Jọshụa 14:6 - Kịrịkẹnị Baịbụl

⁶ Gbọrị ene gbọrị apụ Juda sẹ mị ḅie ḅụ so Jọsụwa ḅe damamunmẹ Gilgalị mị ḅie ḅụ. Inia ḅụ gbọrịḅọ anị Kelẹb, Jẹfunẹ yaḅe-ẹ anị Kenịzaịḅọ ḅe, ọ̀ nwọse Jọsụwa ḅe ḅẹmẹ, “Nyanaḅọ Ḅe ị́rị́ na ị̀rị̀ na gbolomaye ḅụ Kedẹsh Banea mị ḅụ ḍuko Moziz Tamụnọ tomoniḅọ ḅe pịrịye mị ị́ nemimẹ

Jọshụa 14:6 Iomraidhean Croise

1 Amanyanapụ 13:1

Nyanaḅọ Ḅe tọn ḅaraḅụ, gbọrị ịkịankoroḅọ Juda ḅie ḅụ so Bẹtẹl mun mẹ se Jeroboam ḅe agbamịẹ ẹbẹ mị tọrọkọ ḅụ chịẹsime agba mị mịẹ ọtọn àrị sịkịḅụ ò mun lamẹ.

1 Amanyanapụ 13:14

ideri koromun ateli mị ḅie, Juda ḅie ḅụ ḅo ịkịankoroḅọ ḅe ḍukomẹ, se gbọrị kuru-eje-chuku ḅụ ori ọrịmẹ ọ̀ kpọnjị sime waraḅẹ. Ọ̀ nwọse ò gbelamẹ, “Juda ḅie ḅụ ḅo ịkịankoroḅọ ḅe ị́rị́?” “Ị̀rị̀-ẹ,” tomoniḅọ ḅe nwọ pẹkẹrẹmẹ.

2 Amanyanapụ 4:16

se Ịlaịsha ḅe nwọse á ḅẹmẹ, “Jịn kụra nwọ pembe ḅiri laḅịa sịkị ị́ owutọkụ dekiḅịa ị́ ḅara ḅieḅụ.” Árị oloku se nwọ ḅẹmẹ, “Yei!” “Ị̀ nyanaḅọ, ngịsị iruokọn ị̀ pịrịma. Ị́rị́ Tamụnọ tomoniḅọ-ẹ!”

2 Amanyanapụ 4:42

Jịn sịkị ḅụ, gbọrị owuḅọ Beal Shalisha ḅie ḅụ ḅomẹ, anị kụra mị ḅie ini tatarị pẹlẹ fịturu mịẹ ịpịamgba ma ini nwọse mịẹ fịturu si okpokpo, na ịwọma pẹlẹ ịpịamgba ḅụ daye na se ḅo Ịlaịsha ḅe pịrịmẹ. Ịlaịsha ḅe nwọse oria fịrịnwẹngịḅọ ḅe ḅẹmẹ na ori àrị seni ịkịankoroapụ kpo mị pịrị se ini fị,

2 Amanyanapụ 4:9

Á nwọse dewu ḅe ḅẹmẹ, “Àrị iḅiọkụ nemimẹ na nwọ sịkịmamgba mịju ḅoḅoḅọ ḅe fịafịa Tamụnọ tomoniḅọ-ẹ.

2 Amanyanapụ 8:11

Anịsịkị Ịlaịsha ḅe gamụnụma ọ̀ tọrụ ḍiki nweni se anịḅo Hazaẹl ḅe ḅụḅalaḅalamamẹ. Ịlaịsha ḅe bẹkẹma ḅara ḅụ ori owumẹ.

2 Amanyanapụ 8:7

Ịlaịsha ḅe so Damaskọs mun mẹ anị Siria Amanyanaḅọ Bẹnhadad ḅe ḅụ iḅika sịkị ḅụ. Ịlaịsha ḅe anịju ḅụ ori omi-ẹ ini nwọ ḍuko amanyanaḅọ ḅe pịrị sịkị,

1 Amanyanapụ Sịkị Mịẹaye Ma 23:14

Ọkụma Moziz, Tamụnọ tomoniḅọ ḅe oria owuapụ awọma sọ, Livaị apụma ḅie ini omi-ẹ.)

Fịafịa Nime 90:1

Yei Nyanaḅọ, sịkịmamgba ị́rị́ mịna warị-ẹ.

Jerimaya 35:4

ọkị Oputẹkẹwarị mị ḅie ḅomẹ. Àrị ini ọkị ịkịankoro Hanan, Igdalaịya tọkụ ḅe, ọḅụḍukoapụma jukuru ḅie ḅomẹ. Mịn jukuru ḅie mị anị Measaya, Shalọm tọkụ ḅe oria ḅie mị ọgọnọ simeye mị-ẹ. Ori anị Oputẹkẹwarị ḅie opu fịrịnwẹngịḅọ-ẹ; oria ḅie mị anị ísí-a fịrịnwẹngịapụma ḅie na kpekimẹ.

Kịẹnḅịpị Ma 13:26

so Moziz ḅe na, Erọn ḅe na, pịkị bebe Izrẹl sẹ mị mgba ḍọkịma mun mẹ anị Kedẹsh ḅie Peran piri ele mị ḅie ḅụ. Ini ọrị ayema ini nwọ ḍuko ini pịrị pịkị ini se ḅo chịnmgbọlụma seni ini ḍiemẹ.

Kịẹnḅịpị Ma 13:30

Kelẹb ḅe Moziz ḅe se ḅẹrẹsuarị apụma ḅịpịma gbẹịn se nwọ ḅẹmẹ, “Wa mịọkụ mun owu se ini paka seni ama mị ọkị; wa kụrọ laḅaraḅụ ama mị wa ineda anị kanḅịa.”

Kịẹnḅịpị Ma 14:24

Ọkụma ị̀ya fịrịnwẹngịḅọ Kelẹb ḅe iniaḅụ ọ̀ kịrị kuḅie nyanamẹ pịkị nyana ḅereni ị̀ pịrịmẹ nwọḅẹ ye gose, àrị ó se mun ó ḍikikelema ama mị lamaḅịa, se ò furo apụma pịkị ama mị ọkị nyanaḅịa

Kịẹnḅịpị Ma 14:30

À ḅereni ọ́ pịrịmẹ na àrị anị ama mị se ọ́ pịrịḅịa ómine anịa ḅie anga, ọkụma ọ́mịna ḅie mun anị laḅịa ḅọ ofori-ẹ, Kelẹb ḅe na Jọsụwa ḅe na sikima ọkụma.

Kịẹnḅịpị Ma 14:6

Se Jọsụwa Nọn yaḅe na Kelẹb Jẹfunẹ yaḅe na, anị ama ẹnyẹapụ ma ḅie ḅụ mama apụma, kururu ḅụ inia ḅụchụayema kanye-ẹ

Kịẹnḅịpị Ma 26:65

Anịatịḅị Nyanaḅọ Ḅe ọ̀ ḍukosam na inimgba piri ele ḅie ini fịfamaḅịa. Iniaḅụ gbọrịḅọ sọnị kọnkẹ, Kelẹb Jẹfunẹ yaḅe na pịkị Jọsụwa Nọn yaḅe na sikima ọkụma.

Kịẹnḅịpị Ma 32:12

Mịn mị anị ḅẹḅọ ḅẹḅọ gbolomamẹ, Kelẹb Jẹfunẹ yaḅe anị Kenịzaịḅọ ḅe na pịkị Jọsụwa Nọn yaḅe na sikima ọkụma; ini ma ini nyanaḅereni Nyanaḅọ Ḅe pịrịmẹ.

Maịnkarama Oloko 33:1

Ma anị Moziz, Tamụnọ tomoniḅọ ḅe ma ọ̀ fịka simeogbo se Izrẹlapụma pịrị ḅẹlẹma ma-ẹ.

Maịnkarama Oloko 34:10

Izrẹl mị ḅie ḅụ Moziz ḅe na kịkịna ịkịankoroḅọ ngịsị ma pakaḅokẹ; Nyanaḅọ Ḅe tọrụ se ori na dama ọkwẹịnmẹ.

Maịnkarama Oloko 34:5

Anịḅụ Moziz, Nyanaḅọ Ḅe oria fịrịnwẹngịḅọ ḅe anịju, Moab ama mị ḅie ḅụ fịmẹ, anị Nyanaḅọ Ḅe ḍuko na ọ̀ mịẹḅịa ḅẹ ḅara mị.

1 Timoti 6:11

Ọkụma ị́rị́, Tamụnọ tomoniḅọ, mayema ḍikiḅụtọn. Kụrọma karakaraye mịẹ na, Tamụnọ nemi na, ḅereni na ḅẹlẹma na, inema nyana na, pịkị dein tẹmẹ nyana na nwọ ḍọkị.

2 Timoti 3:17

Mịẹse Tamụnọ tomoniḅọ ḅe yemamgba ḅụ kara se pịkị ḅụgbẹịnḅịa ḅara, pịkị ḅụkarakarama iḅi fịrịnwẹngịḅịa yegoyegoye nwọ nyanaḅịa ọkụ.

Jọshụa 10:43

Mịn ḅo ḅọrọ so sịkị, Jọsụwa ḅe na oria ọmụogbo mị na vinpịkị so ini ikowarịma pike sime nyọ mị mun me Gilgalị mị ḅie ḅụ.

Jọshụa 14:14

Hibrọn mị mịọkụ sọnị anị pa sime Kelẹb furo ḅie apụma pịrị waraḅẹ anị Jẹfunẹ ya, Kenịzaịḅọ ḅe, anịatịḅị ò ḅereni nyana ḅara se Nyanaḅọ Ḅe ḅịpịpokimẹ, anị Izrẹl Tamụnọ Ḅe.

Jọshụa 15:17

Otniẹl, anị Kelẹb numbireowu Kinaz yaḅe, opuama mị ọkịmẹ ọmụ ḅie, anịẹrẹchị Kelẹb ḅe ḅarọ Aksa ma seni Otniẹl ḅe pịrị se ori á simemẹ.

Jọshụa 4:19

Tomonima kụra mị ḅie ngei akalụ mị ḅụ oyi-a ḍin ene anị ini Jọdan mị saḅa se mun Gilgalị mị ḅie ikowarịma pike simeye-ẹ, Jẹriko mị ḅụ ịrụapakapaka nyọ daọrụ mị.