịnyanapụma ini ini depakụmaḅịa.

Kịẹnḅịpị Ma 13:22

Ini tatarị sọ ama mị ḅụ chukuju daọrụ ḅu ini ḅọrọmun Hibrọn mị lamẹ, anị Ahiman na, Shẹshaị na, pịkị Talmaị na sẹma sime nyọ mị, anị opu godoro apụ furo ḅie apụma, anị ini Anakim nwọse chịn apụ anga nyọ ma-ẹ. (Hibrọn mị paka-ẹso sọnọma kụra ḅọrọ ḅụ anị Zoan Ijipt mị ḅie sime ama mị pakaye-ẹ.)

Maịnkarama Oloko 1:36

Kelẹb Jẹfunẹ yaḅe kẹngẹ anị sọḅịaye-ẹ. Ị̀ ḅụ ḅereni nyana ḅụ ò simemẹ, ò mun ḍiki kelema ama mị àrị anị seni ori na ò furo apụma na pịrịḅịa.’

Maịnkarama Oloko 11:24

Ọ́mịna ḅụọ la kiri mamgba sime ọ́ pịrịḅịa. Ọ́mịna nyọ mị wasama mun onwun ele mị ḅụ chuku daọrụ mị ḅụ sakị mun Lẹbanọn Tụndụ ma laḅịa ọgọnọju daọrụ ḅụ, pịkị ịrụapakapaka nyọ daọrụ ḅụ Yufretis Tọrụ mị ḅụ ọkịmun Mẹditirenia Tọrụ mị laḅịa anị ịrụa mị tumatuma nyọ daọrụ ḅụ.

Jọshụa 1:3

À ḍuko Moziz ḅe pịrị ḅaraḅụ, ị́rị́ na ị̀ya tomoni mamgba na ḅụọ se lamaḅịa nyọ mamgba ama mị à se ọ́ pịrịḅịa.

Jọshụa 14:10

Mịọkụ, ḍiki, anị sọnọfa-kụra-mesi-oyi-fịnjị-lasam Nyanaḅọ Ḅe mịn mị ḍuko Moziz ḅe pịrị sịkị. Anị Izrẹl mị onwun ele mị nwẹngị saḅarị sịkịḅụ-ẹ, se Nyanaḅọ Ḅe ò yeḅereni ị̀ pịrịsa ḅaraḅụ, ị̀ ḍumo mị kokoḅo mịmgba lamẹ. Ị̀ ḍiki! Sọnọfa-kụra-iniasi-oyi-fịnjị à nwọ lasam,

Bẹrẹkọn Apụ 1:20

Moziz ḅe tọnsa ḅaraḅụ, Hibrọn mị ini se Kelẹb ḅe pịrịmẹ, anị opuama mị ḅie Anak furo ḅie apụ tẹrẹ-a sẹma depakụmaḅọ ḅe.