Jọshụa 14:8 - Kịrịkẹnị Baịbụl

⁸ Ini ị̀rị̀ na mun apụma, mịẹse mịna tomonima inia ḅalafamẹ. Ọkụma ị̀rị̀ à ḅereni nyana ḅara se ị̀ Nyana Tamụnọ Ḅe ḅịpịpokimẹ.

Jọshụa 14:8 Iomraidhean Croise

Kịẹnḅịpị Ma 13:31

Ọkụma Kelẹb ḅe na mun apụma nwọ ḅẹmẹ, “Ẹn-ẹn, se owu se ini pakaḅịa ịnyọ wa nyanakẹ; anịanga sime tomonima ini kụrọtẹịn wa nẹngịmẹ.”

Kịẹnḅịpị Ma 14:1

Bebe ḍin mị mgba tomonima inia ḅụḅalaḅala ḅụ sime oloku owumẹ.

Kịẹnḅịpị Ma 14:24

Ọkụma ị̀ya fịrịnwẹngịḅọ Kelẹb ḅe iniaḅụ ọ̀ kịrị kuḅie nyanamẹ pịkị nyana ḅereni ị̀ pịrịmẹ nwọḅẹ ye gose, àrị ó se mun ó ḍikikelema ama mị lamaḅịa, se ò furo apụma pịkị ama mị ọkị nyanaḅịa

Kịẹnḅịpị Ma 32:12

Mịn mị anị ḅẹḅọ ḅẹḅọ gbolomamẹ, Kelẹb Jẹfunẹ yaḅe anị Kenịzaịḅọ ḅe na pịkị Jọsụwa Nọn yaḅe na sikima ọkụma; ini ma ini nyanaḅereni Nyanaḅọ Ḅe pịrịmẹ.

Maịnkarama Oloko 1:28

Nde wa gose anịju munḅịaye? Mịna ḅalafaḅẹ. Wa fịrịma mun apụma ḍuko wa pịrịmẹ na nweni ma ini nangwọtẹịn pịkị kụrọtẹịn wa nẹngịmẹ, na ini anga opuamama ḅe onu ma àrị gele mun so lamẹ. Anịju ḅụ ini godoro apụ ọrịmẹ!’

Maịnkarama Oloko 1:36

Kelẹb Jẹfunẹ yaḅe kẹngẹ anị sọḅịaye-ẹ. Ị̀ ḅụ ḅereni nyana ḅụ ò simemẹ, ò mun ḍiki kelema ama mị àrị anị seni ori na ò furo apụma na pịrịḅịa.’

Jọshụa 14:14

Hibrọn mị mịọkụ sọnị anị pa sime Kelẹb furo ḅie apụma pịrị waraḅẹ anị Jẹfunẹ ya, Kenịzaịḅọ ḅe, anịatịḅị ò ḅereni nyana ḅara se Nyanaḅọ Ḅe ḅịpịpokimẹ, anị Izrẹl Tamụnọ Ḅe.

Ḍieḅelema Yema 14:4

Ini anị inia ḅụ se ọrụtọn, eremeni na mịẹgboloma nyanaka apụ ma-ẹ; ini ere nemikẹ. Ini anị Anana Tọkụ Ḅe ḍukonwẹngịapụ-ẹ ò mun nyọ mun nyọ ḅụ. Ísí-a tomoni mamgba ḅie ini ḍụaḅọrọma nyanasam. Ini anị ini pịkị tatarị se agbamịẹ Tamụnọ Ḅe na Anana Tọkụ Ḅe na pịrịḅịaye-ẹ.